སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-10-29 14:41:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
     1982ལོའི་ཟླ12པའི་ཚེས4ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་ལྔ་པའི་གྲོས་ཚོགས་ཐེངས་ལྔ་པའི་ཐོག་གྲོས་འཆམ་བྱུང་ཞིང་། 1982ལོའི་ཟླ12པའི་ཚེས4ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་སྤྱི་བསྒྲགས་བྱས་ཏེ་ལག་བསྟར་བྱས། 1988ལོའི་ཟླ4པའི་ཚེས12ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བདུན་པའི་གྲོས་ཚོགས་ཐེངས་གཅིག་པའི་ཐོག་གྲོས་འཆམ་བྱུང་བའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིན》དང་། 1993ལོའི་ཟླ3པའི་ཚེས29ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བརྒྱད་པའི་གྲོས་ཚོགས་ཐེངས་གཅིག་པའི་ཐོག་གྲོས་འཆམ་བྱུང་བའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིན》དང་། 1999ལོའི་ཟླ3པའི་ཚེས15ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་དགུ་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་བའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིན》དང་། 2004ལོའི་ཟླ3པའི་ཚེས14ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་བའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིན》བཅས་གཞིར་བཟུང་ནས་བཟོ་བཅོས་བྱས།
     འབྲེལ་ཡོད་ནུས་པ།
           གཅིག  དབང་ཆའི་ནུས་པ།
           1.རྒྱལ་ཁབ་ཀྱི་དབང་ཆར་སྲུང་སྐྱོང་དང་སྲ་བརྟན་དུ་གཏོང་བ།
           2. རྒྱལ་ཁབ་ཀྱི་དབང་ཆ་ཚད་ལྡན་དུ་གཏོང་བ་དང་ལས་ཆོད་ཆེན་པོས་ལག་ལེན་བྱེད་པ།
           གཉིས། བཅའ་ཁྲིམས་ཀྱི་ནུས་པ།
           1.བཅའ་ཁྲིམས་ཀྱི་གཅིག་གྱུར་ལ་རྨང་གཞི་བརྟན་པོ་བཏང་ཡོད་པ།
           2. བཅའ་ཁྲིམས་འཐུས་ཚང་ཅན་དུ་གཏོང་བར་རྨང་གཞི་བརྟན་པོ་བཏང་ཡོད་པ།
           གསུམ། ཆབ་སྲིད་སྒྲིག་གཞིའི་ནུས་པ།
