སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཀྱི་བརྡ་སྤྲོད་དཔེ་ཚོགས་ཆེན་མོ་པར་བསྐྲུན་འགྲེམ་སྤེལ་བྱས་པ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2015-5-14 8:58:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

བོད་ཀྱི་བརྡ་སྤྲོད་དཔེ་ཚོགས་ཆེན་མོ་དཔར་དུ་བསྐྲུན་པ།

     ཉེ་ཆར་བོད་ཀྱི་བརྡ་སྤྲོད་པའི་དཔེ་ཚོགས་ཆེན་མོ།  བོད་ཀྱི་བརྡ་སྤྲོད་ཕྱོགས་བསྒྲིགས་ཞེས་པའི་དཔེ་ཚོགས་པོད་ཕྲེང་ཉེར་ལྔའི་བདག་ཉིད་ཅན་འདི་སི་ཁྲོན་བོད་ཡིག་དཔེ་རྙིང་བསྡུ་སྒྲིག་ཁང་ནས་ཉེ་བའི་ལོ་ཤས་ཀྱི་རིང་ལ་འབད་བརྩོན་རྒྱ་ཆེར་བསྟེན་ཏེ་བསྡུ་རུབ་དང་རྩོམ་སྒྲིག་བྱས་ཤིང་། ད་ལྟ་དངོས་སུ་དཔར་དུ་བསྐྲུན་ཏེ་ལེགས་གྲུབ་བྱུང་།
     དཔེ་ཚོགས་འདིར་གངས་ལྗོངས་ཁ་བ་རི་བའི་ཆོས་རིག་ཀུན་གྱི་གཞི་རྩར་གྱུར་པའི་བརྡ་སྤྲོད་པའི་བསྟན་བཅོས་སུམ་རྟགས་དག་གསུམ་དང་བརྡ་གསར་རྙིང་གི་རྣམ་གཞག་སྟོན་པའི་བསྟན་བཅོས་སྣ་ཚོགས་གཙོ་བོར་བཞུགས་པ་དང་། དུས་རབས་བདུན་པ་ནས་བཟུང་དུས་རབས་ཉི་ཤུ་པའི་བར་དུ་བྱོན་པའི་ས་དགེ་བཀའ་རྙིང་དང་བན་བོན་རིས་སུ་མ་ཆད་པའི་མཁས་དབང་དམ་པ་མང་པོས་མཛད་པའི་དཔེ་རྙིང་གཙོ་བོར་གྱུར་པ་ཇི་སྙེད་ཅིག་མཆིས་ཤིང་། ཁྱོན་སྡོམ་གཞུང་ཚན་ལྔ་བརྒྱར་ཉེ་བ་ཙམ་ཕྱོགས་གཅིག་ཏུ་བསྡུས་ཡོད།
     ད་ལྟ་སི་ཁྲོན་བོད་ཡིག་དཔེ་རྙིང་བསྡུ་སྒྲིག་ཁང་འདི་ན་བོད་ཀྱི་བརྡ་སྤྲོད་ཕྱོགས་བསྒྲིགས་ཞེས་པའི་དཔེ་ཚོགས་འདི་སྡེབ་ཚོང་དང་སིལ་ཚོང་གཉིས་ཀའི་ལམ་ནས་འགྲེམ་སྤེལ་བྱེད་གྱིན་ཡོད།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...