སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཀྲང་ཝུན་ཁུའེ་ཡིས་བོད་ཁུལ་གྱི་སྐོར་ཐེངས་གསར་བའི་འཕེལ་རྒྱས་ཁྲོད་གོ་སྐབས་བརྩོན་ལེན་བྱེད་དགོས་པ་བསྟན།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2017-10-21 11:22:00 རྩོམ་ཁུངས། མཚོ་སྔོན་གསར་འགྱུར་དྲ་བ། ཀློག་གྲངས།
     ཏང་གི་ཚོགས་ཆེན་ཐེངས་བཅུ་དགུ་པའི་འཐུས་མི། མཚོ་ལྷོ་བོད་རིགས་རང་སྐྱོང་ཁུལ་ཏང་ཨུའི་ཧྲུའུ་ཅི་ཀྲང་ཝུན་ཁུའེ་ཡིས་གསར་འགོད་པའི་བཅར་འདྲི་དང་ལེན་བྱེད་སྐབས་གསུངས་རྒྱུར། རླབས་ཆེན་གྱི་དུས་རབས་ལ་རླབས་ཆེན་གྱི་འགོ་ཁྲིད་པ་དགོས་ལ། རླབས་ཆེ་བའི་འགོ་ཁྲིད་པས་མང་ཚོགས་ཀྱི་གཅིག་བསྡུས་སྟོབས་ཤུགས་ལ་བརྟེན་ནས་རླབས་ཆེན་གྱི་བསམ་བློ་བསྐྲུན་ཡོད། ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་གྱི་གྲུབ་འབྲས་ནི་ཁྱོན་ཡོངས་རང་བཞིན་དང་གསར་སྐྲུན་རང་བཞིན་ལྡན་པ་ཞིག་ཡིན་པས། དེས་ཏང་དང་རྒྱལ་ཁབ་ཀྱི་ལས་དོན་འཕེལ་རྒྱས་ལ་ལོ་རྒྱུས་རང་བཞིན་གྱི་འགྱུར་ལྡོག་གཏོང་བར་སྐུལ་འདེད་བཏང་ཡོད་ཟེར།
     ཀྲང་ཝུན་ཁུའེ་ཡིས་གསུངས་རྒྱུར། ལོ་ལྔ་ཡི་རིང་ལ་མཚོ་ལྷོ་བོད་རིགས་རང་སྐྱོང་ཁུལ་གྱིས་འཕེལ་རྒྱས་ཀྱི་འདུ་ཤེས་གསར་བ་བརྟན་པོར་བཙུགས་ནས། དཔལ་འབྱོར་སྤྱི་ཚོགས་རྗེས་མཐུད་འཕེལ་རྒྱས་དང་ཁྱོན་ཡོངས་ནས་འཕེལ་རྒྱས་ཀྱི་རྣམ་པ་གསར་བ་གསར་སྐྲུན་བྱས། ལོ་ངོ་ལྔ་ཡི་འཕེལ་རྒྱས་བརྒྱུད་རིམ་གྱིས་ང་ཚོས་བོད་ཁུལ་གྱི་མཆོང་སྐྱོད་འཕེལ་རྒྱས་མངོན་འགྱུར་བྱེད་དགོས་ན་ངེས་པར་དུ་ཕྱོགས་ལྔ་གཞི་གཅིག་གི་སྤྱིའི་བཀོད་སྒྲིག་ལ་གཅིག་གྱུར་འཆར་འགོད་བྱེད་པར་སྐུལ་འདེད་གཏོང་བ་དང་། ཁྱོན་ཡོངས་བཞི་ཡི་འཐབ་ཇུས་བཀོད་སྒྲིག་མཐུན་སྦྱོར་བྱེད་པར་སྐུལ་འདེད་གཏོང་བ། ཏན་ཏན་ཏིག་ཏིག་བཞིའི་རེ་བ་གལ་ཆེན་གཞི་རྩར་འཛིན་པ་དང་བསྒྱུར་བ་བཞི་བྱེད་ཐབས་ཀྱི་བགྲོད་ལམ་གལ་ཆེན་དུ་བརྩི་བ། གཙང་གསུམ་འབྱུང་ཡུལ་གྱི་ལྷད་མེད་ཐོན་ལས་གཅིག་བསྡུས་འཕེལ་རྒྱས་དཔེ་སྟོན་ཁུལ་འཛུགས་སྐྲུན་བྱེད་པའི་གོ་རིམ་ཁྲོད་དུ་མཚོ་ལྷོ་ཁུལ་གྱི་ཁྱད་ལྡན་ཐོན་ལས་དང་ལྷད་མེད་ཐོན་ལས་གསོ་སྐྱོང་། རྣམ་པ་གསར་བའི་ཐོན་ལས་བཅས་གཞི་ཁྱོན་ཆེ་བའི་འཕེལ་རྒྱས་སུ་བཏང་སྟེ། བོད་ཁུལ་གྱི་སྐོར་ཐེངས་གསར་བའི་འཕེལ་རྒྱས་ཁྲོད་དུ་སྔོན་སྐྱོད་ཀྱི་གོ་སྐབས་གསར་བ་བརྩོན་ལེན་བྱེད་པར་གོ་བ་སྔར་ལས་གཏིང་ཟབ་ལེན་ཐུབ་སོང་ཟེར།
     ཀྲང་ཝུན་ཁུའེ་ཡིས་གསུངས་རྒྱུར། ཏང་གི་ཚོགས་ཆེན་ཐེངས་བཅུ་དགུ་པའི་བཀོད་སྒྲིག་དང་བླང་བྱ་གསར་པ་ལྟར། མཚོ་ལྷོ་ཁུལ་གྱི་དོན་དངོས་གནས་ཚུལ་དང་ཟུང་འབྲེལ་བྱས་ཏེ། ང་ཚོས་དེང་རབས་སྐྱེ་ཁམས་ཞིང་ཕྱུགས་ལས་མུ་མཐུད་དུ་ཤུགས་ཆེན་གྱིས་འཕེལ་རྒྱས་སུ་གཏོང་བ་དང་། མཚོ་སྐོར་དེང་རབས་སྐྱེ་ཁམས་ཞིང་ཕྱུགས་ལས་དང་རྨ་ཆུའི་འགྲམ་རྒྱུད་ཀྱི་དེང་རབས་སྐྱེ་ཁམས་འཁོར་སྐྱོད་ཞིང་ཕྱུགས་ལས། ལྷོ་ཕྱོགས་མཐོ་སྒང་འཁྱག་ཁུལ་གྱི་སྐྱེ་ཁམས་ཕྱུགས་ལས་བཅས་ཞིང་ཕྱུགས་ལས་ཀྱི་དཔལ་འབྱོར་རྒྱུད་ཆེན་པོ་གསུམ་ཧུར་བརྩོན་གྱིས་འཛུགས་སྐྲུན་བྱས་ཏེ། མཚོ་སྔོན་ཞིང་ཕྱུགས་ལས་རིགས་ཀྱི་ཁུལ་ཆེན་པོ་སྔར་ལས་འཛུགས་སྐྲུན་བྱེད་རྒྱུ་ཡིན་ཟེར།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...