           1.རྒྱལ་ཁབ་ཀྱི་ཆབ་སྲིད་སྒྲིག་ལམ་ལ་སྲུང་སྐྱོང་དང་གཏན་ཁེལ་བྱེད་པ།
           2. རྒྱལ་ཁབ་ཀྱི་ཆབ་སྲིད་སྒྲིག་གཞིར་བཅོས་བསྒྱུར་བྱེད་པ།
           བཞི། སྤྱི་ཚོགས་དཔལ་འབྱོར་གྱི་ནུས་པ།
           1.རང་ཉིད་ཀྱི་དཔལ་འབྱོར་རྨང་གཞིར་སྲུང་སྐྱོང་བྱེད་པ།
           2.དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ།
           ལྔ། དགོས་ངེས་ཀྱི་ཆ་རྐྱེན།
           1.གང་ལེགས་སྒོས་རྩ་ཁྲིམས་ལག་བསྟར་བྱེད་པ།
           2.བཅའ་ཁྲིམས་ཆ་ཚང་ཅན་དང་འཐུས་ཚང་ཅན་དུ་གཏོང་བ།
           གལ་ཆེན་རང་བཞིན།
           རྩ་ཁྲིམས་ལག་བསྟར་བྱེད་པར་ལྟ་སྐུལ་དང་འགན་སྲུང་བྱེད་པའི་དོན་སྙིང་གཙོ་བོ་ནི།
           1.རྒྱལ་ཁབ་ཀྱི་གཞི་རྩའི་སྒྲིག་ལམ་འཕེལ་རྒྱས་དང་སྲ་བརྟན་དུ་གཏོང་བར་ཕན་པ་་ཆེན་པོ་ལྡན།
           2.བཅའ་ཁྲིམས་འཐུས་ཚང་ཅན་དུ་གཏོང་བར་ཕན་པ་ལྡན།
           3.དངོས་ནས་རྩ་ཁྲིམས་ཀྱི་ནུས་པ་འདོན་སྤེལ་བྱེད་པར་ཕན་པ་ལྡན།
     རྩ་ཁྲིམས།
     《རྩ་ཁྲིམས》ནི་རྒྱལ་ཁབ་ཀྱི་གཞིའི་རྩའི་བཅའ་ཁྲིམས་ཡིན། ཀྲུང་གོའི《རྩ་ཁྲིམས》ནི་ཀྲུང་གོའི་ཆེས་མཐོ་དབང་ཆའི་སྡེ་ཁག——རྒྱལ་ཡོངས་མི་དམངས་འཐུས་མིའི་ཚོགས་ཆེན་གྱིས་སྒྲིག་འཛུགས་དང་བཟོ་བཅོས་བྱས་པ་དང་། བཅའ་ཁྲིམས་གང་ཞིག་དང་སྲིད་འཛིན་ཁྲིམས་སྲོལ། ས་གནས་རང་བཞིན་གྱི་ཁྲིམས་སྲོལ་གང་ཡིན་རུང《རྩ་ཁྲིམས》དང་འགལ་མི་རུང་།
གླེང་གཞི།
     ཀྲུང་གོ་ནི་འཛམ་གླིང་སྟེང་ལོ་རྒྱུས་ཆེས་ཡུན་རིང་ལྡན་པའི་རྒྱལ་ཁབ་ཞིག་ཡིན། ཀྲུང་གོ་མི་རིགས་སོ་སོའི་མི་དམངས་ཀྱིས་ཐུན་མོང་དུ་འོད་སྟོང་འབར་བའི་རིག་གནས་གསར་གཏོར་བྱས་ཡོད་པ་དང་། གཟི་བརྗིད་ཅན་གྱི་གསར་བརྗེས་སྲོལ་རྒྱུད་ལྡན་པ་རེད།
