སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཀྱི་ཡིག་གཟུགས་དུས་ཆེན་གྱི་འོས་བསྡུའི་གསལ་བརྡ་བཏང་བ།
རྩོམ་པ་པོ། དགེ་མང་འཇམ་དཔལ། རྩོམ་སྒྲིག་པ། Lhamo དུས་ཚོད། 2016-4-13 10:53:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

བོད་ཀྱི་ཡིག་གཟུགས་དུས་ཆེན་གྱི་འོས་བསྡུའི་གསལ་བརྡ་བཏངབ།

བོད་ཀྱི་ཡིག་གཟུགས་ལ་ལྷག་བསམ་དུང་ལས་དཀར་བའི་བོད་རིགས་སྤུན་ཟླ་ཡོངས་ལ་ཞུ་འཕྲིན་ཡིད་ཀྱི་མེ་ཏོག
      བོད་ཀྱི་ཡིག་གཟུགས་ནི་ལོ་རྒྱུས་ཀྱི་རྒྱུན་རིང་ཞིང་བྲི་ཚུལ་སྣ་མང་ཅན། མཛེས་ཉམས་ཕུལ་དུ་བྱུང་ཞིང་སྤྱོད་སྒོ་ཆེ་བ་སོགས་མི་རིགས་གཞན་གྱི་ཡིག་གཟུགས་རིག་གནས་ཁྲོད་མཐོང་དཀའ་བའི་རིག་གནས་ཤིག་ཡིན་པས། ང་ཚོས་རྨད་དུ་བྱུང་བའི་སྲོལ་རྒྱུན་ཡིག་གཟུགས་སྒྱུ་རྩལ་འདི་ཉིད་སྔར་ལས་ལྷག་པའི་རྒྱུན་འཛིན་དང་དར་སྤེལ་བྱ་ཆེད། སྤྱི་ཚོགས་ཀྱི་སློབ་གྲྭ་དང་དགོན་སྡེ་སོ་སོ། དེ་མིན་ཡིག་གཟུགས་ལ་དགའ་མོས་ཡོད་པ་དག་ལ་ཁ་གཏད་དེ་བོད་ཀྱི་ཡིག་གཟུགས་ཀྱི་འགྲན་བསྡུར་དང་། འགྲེམ་སྟོན།  ཚོང་རར་འགྲེམ་པ་སོགས་ཡོངས་ཁྱབ་རང་བཞིན་ཅན་གྱི་དུས་ཆེན་གྱི་ཉི་མ་ཞིག་གཏན་འབེབ་བྱ་རྩིས་ཡོད་ཐོག  སྔར2015ལོའི་ཟླ5བའི་ཚེས9ཉིན་བོད་ཀྱི་ཡིག་གཟུགས་སྒྱུ་རྩལ་འཕྲིན་སྟེགས་ཀྱིས་ལེགས་པའི་སྣ་འདྲེན་གྱི་ཚུལ་དུ་དུས་ཆེན་གྱི་མིང་འདོགས་དང་ཟླ་ཚེས་སྐོར་ལ་འདེམས་ཤོག་འཕངས་པའི་དྲ་ཐོག་བྱ་འགུལ་ཐེངས་ཤིག་སྤེལ་མྱོང་བ་དང་།  དུས་མཚུངས་སུ་བཙན་པོ་མགར་གྱི་དྲ་བ། གཞོན་གསར་དྲ་བ། བོད་ཀྱི་ཡིག་གཟུགས་དྲ་བ། མཚོ་སྔོན་པོ་དྲ་བ་བཅས་ཀྱིས་བརྒྱུད་སྒྲོག་གི་རམ་འདེགས་བླ་མེད་གནང་བྱུང་བས་རབས་དང་པོའི་འོས་འདེམས་བྱ་འགུལ་ལེགས་གྲུབ་བྱུང་། 
     2015ལོའི་ཟླ8པའི་ཚེས2ཉིན་བོད་ཀྱི་ཡིག་གཟུགས་མཁས་པ་དགེ་མང་འཇམ་དཔལ་གྱི་སྣེ་ཁྲིད་འོག་མདོ་དབུས་ཁམས་གསུམ་གྱི་ཡིག་གཟུགས་མཁས་དབང་མི་སྣ14ལས་གྲུབ་པའི་དུས་ཆེན་གྲ་སྒྲིག་ཚན་ཆུང་དངོས་སུ་བཙུགས་ཏེ་དུས་ཆེན་འཛུགས་པའི་དམིགས་ཡུལ་དང་ཁ་ཕྱོགས། ལས་ཀ་བཅས་ལ་གྲོས་ཞིབ་ནན་མོ་བགྱིས་མཐར། མཚན་འཛིན་ཚོགས་གཙོ་དང་ཚོགས་གཙོ་རྒན་གཞོན། དྲུང་ཡིག(འདི་གཉིས་གནས་སྐབས་སུ་གདམས་པ་ཡིན)བཅས་གདམས་ཐོན་བྱུང་བས་རབས་གཉིས་པའི་ལས་ཀ་བདེ་བླག་ངང་གྲུབ།
