སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
གཅན་མེ་སྟག་གི་ལྷུག་རྩོམ་དེབ་གསར《བུ་མོ་གཡུ་ཆུང་ཟླ་བ》དཔར་སྐྲུན་བྱས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-9-29 8:04:00 རྩོམ་ཁུངས། རྫ་ཆུའི་རླབས་སྒྲ་ལས། ཀློག་གྲངས།
     གཅན་མེ་སྟག་གི་ལྷུག་རྩོམ་དེབ་གསར《བུ་མོ་གཡུ་ཆུང་ཟླ་བ》ཞེས་པ་མཚོ་སྔོན་མི་རིགས་དཔེ་སྐུན་ཁང་ནས་དཔར་སྐྲུན་བྱས་ཏེ། ད་ལྟ་དངོས་སུ་འགྲེམ་སྤེལ་གྱི་དུས་སུ་སླེབས། འདི་ནི་བོད་རྩོམ་སྟེགས་བུའི་སྒང་གི་གལ་ཆེའི་འཕྲིན་བཟང་ཞིག་ཡིན།
     ཁོང་གི་ཐེངས་འདིའི་ལྷུག་རྩོམ་གྱི་དེབ་མིང་དུ་བུ་མོ་གཡུ་ཆུང་ཟླ་བ་ཞེས་བཏགས་ཤིང་དོན་དུ་གཡུ་ཆུང་ཟླ་བ་ཞེས་པའི་མིང་དེ་ཁོང་གི་བུ་མོའི་མིང་ཡིན་པ་རེད། ཁོང་གི་གསར་རྩོམ་གྱི་གོ་རིམ་ཁྲོད་ནས་བལྟས་ན་དེ་ལ་གནས་ལུགས་ཀྱི་ཆ་གལ་ཆེན་ཞིག་ཡོད་ངེས་པ་རེད།
     ཕྱི་ལོ2004ལོའི་ཟླ་9བར་གཅན་མེ་སྟག་གི་གྲོལ་མའི་སྙན་ངག་གི་རྩོམ་ལས་ཅན་གྱི་དེབ་དང་པོ《ལྷོ་བཞུད་ཀྱི་ཆུ་འཛིན》ཞེས་པ་པར་བསྐྲུན་བྱས་ཤིང་། སླར་ཡང་2013ལོར་གྲོལ་མའི་སྙན་དེབ《ཚེར་སིལ་སྐྱ་བོ》ཞེས་པ་པར་བསྐྲུན་བྱས། ཁོང་ནི་དཔེ་དེབ་གྲངས་འབོལ་མང་པོ་ཅན་ཞིག་མིན་ཡང་གསར་རྩོམ་སྙན་ངག་གི་གྲངས་ཧ་ཅང་མང་། ཁོང་གི་གསར་རྩོམ་ཁྲོད་ཀྱི་བརྩོན་འགྲུས་དང་རྒྱུན་སྐྱོང་དེ་ནི་བོད་ཀྱི་གསར་རྩོམ་ལ་སློབ་པའི་མི་དག་གི་བསླབ་གཞི་ཞིག་དང་མིག་ལྟོས་བྱ་ཡུལ་གལ་ཆེན་ཞིག་ཡིན་པར་སྙམ།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...