མཚོ་སྔོན་པོ་དྲ་བ་ནི་རྒྱ་བོད་གཉིས་ལྡན་གྱི་སྣ་འདུས་དྲ་བ་ཞིག་ཡིན་ལ། རང་རྒྱལ་གྱི་ཁུལ་རིམ་པའི་བོད་འབྲེལ་དྲ་བའི་ཁྲོད་གཞི་རྒྱ་ཅུང་ཆེ་ཞིང་ཁྱད་ཆོས་ལྡན་པའི་དྲ་བ་ཞིག་ཡིན།
མཚོ་སྔོན་པོ་དྲ་བ་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་བོད་སྐད་ཡིག་བྱ་བའི་གཞུང་སྒྲུབ་ཁང་གིས་ཁུལ་རིམ་པའི་ཏང་ཨུ་དང་སྲིད་གཞུང་གི་རྒྱབ་སྐྱོར་དང་འབྲེལ་ཡོད་མི་སྣས་རོགས་རམ་འོག་༢༠༠༨ལོའི་ཟླ༨པར་གསར་འདེབས་བྱ་བའི་འགོ་བརྩམས་པ་དང་། ༢༠༠༧ལོའི་ཟླ་༡༡པའི་ཚེས༨ཉིན་ནས་བཟུང་དངོས་སུ་འཁོར་སྐྱོད་ཀྱི་འགོ་ཚུགས།
མཚོ་སྔོན་པོ་དྲ་བས་ཨ་མདོ་རིག་གནས་ཀྱི་འབྱུང་གནས་ཞེས་མཚན་སྙན་གྱི་བ་དན་ཕྱོགས་བཞིར་ཁྱབ་པའི་མཛེས་སྡུག་གི་བླ་མཚོ་སྟེ་མཚོ་སྔོན་པོ་དྲ་རྒྱའི་མཚོན་རྟགས་སུ་བཞག་པ་དང་། མཚོ་སྔོན་པོའི་ཉེ་འཁོར་གྱི་གཏིང་ཟབ་པའི་རིག་གནས་ལོ་རྒྱུས་དེ་ཨ་མདོ་རིག་གནས་ཀྱི་མ་གཞིར་བཟུང་ནས། རྒྱལ་ཁབ་ཕྱི་ནང་གི་གྲོགས་པོ་བར་ཕན་ཚུན་ཆ་འཕྲིན་སྤེལ་རེས་དང་རིག་གནས་བརྗེ་རེས་བྱས་ནས་ཨ་མདོའི་རིག་གནས་ཁྱབ་སྤེལ་གཏོང་བའོ།།
མཚོ་སྔོན་པོ་དྲ་བས་ཨ་མདོ་རིག་གནས་ཕྱོགས་ཡོངས་དང་། དངོས་ཡོད། བདེན་དོན་གྱིས་ཁྱབ་བསྒྲགས་བྱེད་པའི་ཆབས་ཅིག་ཏུ་མཚོ་ལྷོའི་ཡུལ་སྲོལ་གོམས་འདྲིས་ངོ་སྤྲོད་བྱེད་པ་དང་། མཚོ་ལྷོ་དང་ཕྱི་ཡུལ་བར་འབྲེལ་ཟམ་བཙུགས་ནས་ཕན་ཚུན་འབྲེལ་འདྲིས་ཀྱི་གཏིང་ཇེ་ཟབ་ཏུ་བཏང་ནས་མཚོ་ལྷོའི་དཔལ་འབྱོར་དང་། རིག་གནས། ལྗོངས་རྒྱུ་སོགས་སྤེལ་བར་ཆ་འཕྲིན་གྱི་སྟེགས་བུ་ཞིག་བསྐྲུན་པའོ།།
མཚོ་སྔོན་པོ་དྲ་བའི་ངོས་གཟུགས་སྒྲིག་གཞི་ཚན་རིག་དང་མཐུན་ཞིང་སྤྱོད་སྒོ་ཆེ་ལ། དེ་ལས་རྒྱལ་ཡོངས་ཀྱི་བོད་ཁུལ་སོ་སོའི་གནས་ཚུལ་གསར་བ་དུས་གཅིག་ཏུ་རྒྱུས་ལོན་ཐུབ་ཅིང་ཆ་འཕྲིན་ཐོན་ཁུངས་མཉམ་རོལ་བྱས་ཆོག་པས། ས་ཁོངས་མཉམ་འབྲེལ་དང་། ཉམས་མྱོང་བརྗེ་རེས་ཀྱི་ཐད་ལ་ནུས་པ་གལ་ཆེན་བཏོན་ཡོད་པ་མ་ཟད། ས་ཁོངས་བར་གྱི་ཁྱད་པར་བསྡུར་ནས་ས་གནས་སོ་སོའི་དཔལ་འབྱོར་དང་། སྤྱི་ཚོགས། རིག་གནས་སོགས་ཕྱོགས་ཡོངས་ནས་དགེ་མཚན་ཕན་ཚུན་གསབ་ནས་མཉམ་དུ་གོང་འཕེལ་འགྲོ་བར་ཡང་མཐུན་རྐྱེན་ཡག་པོ་བསྐྲུན་ཡོད།
མཚོ་སྔོན་པོ་དྲ་བ་ནི་གསར་དུ་བཙུགས་པའི་དྲ་གནས་གསར་བ་ཞིག་ཡིན་པས་ལེགས་བཅོས་བྱེད་དགོས་ས་མང་པོ་ཞིག་ཡོད་པ་སྨྲས་མེད་རེད། ང་ཚོས་དཀའ་བ་ཁྱད་དུ་བསད། ངལ་བ་དང་དུ་བླངས་ནས་ནུས་ཤུགས་ཡོད་རྒུས་མཚོ་སྔོན་པོ་དྲ་བ་ཇེ་བཟང་དང་ཇེ་ལེགས་སུ་བཏང་ནས་བོད་འབྲེལ་དྲ་བ་ཆེ་ཤས་སུ་གཏོང་ངེས་ཡིན། དེར་ཡང་སྐུ་ཉིད་ཀྱི་རྒྱབ་སྐྱོར་དང་བསམ་འཆར་ལ་དུས་ནམ་ཡང་ལྷག་བསམ་རྣམ་དག་གིས་སྒུག་ཡོད།།