     1840ལོ་ནས་བཟུང་བཀས་བཀོད་རྒྱུད་ཀྱི་ཀྲུང་གོ་ནི་རིམ་བཞིན་བཀས་བཀོད་རྒྱུད་འཛིན་ཕྱེད་ཙམ་དང་མི་སེར་སྤེལ་ཡུལ་ཕྱེད་ཙམ་གྱི་རྒྱལ་ཁབ་རུ་གྱུར། ཀྲུང་གོ་མི་དམངས་ཀྱིས་རྒྱལ་ཁབ་གྱི་རང་བཙན་དང་། མི་རིགས་ཀྱི་བཅིངས་འགྲོལ། དམངས་གཙོ་རང་དབང་བཅས་ཀྱི་ཆེད་དུ་སྔོན་འགྱེལ་རྗེས་མཐུན་གྱིས་དཔའ་ངར་ཆེན་པོ་ངང་འབད་ཐབས་བྱས། དུས་རབས་ཉིས་ཤུ་པར་ཀྲུང་གོར་གནམ་ས་བླ་འོག་སྒྱུར་བའི་རླབས་ཆེན་བའི་ལོ་རྒྱུས་ཀྱི་བསྒྱུར་བཅོས་བྱུང་།
     1911ལོར་སྐུ་ཞབས་སུན་ཀྲུང་ཧྲན་ལགས་ཀྱི་འགོ་ཁྲིད་བྱས་པའི་ལྕགས་ཕག་ལོའི་གསར་བརྗེས་བཀས་བཀོད་རྒྱུད་འཛིན་གྱི་གོང་མའི་ལམ་ལུགས་མེད་པ་བཏང་ནས་ཀྲུང་ཧྭ་མི་སེར་རྒྱལ་ཁབ་བཙུགས། འོན་ཀྱང་ཀྲུང་གོ་མི་དམངས་ཀྱིས་བཙན་རྒྱལ་རིང་ལུགས་དང་བཀས་བཀོད་རྒྱུད་འཛིན་ལ་ངོ་རྒོལ་བྱས་པའི་ལོ་རྒྱུས་ཀྱི་ལས་འགན་ད་དུང་ལེགས་གྲུབ་བྱུང་མེད།
     1949ལོར་མོའ་ཙེ་ཏུང་གཙོ་འཛོན་ཡིན་པའི་ཀྲུང་གོ་གུང་ཁྲན་ཏང་གིས་ཀྲུང་གོ་མི་རིགས་ཁག་གི་མི་དམངས་འགོ་ཁྲིད་བྱས་ཏེ་ཡུན་རིང་ཞིང་དཀའ་ཚེགས་ཆེ་ཞིང་འགལ་རྐྱེན་རྙོག་འཛིང་ཆེ་བའི་དྲག་ཆས་འཐབ་རྩོད་དང་རྣམ་པ་གཞན་གྱིས་འཐབ་རྩོད་བྱས་རྗེས་མཐར་བཙན་རྒྱལ་རིང་ལུགས་དང་བཀས་བཀོད་རྒྱུད་འཛིན་རིང་ལུགས། དཔོན་ངན་མ་རྩ་རིང་ལུགས་སོགས་ཀྱི་དབང་སྒྱུར་མགོ་རྟིང་སློག་ནས་དམངས་གཙོ་རིང་ལུགས་གསར་པའི་གསར་བརྗེས་བརླབས་ཆེན་བའི་རྒྱལ་ཁབ་ཐོབ་པ་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་འཛུགས། དེ་ནས་བཟུང་ཀྲུང་གོ་མི་དམངས་ཀྱིས་རྒྱལ་ཁབ་གྱི་དབང་ཆ་བཟུང་ཏེ་རྒྱལ་ཁབ་གྱི་བདག་པོར་གྱུར།
     ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་རྗེས། རང་རྒྱལ་གྱི་སྤྱི་ཚོགས་ཏེ་དམངས་གཙོ་རིང་ལུགས་གསར་པ་ནས་རིམ་བཞིན་སྤྱི་ཚོགས་རིང་ལུགས་སུ་བར་བརྒལ་མངོན་དུ་འགྱུར། ཐོན་སྐྱེད་རྒྱུ་ཆ་སྒེར་ལ་དབང་བའི་ལམ་ལུགས་ཀྱི་སྤྱི་ཚོགས་རིང་ལུགས་བསྒྱུར་བཀོད་ལེགས་པ་གྲུབ། མི་མིར་བཤུ་གཞོག་བྱས་པའི་ལམ་ལུགས་རྩ་མེད་དུ་བཏང་ནས་སྤྱི་ཚོགས་རིང་ལུགས་ཀྱི་ལམ་ལུགས་དངོས་སུ་ཚུགས། བཟོ་པ་གྲལ་རིམ་གྱི་མགོ་ཁྲིད་བྱས་པའི་བཟོ་ཞིང་མནའ་འབྲེལ་རྨང་གཞི་བྱས་པའི་མི་དམངས་དམངས་གཙོ་སྲིད་དབང་སྒེར་འཛིན་ཏེ་འབྱོར་མེད་གྲལ་རིམ་གྱི་སྲིད་དབང་སྒེར་འཛིན་སྲ་བརྟན་དང་འཕེལ་རྒྱས་བྱུང་། ཀྲུང་གོ་མི་དམངས་དང་ཀྲུང་གོ་མི་དམངས་བཅིངས་འགྲོལ་དམག་གིས་བཙན་རྒྱལ་རིང་ལུགས་དང་བཙན་དབང་རིགས་ལུགས་ཀྱིས་བཙན་འཛུལ་དང་གཏོར་བརླག