སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
《ཁ་བ་དཀར་པོའི་ལོ་རྒྱུས་རྫེས་ཤུལ་དང་འཇོལ་རྫོང་གི་རིག་དངོས་གཅེས་བཏུས》ཞེས་པ་དཔེ་སྐྲུན་འགྲེམ་སྤེལ་བྱས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-6-19 10:14:00 རྩོམ་ཁུངས། སེམས་ཀྱི་ཉི་ཟླའི་དྲ་བ། ཀློག་གྲངས།


《ཁ་བ་དཀར་པོའི་ལོ་རྒྱུས་རྫེས་ཤུལ་དང་འཇོལ་རྫོང་གི་རིག་དངོས་གཅེས་བཏུས》ཞེས་པ་དཔེ་སྐྲུན་འགྲེམ་སྤེལ།

     ཉེ་ཆར། མི་རིགས་དཔེ་སྐྲུན་ཁང་གིས་ཁ་བ་དཀར་པོའི་དཔེ་ཚོགས《ཁ་བ་དཀར་པོའི་ལོ་རྒྱུས་རྗེས་ཤུལ---འཇོལ་རྫོང་གི་རིག་དངོས་གཅེས་བཏུས》ཞེས་པ་དངོས་སུ་དཔེ་སྐྲུན་འགྲེམ་སྤེལ་བྱས།
     《ཁ་བ་དཀར་པོའི་ལོ་རྒྱུས་རྗེས་ཤུལ---འཇོལ་རྫོང་གི་རིག་དངོས་གཅེས་བཏུས》ཞེས་པར་བསྡོམས་པས་སྡེ་ཚན་ཁག8ཡོད་ལ། དེའི་ཁྲོད་རིག་དངོས་དང་ཆོས་ལུགས། གཞིས་ཆགས་ཀྱི་ལོ་རྒྱུས་རིག་གནས་བཅས་འདུས་ཤིང་། མ་ལག་གི་སྒོ་ནས་འཇོལ་རྫོང་གི་ཁྱབ་ཁོངས་ནང་གི་གནས་སྤོ་མི་ཐུབ་པའི་རིག་དངོས་ངོ་སྤྲོད་བྱས་ཡོད་པ་རེད།
     《ཁ་བ་དཀར་པོའི་ལོ་རྒྱུས་རྗེས་ཤུལ---འཇོལ་རྫོང་གི་རིག་དངོས་གཅེས་བཏུས》འདིར་དཔེ་རིས་དང་ཡི་གེ་མཉམ་སྡེབ་ཀྱི་སྒོ་ནས་མེས་པོའི་བློ་རིག་གི་ཉིང་བཅུད་དང་། དེ་མིན་སྔོན་འཇོལ་རྫོང་གི་ཡུལ་ཁོངས་སུ་བྱུང་བའི་ལོ་རྒྱུས་ཀྱི་དོན་སྙིང་གལ་ཆེན་ལྡན་ཞིང་བརྗེད་ཉེན་ཡོད་པའི་དོན་རྐྱེན་མང་བོ་ངོ་སྤྲོད་བྱས་ཡོད་དེ། དཔེ་ཆ་གཅིག་གིས་འཇོལ་རྫོང་ལ་རྒྱུས་ལོན་བྱེད་ཐུབ་པའི་དཔེ་ཆ་བཟང་བོ་ཞིག་ཡིན་པ་རེད།
     བསོད་ནམས་ནོར་བུས་འགོ་བརྗོད་ནང“རིག་དངོས་ནི་ལོ་རྒྱུས་ཀྱི་ཤུལ་བཞག་དངོས་པོ་ཡིན་པས། ཤུལ་བཞག་དངོས་པོ་འདི་དག་གི་ཁྲོད་ནས་ལོ་རྒྱུས་ཀྱི་མི་སྣ་དང་དོན་རྐྱེན།སྣང་ཚུལ་སོགས་རྙེད་ཐུབ་སྟེ། འདིར་བརྟེན་ནས་ལོ་རྒྱུས་ཀྱི་བདེན་པ་རྟོགས་པར་བྱེད་དགོས”ཞེས་བཤད་ཡོད་ལ། ཁོང་ཉིད་རིག་དངོས་སྲུང་སྐྱོབ་ཀྱི་ལས་ཀ་འདིར་ཞུགས་ནས་ལོ20ལྷག་འགོར་ཡོད་པ་རེད།
     ཉེ་བའི་ལོ་འདི་དག་གི་རིང་ལ་འཇོལ་རྫོང་གི་རིག་གནས་སྒྱུ་རྩལ་དར་རྒྱས་ཕུན་ཚོགས་སུ་ཡོང་བར་སྐུལ་འདེད་གཏོང་བཞིན་ཡོད་ལ། ཐོག་དང་པོར《ཡར་ནས་འགྲོ་བ》ཞེས་པ་དང《འཇོལ་རྫོང་གི་དམངས་ཁྲོད་གཏམ་རྒྱུད》《ཁ་བ་དཀར་པོའི་ལོ་རྒྱུས་རྗེས་ཤུལ་དང་འཇོལ་རྫོང་གི་རིག་དངོས་གཅེས་བཏུས》འགྲེམ་སྤེལ་བྱས་པ་རེད། དེའི་ཁྲོད《ཡར་ནས་འགྲོ་བ》ཞེས་པ་དང《འཇོལ་རྫོང་གི་དམངས་ཁྲོད་གཏམ་རྒྱུད》གཉིས་ནི་ན་ནིང་པར་སྐྲུན་འགྲེམ་སྤེལ་བྱས་པ་ཡིན་ལ། 《ཁ་བ་དཀར་པོའི་ལོ་རྒྱུས་རྗེས་ཤུལ---འཇོལ་རྫོང་གི་རིག་དངོས་གཅེས་བཏུས》ཞེས་པ་ནི་ད་ལྟའི་བར་འཇོལ་རྫོང་ས་གནས་རྩོམ་པ་པོས་བྲིས་པའི་མ་ལག་གི་སྒོ་ནས་ལོ་རྒྱུས་དང་རིག་དངོས་ངོ་སྤྲོད་ཀྱི་དཔེ་ཆ་ཞིག་ཡིན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...