སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཚེ་རིང་རྣམ་དྲུག་དཔེ་ཚོགས་དངོས་སུ་པར་སྐྲུན་འགྲེམ་སྤེལ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-9-12 11:12:00 རྩོམ་ཁུངས། མཆོད་མེ་བོད་ཀྱི་རྩོམ་རིག་དྲ་བ། ཀློག་གྲངས།

     དེང་རབས་བོད་ཀྱི་ལྷུག་རྩོམ་ཕྱོགས་སྒྲིག་ཚེ་རིང་རྣམ་དྲུག་དཔེ་ཚོགས་ནི། ཟི་ཁྲོན་མི་དམངས་དཔེ་སྐྲུན་ཁང་གིས2015ལོ་ནས་དབུ་བརྩམས་ཏེ་འཆར་འགོད་བྱས་པའི་དཔེ་ཚོགས་ཤིག་ཡིན་ལ། གདན་ཞུའི་གཙོ་སྒྲིག་པ་དང་རྩོམ་སྒྲིག་པ་རྣམས་ཀྱི་འབད་འབུངས་ལ་བརྟེན་ནས། སྔ་གཞུག་ཏུ་རྩོམ་པ་པོ30ལྷག་གི་ལྷུག་རྩོམ་གྱི་མ་ཡིག་དཔེ་སྐྲུན་ཁང་དུ་འབྱོར་བ་ལ། འབྲེལ་ཡོད་ཆེད་མཁས་པ་གདན་དྲངས་ནས་དེ་དག་ལས་ཚངས་དབང་དགེ་འདུན་བསྟན་པ་དང་། སེང་རྡོར། ཨ་རྡོར། སྐྱབས་ཆེན་བདེ་གྲོལ། ལྡོང་ཡོན་ཏན་རྒྱ་མཚོ། ཅོ་ནེ་ཡུམ་ཚེ་རིང་བཅས་རྩོམ་པ་པོ6གི་བརྩམས་ཆོས་བདམས་ནས་རབས་དང་པོའི་ཚུལ་དུ་དཔེ་སྐྲུན་བྱ་རྒྱུ་གཏན་འཁེལ་བྱས།

     རྩོམ་པ་པོའི་རྩོམ་ཡོན་དང་དཔེ་ཚོགས་ཀྱི་ཇུས་འགོད། དྲ་བའི་ཚོང་ལམ་བཀོད་སྒྲིག་སོགས་ཕྱོགས་གང་ཐད་ནས་སྔོན་ཆད་ཀྱི་བོད་ཡིག་དཔེ་ཚོགས་དག་ལས་ཁྱད་ཆོས་དམིགས་གསལ་བ་མང་པོ་ཡོད་པས། རྒྱ་ཆེ་བའི་ཀློག་པ་པོ་རྣམས་ལ་མཚོན་ན་འདི་ནི་དགའ་འོས་པའི་འཕྲིན་བཟང་ཞིག་ཡིན་ངེས།

 


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...