དྲག་པོའི་འཁྲུག་རྐྱེན་ལས་རྣམ་པ་རྒྱལ་བས། རྒྱལ་ཁབ་གྱི་རང་བཙན་དང་བདེ་འཇགས་འགན་སྲུང་བྱས་པ་དང་རྒྱལ་སྲུང་གི་སྟོབས་ཤུགས་ཇེ་ཆེར་བྱུང་། དཔའ་འབྱོར་འཛུགས་སྐྲུན་ཐད་གལ་ཆེ་བའི་གྲུབ་འབྲས་ཐོབ། རང་ཚུགས་དང་ཅུང་ཆ་ཚང་བའི་སྤྱི་ཚོགས་རིང་ལུགས་བཟོ་ལས་མ་ལག་གཞི་རྩའི་ཐོག་ནས་གཞིར་ཆགས། ཞིང་ལས་ཐོན་སྐྱེད་མངོན་གསར་མཐོ་འདེགས་བྱུང་བ་དང་། སློབ་གསོ་དང་ཚན་རིག རིགས་གནས་སོགས་བྱ་བཞག་ལ་འཕེལ་རྒྱས་ཆེན་པོ་བྱུང་། སྤྱི་ཚོགས་རིང་ལུགས་ཀྱི་བསམ་པའི་སློབ་གསོ་ལ་གྲུབ་འབྲས་མངོན་གསར་ཐོབ། རྒྱ་ཆེ་བའི་མི་དམངས་ཀྱི་འཚོ་བར་ལེགས་སྒྱུར་ཆེན་པོ་བྱུང་།
     ཀྲུང་གོ་དམངས་གཙོ་རིང་ལུགས་གསར་པའི་གསར་བརྗེ་ལ་རྒྱལ་ཁབ་བླངས་པ་དང་སྤྱི་ཚོགས་རིང་ལུགས་བྱ་བཞག་གི་གྲུབ་འབྲས་ནི་ཀྲུང་གོ་གུང་ཁྲན་ཏང་གིས་ཀྲུང་གོ་མི་རིགས་སོ་སོའི་མི་དམངས་འགོ་ཁྲིད་བྱས་ཏེ་མའ་ལེ་རིང་ལུགས་དང་མོའ་ཙེ་ཏོང་དགོངས་པའི་མཛུབ་སྟོན་འོག་བདེན་དོན་རྒྱུན་འཁྱོངས། ནོར་འཁྲུལ་ཡོ་བསྲང་བྱས་ཏེ་དཀའ་ངལ་དང་ཉེན་ཁ་སྣ་མང་ལས་རྣམ་པ་རྒྱལ་ནས་ཐོབ་པ་རེད། རང་རྒྱལ་ནི་དུས་ཡུན་རིང་པོའི་ནང་སྤྱི་ཚོགས་རིང་ལུགས་དམའ་རིམ་དུས་སྐབས་སུ་གནས་ཤིག  རྒྱལ་ཁབ་ཀྱི་གཞི་རྩའི་ལས་འགན་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་འགྲོ་ལམ་བརྒྱུད་དེ་སྟོབས་ཤུགས་གཅིག་བསྡུས་ཀྱིས་སྤྱི་ཚོགས་རིང་ལུགས་དེར་རབ་ཅན་འཛུགས་སྐྲུན་བྱེད་རྒྱུ། ཀྲུང་གོའི་མི་རིགས་ཁག་གི་མི་དམངས་ཀྱིས་མུ་མཐུད་དུ་ཀྲུང་གོ་གུང་ཁྲན་ཏང་གིས་འགོ་ཁྲིད་འོག