སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཀྲུང་དབྱང་མི་རིགས་སློབ་ཆེན་གྱི་དགེ་རྒན་བཀྲ་བྷའི《སྒྲོལ་མ་ཉེར་གཅིག》བསྐྱར་དུ་དཔར་བ།
རྩོམ་པ་པོ། བཙུན་པོ་དོན་གྲུབ། རྩོམ་སྒྲིག་པ། Lhamo དུས་ཚོད། 2016-4-22 10:13:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


ཀྲུང་དབྱང་མི་རིགས་སློབ་ཆེན་གྱི་དགེ་རྒན་བཀྲ་བྷའི་བརྩམས་ཆོས《སྒྲོལ་མ་ཉེར་གཅིག》།

     ཉེ་ཆར། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་དགེ་རྒན་ཆེན་མོ་བཀྲ་བྷས་བརྩམས་པའི《སྒྲོལ་མ་ཉེར་གཅིག》མཚོ་སྔོན་མི་རིགས་དཔེ་སྐྲུན་ཁང་གིས་བསྐྱར་དཔར་ལེགས་འགྲུབ་བྱུང།


དཀར་ཆག


དཀར་ཆག

     དེ་ནི་བོད་ཡིག་གི་སྒྲུང་ཐུང་ཡིག་བརྒྱ་མའི་དེབ་ཐོག་མ་ཡིན་ལ། བོད་ཀྱི་སྐྱེས་མའི་བདེ་སྡུག་འབའ་ཞིག་སྒྲུང་གཏམ་ཉེར་གཅིག་ཏུ་བསྡུས་ཏེ་གྲུབ་པའི་མུ་འབྲེལ་སྒྲུང་ཐུང་ཡིག་བརྒྱ་མའི་དེབ་ཅིག་ཀྱང་ཡིན་ཏེ། དེབ་འདི་ཉིད་རྩོམ་པ་པོ་ཁོང་གིས་ལོ་ངོ་ཉེར་གཅིག་གི་སྔོན་དུ་བརྩམས་ཏེ་པར་དུ་བསྐྲུན་ཅིང་། སྐབས་དེར་གདེང་འཇོག་མི་དམན་པ་ཐོབ་པས། ཀུན་གྱིས་དེབ་འདི་བཀྲ་བྷའི་འཐུས་ཚབ་བརྩམས་ཆོས་སུ་བགྲངས་དང་བགྲང་བཞིན་མཆིས། དེབ་དེ་ཉིད་པར་དུ་བསྐྲུན་ནས་ལོ་ངོ་ཉེར་གཅིག་འདས་ཟིན་པའི་དེ་རིང་། བཀྲ་བྷས་སྔོན་གྱི་བོད་ཡིག་རྐྱང་མའི་སྒྲུང་དེབ་དེ་རྒྱ་ཡིག་ཏུ་ལེགས་པར་བསྒྱུར་ཏེ་བོད་རྒྱ་ཤན་སྦྱར་གྱི་ལམ་ནས《སྒྲོལ་མ་ཉེར་གཅིག》སྤུས་ལེགས་དེབ་ཅིག་ཡང་བསྐྱར་ཀློག་པ་པོ་དག་གི་སྤྱན་ལམ་དུ་ཕུལ་འདུག

རྩོམ་པ་པོ་མཚམས་སྦྱོར།

     བཀྲ་བྷ། འབུམ་རམས་པ། 1963ལོར་མཚོ་སྔོན་མཚོ་ལྷོ་རུ་སྐྱེས། ད་སྐབས་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི་གླིང་གཙོ་གཞོན་པ་དང་། དགེ་རྒན་ཆེན་མོ་གཞོན་པ། བོད་ཀྱི་དེང་རབས་རྩོམ་རིག་ཕྱོགས་ཀྱི་ཤེས་རམས་པའི་མཛུབ་སྟོན་དགེ་རྒན་བཅས་ཡིན། ཁོང་གིས་དུས་ཡུན་རིང་པོར་རྩོམ་རིག་གསར་རྩོམ་དང་རིག་གཞུང་ཞིབ་འཇུག་གི་ལས་ཀ་གཉེར་ཏེ། སྔ་ཕྱིར་སྒྲུང་གཏམ་དང་སྙན་ངགལྷུག་རྩོམ། རིག་གཞུང་དཔྱད་རྩོམ་སོགས་བརྩམས་ཆོས་བརྒྱ་ལྷག་སྤེལ་བ་དང་། རྩོམ་རིག་བརྩམས་ཆོས《སྒྲོལ་མ་ཉེར་གཅིག》དང་། 《སྲིན་པོ་གཡུ་རྔོག་དང་ཉི་མ་ལྷ་ས》《འཚུབ་མ་ཁེར་རྐྱང》བསླབ་དེབ《རྩོམ་པ་ལ་འཇུག་པའི་སྒོ》《གསར་འགྱུར་རྩོམ་པ་ལ་འཇུག་པའི་སྒོ》རིག་གཞུང་ཞིབ་འཇུག་གི་འབྲས་རྟགས《བོན་གྱི་ལྷ་རབས་ལ་དཔྱད་པ》《ཁྲི་འདུས་སྲོང་གི་མགུར་གླུར་དཔྱད་པ》རྣམས་པར་སྐྲུན་འགྲེམ་སྤེལ་བྱས་ཡོད་ཅིང་། ཁོང་གི་སྒྲུང་གཏམ《ར་བྷ་འདྲེ་མིག་དང་རིན་ཆེན་རྐྱལ་ཁ》《སྲིན་པོ་གཡུ་རྔོག་དང་ཉི་མ་ལྷ་ས》《ནས》《འཚུབ་མ་ཁེར་རྐྱང》བཅས་ལ་སྔ་ཕྱིར་མཚོ་སྔོན་ཞིང་ཆེན་གྱི་སྐབས་དང་པོའི་ན་གཞོན་རྩོམ་རིག་བྱ་དགའ་དང་། སྐབས་གསུམ་པའི་སྦྲང་ཆར་རྩོམ་རིག་བྱ་དགའ། སྐབས་བདུན་པའི་སྦྲང་ཆར་རྩོམ་རིག་བྱ་དགའ་སྐབས་བཅུ་བའི་རྒྱལ་ཡོངས་གྲངས་ཉུང་མི་རིགས་རྩོམ་རིག་གསར་རྩོམ་ཐད་ཀྱི་རྟ་མཆོག་བྱ་དགའ་བཅས་ཐོབ། གཞན་ཁོང་ལ་པེ་ཅིན་གྲོང་ཁྱེར་གྱི་ཕུལ་བྱུང་དགེ་རྒན་གྱི་མཚན་སྙན་དང་། པའོ་ཀང་ཕུལ་བྱུང་དགེ་རྒན་གྱི་ཁྱད་འཕགས་བྱ་དགའི་མིང་འདོན་བྱ་དགའ་སོགས་ཀྱང་ཐོབ་བོ། །


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...