     ད་ཐེངས་ཡིག་གཟུགས་དུས་ཆེན་གྲ་སྒྲིག་ཚན་ཆུང་གིས་ཡང་བསྐྱར་ཡིག་གཟུགས་དུས་ཆེན་གྱི་འོས་བསྡུའི་གསལ་བརྡ་བཏང་སྟེ། ཐེངས་འདིའི་འོས་ཤོག་ཟླ་འདིའི་ཚེས30ཉིན་བསྡུ་མཚམས་འཇོག་རྒྱུ་ཡིན། འོས་ཤོག་སྔ་ཕྱི་གཉིས2016ལོའི་སྤྱི་ཟླ4བའི་ཟླ་མཇུག་ཏུ་ཕྱོགས་བསྡོམས་བྱས་ནས་ཆེས་གཏིང་མའི་ཐག་གཅོད་བྱེད་པར་མདོ་དབུས་ཁམས་གསུམ་གྱི་ཡིག་གཟུགས་པ་དང་།  དེ་མིན་ཆེད་མཁས་མི་སྣ་མང་བོ་གདན་ཞུས་ཐོག་ཆེད་དམིགས་ཚོགས་འདུ་སྐོང་འཚོགས་ཀྱིས་ཚོགས་ཐོག་ནས་མང་གཙོའི་འགྲོ་ཕྱོགས་ལྟར་གཏན་འབེབ་བྱེད་རྒྱུ་ཡིན། 
ཐེངས་འདིའི་འདེམས་ཤོག་འཕེན་སྟངས།
     ཐེངས་འདིའི་འདེམས་ཤོག་ནི་སྔ་མ་ནང་བཞིན་ཡིག་གཟུགས་དུས་ཆེན་གྱི་མིང་འདོགས་དང་ཟླ་ཚེས་ལ་གཤམ་གྱི་གདམ་བྱ་ཁག་ནས་རྐྱང་འདེམས་གནང་རྒྱུ།
 དང་བོ། ཡིག་གཟུགས་དུས་ཆེན་གྱི་མིང་།
1.བོད་ཀྱི་ཡིག་གཟུགས་དུས་ཆེན།
2.སམ་བྷོ་ཊའི་ཡིག་གཟུགས་དུས་ཆེན།
3.ཐོན་མིའི་མཛུབ་རིས་དུས་ཆེན།
གཉིས་པ། ཡིག་གཟུགས་དུས་ཆེན་གྱི་ཟླ་ཚེས།
1.དབྱངས་གསལ་སོ་བཞི་ལྟར་ན་སྤྱི་ཟླ4/30
2.ཐོན་མིའི་འཁྲུངས་ལོ་ལྟར་ན་སྤྱི་ཟླ6/18
3.མཛངས་མི་བཞི་བ་ལྟར་ན་སྤྱི་ཟླ7/4
འདེམས་ཤོག་འཕེན་སྟངས། གཤམ་གྱི་བོད་ཀྱི་ཡིག་གཟུགས་སྒྱུ་རྩལ་འཕྲིན་སྟེགས་ཀྱི་རྩ་གཉིས་ཨང་ཏར་བཤེར་ནས་འདེམས་ཤོག་འཕང་ཆོག

བོད་ཀྱི་ཡིག་གཟུགས་དུས་ཆེན་གྲ་སྒྲིག་ཚན་ཆུང་གི་ཚོགས་མི།
(དབུས།)  རྡོ་དགོན་གསང་བདག་རྡོ་རྗེ། བསྟན་འཛིན། སྤེན་ནོར། ཚལ་པ་བསམ་གྲུབ།
(ཁམས།)  འདན་མ་བཀྲ་དགའ། བཀྲ་ཤིས་དོན་གྲུབ། ཆུང་ལྷ།
(ཨ་མདོ།)  དོན་གྲུབ་ཚེ་རིང་། རྡོར་བྷ། སྐལ་བཟང་ཡེ་ཤེས། པད་དཀར་འབངས། ཤེས་རབ་རྒྱ་མཚོ། ཟུར་གཙང་གཡང་འབུམ། དགེ་མང་འཇམ་དཔལ།

2016ལོའི་སྤྱི་ཟླ4ཚེས13ཉིན་ཕུལ། 


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...