མའ་ལེན་རིང་ལུགས་དང་། མོའ་ཙེ་ཏུང་གི་དགོངས་པ། ཏའེ་ཤའ་ཕིང་གི་རིགས་པའི་གཞུང་ལུགས་དང་མཚོན་བྱེད་གསུམ་གྱི་གལ་ཆེ་བའི་བསམ་བློ་གྱི་མཛུབ་སྟོན་འོག་མི་དམངས་དམངས་གཙོ་སྲིད་དབང་སྒེར་འཛིན་རྒྱུན་འཁྱོངས་བྱེད་པ་དང་། སྤྱི་ཚོགས་རིང་ལུགས་ཀྱི་ལམ་ལུགས་རྒྱུན་འཁྱོངས་བྱེད་པ། བསྒྱུར་བཅོས་སྒོ་འབྱེད་རྒྱུན་འཁྱོངས་བྱེད་དེ་སྤྱི་ཚོགས་རིང་ལུགས་ཀྱི་སྒྲིག་སྲོལ་རྒྱུན་མི་ཆད་པ་འཐུས་ཚང་དུ་བཏང་བ་དང་། སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་དང་སྤྱི་ཚོགས་རིང་ལུགས་ཀྱི་དམངས་གཙོ་འཕེལ་རྒྱས་གཏོང་བ་དང་། སྤྱི་ཚོགས་རིང་ལུགས་ཀྱི་ཁྲིམས་སྲོལ་འཐུས་ཚང་དུ་བཏང་བ། རང་སྟོབས་རང་སྤེལ། དཀའ་སྤྱད་འབད་བརྩོན། བཟོ་ལས་དང་ཞིང་ལས། རྒྱལ་སྲུང་། ཚན་རིག་ལག་རྩལ་དེར་རབ་ཅན་ཏུ་རིམ་བཞིན་མངོན་ཏུ་གྱུར་ནས་དངོས་པོའི་དཔལ་ཡོན་དང་ཆབ་སྲིད་དཔལ་ཡོན། བསམ་པའི་དཔལ་ཡོན་མཐུན་འཆམ་ངང་སྐུལ་འདེད་གཏོང་ནས་རང་རྒྱལ་ནི་སྟོབས་འབྱོར་དང་དམངས་གཙོ། ཤེས་རིག་ལྡན་པའི་སྤྱི་ཚོགས་རིང་ལུགས་རྒྱལ་ཁབ་ཞིག་འཛུགས་སྐྲུན་བྱེད་རྒྱུ།
     རང་རྒྱལ་དུ་བཤུ་གཞོག་གྲལ་རིམ་རྩ་མེད་དུ་བཏང་ཟིན་ཀྱང་གྲལ་རིམ་འཐབ་རྩོད་ཁྱབ་ཁོངས་ངེས་ཅན་ཞིག་གི་ནང་ད་དུང་ཡུན་རིང་གནས། ཀྲུང་གོ་མི་དམངས་ཀྱིས་དགྲ་འཛིན་པ་དང་རང་རྒྱལ་གྱི་སྤྱི་ཚོགས་རིང་ལུགས་ལ་གཏོར་བཤིག་བཏང་བའི་དགྲ་འཛིན་སྟོབས་ཤུགས་དང་དགྲ་འཛིན་མཁན་ལ་ངེས་པར་དུ་འཐབ་རྩོད་བྱེད་དགོས།
     ཐའེ་ཝན་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གྱི་མཆོག་འགྱུར་མངའ་ཁོངས་ཀྱི་ཆ་ཤེས་ཤིག་ཡིན། མེས་རྒྱལ་གོང་བུ་གཅིག་འགྱུར་གྱི་བྱ་བཞག་ནི་ཐའེ་ཝན་སྤུན་ཟླ་འདུས་པའི་ཀྲུང་གོ་མི་དམངས་ཡོངས་ཀྱི་ལས་འགན་མཆོག་འགྱུར་ཞིག་ཡིན།
     སྤྱི་ཚོགས་རིང་ལུགས་ཀྱི་འཛུགས་སྐྲུན་བྱ་བཞག་ནི་ངེས་པར་ཏུ་བཟོ་པ་དང་ཞིང་པ། ཤེས་ཡོན་ཅན་ལ་བརྟན་དགོས་པ་དང་། མཐུན་སྒྲིལ་བྱེད་ཐུབ་པའི་སྟོབས་ཤུགས་མཐའ་དག་དང་མཐུན་སྒྲིལ་བྱེད་དགོས། ཡུན་རིང་གིས་གསར་བརྗེ་དང་འཛུགས་སྐྲུན་གྱི་བརྒྱུད་རིམ་ནང་ཀྲུང་གོ་གུང་ཁྲན་ཏང་གི་འགོ་ཁྲིད་བྱེད་པ་དང་དམངས་གཙོ་ཏང་ཁག་དང་མི་དམངས་ཀྱི་ཚོགས་པ་སོ་སོའི་བཞུགས་པ་དང་སྤྱི་ཚོགས་རིང་ལུགས་ཀྱི་ངལ་རྩོལ་པ་དང་སྤྱི་ཚོགས་རིང་ལུགས་བྱ་བཞག་གི་འཛུགས་སྐྲུན་པ་དང་། སྤྱི་ཚོགས་རིང་ལུགས་ལ་རྒྱབ་སྐྱོར་བྱེད་པའི་རྒྱལ་གཅེས་པ་དང་མེས་རྒྱལ་གཅིག་གྱུར་ལ་རྒྱབ་སྐྱོར་བྱེད་པའི་རྒྱལ་གཅེས་པ་སོགས་འདུས་པའི་ཁྱབ་ཆེ་བའི་རྒྱལ་གཅེས་འཐབ་ཕྱོགས་གཅིག་གྱུར་གྲུབ་ཡོད། འཐབ་ཕྱོགས་གཅིག་གྱུར་འདི་ནི་མུ་མཐུད་དུ་སྲ་བརྟན་དང་འཕེལ་རྒྱས་གཏོང་རྒྱུ། ཀྲུང་གོ་མི་དམངས་ཆབ་སྲིད་གྲོས་མོས་ཚོགས་འདུ་ནི་ཁྱབ་ཆེ་བའི་འཐུས་མི་རང་བཞིན་ལྡན་པའི་འཐབ་ཕྱོགས་གཅིག་གྱུར་གྱི་རྩ་འཛུགས་ཡིན། འདས་པའི་ལོའི་ནང་གལ་ཆེ་བའི་ལོ་རྒྱུས་ཀྱི་ནུས་པ་ཐོན། རྗེས་སུ་ཡང་རྒྱལ་ཁབ་གྱི་ཆབ་སྲིད་འཚོ་བ་དང་སྤྱི་ཚོགས་འཚོ་བ། ཕྱིར་འབྲེལ་བྱ་འགུལ་ཁྲོད་དང་སྤྱི་ཚོགས་རིང་ལུགས་དེར་རབ་ཅན་གྱི་འཛུགས་སྐྲུན་དང་རྒྱལ་ཁབ་གཅིག་གྱུར་དང་མཐུན་སྒྲིལ་གྱི་འཐབ་རྩོད་ནང་མུ་མཐུད་དུ་དེའི་ནུས་པ་གལ་ཆེ་འདོན་སྤེལ་བྱེད་རྒྱུ། ཀྲུང་གོ་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོས་ཚོགས་འདུ་ལམ་ལུགས་དུས་ཡུན་རིང་པོའི་གནས་པ་དང་འཕེལ་རྒྱས་བྱེད་རྒྱུ།
     ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་རྒྱལ་ཡོངས་མི་རིགས་སོ་སོའི་མི་དམངས་ཀྱིས་ཐུན་མོང་གསར་འཛུགས་བྱས་པའི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཞིག་ཡིན། འདྲ་མཉམ་དང་མཐུན་སྒྲིལ། མཉམ་ལས་ཀྱི་སྤྱི་ཚོགས་རིང་ལུགས་མི་རིགས་ཀྱི་འབྲེལ་བ་ཚུགས་ཡོད་པ་མ་ཟད་ད་དུང་མུ་མཐུད་དུ་ཤུགས་སྣོན་བྱ་རྒྱུ། མི་རིགས་མཐུན་སྒྲིལ་གྱི་འཐབ་རྩོད་འགན་སྲུང་བྱེད་ཁྲོད་མི་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་གཙོ་བོ་རྒྱ་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་ས་གནས་མི་རིགས་རིང་ལུགས་ལ་ཡང་ངོ་རྒོལ་བྱེད་དགོས། རྒྱལ་ཁབ་གྱིས་འབད་བརྩོན་གང་ལེགས་བྱས་ཏེ་རྒྱལ་ཡོངས་མི་རིགས་ཁག་ཐུན་མོང་དར་རྒྱས་གོང་འཕེལ་གཏོང་དགོས།
