སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
རྩིས་གཉེར་བའི་ཐོབ་ཐང་དཔང་ཡིག་མེད་པར་བཟོས་པ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2017-11-10 11:39:00 རྩོམ་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ། ཀློག་གྲངས།
    ཉེ་སྔོན། རྒྱལ་ཡོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ལྷན་གྱི་སྐབས་བཅུ་གཉིས་པའི་གྲོས་ཚོགས་ཐེངས་སུམ་ཅུ་བའི་ཐོག་ཏུ་རྩིས་གཉེར་བའི་བཅའ་ཁྲིམས་བཟོ་བཅོས་བྱ་བའི་ཆོད་ཡིག་ལ་གྲོས་འཆམ་བྱུང་སྟེ། རྩིས་གཉེར་ལས་སྒྲུབ་མཁན་གྱིས་ངེས་པར་དུ་རྩིས་གཉེར་ལས་སྒྲུབ་ཀྱི་ཐོབ་ཐང་དགོས་པའི་དེ་སྔའི་གཏན་འབེབས་ཀྱི་ནང་དོན་དེ་རྩིས་གཉེར་བ་ལ་དེ་བསྟུན་གྱི་རྩིས་གཉེར་ལས་ཀ་སྒྲུབ་པར་ངེས་པར་དུ་ལྡན་དགོས་པའི་ཆེད་ལས་ནུས་པ་ཡོད་དགོས་ཞེས་སུ་བཅོས་ཡོད་པ་རེད།
     ཆོད་ཡིག་གཞིར་བཟུང་། རྩིས་གཉེར་བས་ནོར་དོན་རྩིས་གཉེར་སྙན་ཞུ་རྫུན་ཞུ་དང་།  རྩིས་ཐོ་རྫུན་བཟོ།  རྩིས་གཉེར་གྱི་དཔང་ཡིག་དང་རྩིས་ཐོ། ནོར་དོན་རྩིས་གཉེར་གྱི་སྙན་ཞུ་བཅས་སྦ་གསང་དང་ཡང་ན་བསམ་བཞིན་དུ་མེད་པར་བཟོས་ནས་རྒྱུ་ནོར་ལྐོག་ཟ་དང་། གཞུང་ནོར་སྒེར་སྤྱོད་དམ་གཞན་སྤྱོད། གོ་གནས་བཙན་བཟུང་ལ་སོགས་རྩིས་གཉེར་གྱི་ལས་དང་འབྲེལ་བའི་ཁྲིམས་འགལ་བྱེད་སྤྱོད་སྤེལ་ཚེ། ཁྲིམས་བཞིན་དུ་འགན་འཁྲི་བདའ་འདེད་བྱས་ནས་ཉེས་ཆད་ནན་མོ་བཅད་དེ་རྩིས་གཉེར་གྱི་ལས་ཀ་ལས་གཏན་དུ་དབྱུང་རྒྱུ་དང་། ད་ཆ་ལག་བསྟར་བྱེད་པའི་རྩིས་གཉེར་གྱི་གཏན་འབེབས་ལྟར་དུ། རྩིས་གཉེར་བའི་ལས་སྒྲུབ་ཐོབ་ཐང་སྒྲུབ་མི་ཆོག་ལ་བསྐྱར་སྒྲུབ་དེ་བས་མི་རུང་བ་དང་།   གཞན་རྩིས་གཉེར་བས་ཁྲིམས་འགལ་གྱི་ལམ་ནས་རྩིས་གཉེར་བའི་རྩིས་ཐོ་སྒྲིག་བཟོ་དང་། ལྐོག་ནས་རྩིས་གཉེར་རྩིས་ཐོ་བཟོ་བཅོས་བྱེད་པ།  གང་འདོད་ལྟར་རྩིས་གཉེར་ཐག་གཅོད་བྱེད་ཐབས་བཅོས་སྒྱུར་བྱེད་པ་ལ་སོགས་པའི་བྱ་སྤྱོད་གཅིག་བྱུང་ཞིང་། མཇུག་འབྲས་ཚབས་ཆེན་ཡིན་པ་ལ་ལོ་ལྔའི་ནང་རྩིས་གཉེར་ཀྱི་ལས་གཉེར་མི་ཆོག་པའི་ཁྲིམས་ཆད་གཅོད་རྒྱུ་དང་། ད་ལྟ་ལག་བསྟར་བྱེད་པའི་རྩིས་གཉེར་བའི་བཅའ་ཁྲིམས་ཀྱི་གཏན་འབེབས་གཞིར་བཟུང་ནས་རྫོང་རིམ་པ་ཡན་གྱི་མི་དམངས་སྲིད་གཞུང་གི་ནོར་སྲིད་སྡེ་ཚན་གྱིས་རྩིས་གཉེར་བའི་ཐོབ་ཐང་དཔང་ཡག་མེད་པར་བཟོ་རྒྱུ་སོགས་ཐག་བཅད་འདུག ཆོད་ཡིག་འདི2017ལོའི་ཟླ11པའི་ཚེས5ཉིན་ནས་བཟུང་ལག་བསྟར་བྱས་ཡོད་པ་རེད།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...