སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
《གཞི་རིམ་པའི་བྱིས་རྩོམ་གཅེས་བཏུས》པར་དུ་བསྐྲུན་པ།
རྩོམ་པ་པོ། ཁྱུང་བཟང་། རྩོམ་སྒྲིག་པ། Lhamo དུས་ཚོད། 2018-12-3 9:36:00 རྩོམ་ཁུངས། ཀྲུང་གོའི་བོད་ལྗོངས་དྲ་བ། ཀློག་གྲངས།

     བདེ་མཆོག་ནི་རེབ་གོང་གི་དགེ་རྒན་ཞིག་ཡིན། སྙུག་མིང་ལ་གཞི་རིམ་པ་ཟེར་ཞིང་། ཆུང་ངུ་ནས་རྩོམ་འབྲི་ལ་ཞུགས་ཤིང་། བོད་ཁུལ་གྱི་ཚགས་དྲ་དེབ་གསུམ་ལ་རྩོམ་ཡིག་མང་དུ་སྤེལ་བར་མ་ཟད། དྲ་ཐོག་ནས་མཚན་སྙན་རྒྱས་པའི་ན་གཞོན་ཞིག་ཡིན། ལྷག་ཏུ་ཁོང་གི་འབོལ་རྩོམ་གྱི་རིགས་ལ་གཞན་དང་མི་མཚུངས་པའི་བསམ་བློ་དང་རིག་པས་ཕྱུག་ཅིང་ཞིབ་ཚགས་དང་གོ་རིམ་ལྡན་པས། དེ་ལ་དགའ་བ་སྒོམ་པའི་ཀློག་མཁན་བོད་ཕྱི་ནང་ཀུན་ན་མང་དུ་ཡོད། ཡིན་ཡང་འདི་ཚང་མ་དོན་དག་གཞན་ཞིག་ཏུ་ངེས་པས། དེ་རིང་འདི་ནས་ཆེ་རུ་གླེང་བའི་འོས་མ་མཐོང་།
     གང་ལྟར། ད་ལྟ་ཁྱེད་ཅག་གི་བཀླག་བྱར་སྨིན་པའི་དེབ་ཆུང་འདི་ནི་དུས་ཡུན་ཐུང་ངུའི་ནང་གི་བརྩམས་ཆོས་ཤིག་སྟེ། རྩོམ་པ་པོ་ཁོང་གི་ཚོད་ལྟ་དམིགས་བསལ་བ་ཞིག་གི་གྲུབ་འབྲས་སམ། དགོས་པ་དམིགས་བསལ་བ་ཞིག་གི་ཐོན་དངོས་ཡིན་ཞེས་ཀྱང་བཤད་ཆོག་པས། འདི་ཉིད་དེང་སྐབས་ཀུན་ལ་རྒྱུག་ཆེ་བའི་སྙན་དེབ་མ་ཡིན་ལ། བམ་མཐུག་པའི་བརྩམས་སྒྲུང་དང་འབོལ་རྩོམ་མིན་ཞིང་། གཏིང་ཟབ་པའི་གཞུང་འགྲེལ་དང་བསྟན་བཅོས་ནི་དེ་བས་ཀྱང་མིན། དོན་ལ་འདི་ནི་བྱིས་པའི་འཚོ་བ་ཚིག་གི་སྲད་བུར་བརྒྱུས་ཤིང་། བྱིས་པའི་སེམས་ཁམས་དོན་གྱི་རི་མོར་བཀོད་པ་ཞིག་ཡིན་པས། གལ་སྲིད་འདི་ལ་ཐ་སྙད་ཟུར་བ་ཞིག་བཀོལ་དགོས་ན་ང་ཚོས་འདི་ལ་བྱིས་རྩོམ་ཞེས་བོས་ན་འོས་ཤིང་རན་པ་འདྲ།  
     དེ་ཡང་བྱིས་རྩོམ་ཞེས་བརྗོད་པའི་ཚེ་ན་བྱིས་པའི་ལོ་ཚོད་དང་སེམས་ཁམས། དགའ་མོས་སོགས་རྩ་བར་བཟུང་བའི་རྩོམ་ཡིག་དག་གམ། ཡང་ན་བྱིས་པའི་ལོ་ཚོད་དང་སེམས་ཁམས། མོས་པ། འདོད་བློ་སོགས་དང་ཡོངས་སུ་འཚམས་པའི་རྩོམ་ཡིག་ཡོད་ཚད་ལ་གོ་ཆོག་ཅིང་། བྱིས་པ་རང་གིས་བྲིས་ཤིང་བྱིས་པ་རང་གི་ཕྱི་ནང་གསང་གསུམ་མཚོན་པའི་རྩོམ་ཡིག་དག་ལའང་གོ་ཆོག་པར་ངེས། དེ་ན་བྱིས་རྩོམ་གྱི་རྣམ་གྲངས་དང་གྲངས་འབོར། པར་གཞི་དང་ཇུས་འགོད་ཀྱི་སྤུས་ཚད་དེས། བྱིས་པ་དག་གི་བསམ་པའི་ལོངས་སྤྱོད་ཀྱི་དངོས་ཡོད་གནས་སྟངས་ཤིག་མཚོན་ཐུབ་པ་ཡིན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...