     ཀྲུང་གོའི་གསར་བརྗེ་དང་འཛུགས་སྐྲུན་གྱི་གྲུབ་འབྲས་ནི་འཛམ་གླིང་མི་དམངས་ཀྱིས་རྒྱབ་སྐྱོར་དང་བྲལ་ཐབས་མི་རུང་བ་རེད། ཀྲུང་གོའི་མདུན་ལམ་ནི་འཛམ་གླིང་གི་མདུན་ལམ་དང་འབྲེལ་བ་དམ་པོ་ཡོད། ཀྲུང་གོས་རང་ཚུགས་རང་བདག་གི་ཕྱིར་འབྲེལ་སྲིད་ཇུས་རྒྱུན་འཁྱོངས་བྱེད་པ་དང་ཕན་ཚུན་གྱི་བདག་དབང་དང་མངའ་ཁོངས་ཆ་ཚང་ལ་བརྩི་འཇོག་བྱེད་དེ་ཕན་ཚུན་བཙན་གནོད་མི་བྱེད་པ་དང་། ཕན་ཚུན་ནང་སྲིད་ལ་ཐེ་གཏོགས་མི་བྱེད་པ། འདྲ་མཉམ་གཉིས་ཕན། ཞི་བ་མཉམ་གནས་གྱི་རྩ་དོན་ལྔ་རྒྱུན་འཁྱོངས་བྱེད་པ་དང་། རྒྱལ་ཁབ་ཁག་བར་གྱི་ཕྱིར་འབྲེལ་གྱི་འབྲེལ་བ་དང་དཔལ་འབྱོར། རིག་གནས་བརྗེ་རེས་བྱེད་རྒྱུ། བཙན་རྒྱལ་རིང་ལུགས་དང་བཙན་དབང་རིགས་ལུགས། མི་སེར་སྤེལ་བའི་རིང་ལུགས་ལ་ངོ་རྒོལ་རྒྱུན་འཁྱོངས་བྱེད་དེ་འཛམ་གླིང་སྟེང་གི་རྒྱལ་ཁབ་སོ་སོ་བར་གྱི་མཐུན་སྒྲིལ་ལ་ཤུགས་སྣོན་བྱེད་དེ་གཉའ་གནོད་མྱུང་བའི་མི་རིགས་དང་འཕེལ་རྒྱས་འགྲོ་བཞིན་པའི་རྒྱལ་ཁབ་གྱི་མི་རིགས་རང་བཙན་འགན་སྲུང་དང་བརྩོན་ལེན། མི་རིགས་དཔལ་འབྱོར་འཕེལ་རྒྱས་བྱེད་པའི་དྲང་བདེན་འཐབ་རྩོད་བཅས་ལ་རྒྱབ་སྐྱོར་བྱེད་དེ་འཛམ་གླིང་ཞི་བདེ་སྲུང་འགན་དང་མིའི་རིགས་ཀྱི་བྱ་བཞག་གོང་འཕེལ་བྱེད་ཆེད་འབད་བརྩོན་བྱེད་རྒྱུ།
     རྩ་ཁྲིམས་འདིས་བཅའ་ཁྲིམས་ཀྱི་རྣམ་པ་ལས་ཀྲུང་གོ་མི་རིགས་ཁག་གི་མི་དམངས་ཀྱིས་འབད་ཐབས་བྱེད་པའི་གྲུབ་འབྲས་མཐའ་གཅིག་ཏུ་ངོས་འཛིན་བྱེད་པ་དང་། རྒྱལ་ཁབ་གྱི་རྩ་བའི་ལམ་ལུགས་དང་གཞི་རྩའི་ལས་འགན་གཏན་ཁེལ་བྱས་པས་རྒྱལ་ཁབ་གྱི་རྩ་བའི་བཅའ་ཁྲིམས་ཡིན། ཆེས་མཐོ་བའི་བཅའ་ཁྲིམས་ཀྱི་ནུས་པ་ལྡན། རྒྱལ་ཡོངས་མི་རིགས་སོ་སོའི་མི་དམངས་དང་། རྒྱལ་ཁབ་ཀྱི་ལས་ཁུངས་དང་དྲག་ཆས་སྟོབས་ཤུགས། སྲིད་ཏང་ཁག་དང་སྤྱི་ཚོགས་ཚོགས་པ། ཁེ་ལས་ལས་དོན་སྡེ་ཁག་སོགས་ངེས་པར་ཏུ་རྩ་ཁྲིམས་ཏེ་ལས་འགུལ་གྱི་རྩ་བའི་ཚད་གཞི་བྱས་པ་མ་ཟད་རྩ་ཁྲིམས་ཀྱི་ཟིལ་སྙན་ཉམས་མེད་སྲུང་སྐྱོང་བྱེད་པ་དང་རྩ་ཁྲིམས་ལག་བསྟར་འགན་སྲུང་བྱེད་པའི་འགན་འཁྲི་ཁུར་དགོས།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...