སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མང་རྫོང་མི་རིགས་སློབ་འབྲིང་གིས་སྐབས་གཉིས་པའི་དཔེ་ཀློག་དུས་ཆེན་བསུས་པ།
རྩོམ་པ་པོ། འབྲོང་ཕྲུག རྩོམ་སྒྲིག་པ། Lhamo དུས་ཚོད། 2016-4-25 16:24:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


དཔེ་ཀློག་དུས་ཆེན་གྱི་ཡུལ་དངོས་རྣམ་པ།


དཔེ་ཀློག་དུས་ཆེན་ཡུལ་དངོས་ཀྱི་རྣམ་པ།


དཔེ་ཀློག་དུས་ཆེན་བསུ་བའི་ཡུལ་དངོས།


དཔེ་ཀློག་དུས་ཆེན་བསུ་བ།

མང་རྫོང་མི་རིགས་སློབ་འབྲིང་གིས་སྐབས་གཉིས་པའི་དཔེ་ཀློག་དུས་ཆེན་བསུས་པ།
མཉམ་པར།

     སྤྱི་ཟླ4བའི་ཚེས20ཉིན་ནས་ཚེས25ཉིན་བར། མང་རྫོང་མི་རིགས་སློབ་འབྲིང་གིས་འཛམ་གླིང་དཔེ་ཀློག་ཉིན་མོ་བསུ་བ་དང་སློབ་གྲྭའི་སྐབས་གཉིས་པའི་དཔེ་ཀློག་དུས་ཆེན་གྱི་བྱེད་སྒོ་སྤེལ།
     ཐེངས་འདིའི་དཔེ་ཀློག་དུས་ཆེན་ནི་མང་རྫོང་མི་རིགས་སློབ་འབྲིང་གི་སློབ་ཨུ་དང་སློབ་སྟོན་ཁང་གིས་རྩ་འཛུགས་བྱས་ཤིང་། བྱེད་སྒོའི་ནང་དོན་ལ་འཛིན་གྲྭ་སོ་སོའི་དཔེ་ཀློག་གི་བཟང་ངན་འབྱེད་པ་དང་སློབ་གྲོགས་སོ་སོའི་དཔེ་ཀློག་གི་མང་ཉུང་བསྡུར་བ། ལག་བྲིས་ཚགས་པར་དང་དཔེ་ཀློག་མྱོང་ཟིན་འགྲན་པ། ད་དུང་དགེ་སློབ་གཉིས་ཀྱིས་དཔེ་ཀློག་མྱོང་ཚོར་གཏམ་བཤད་དུ་སྤེལ་བ་བཅས་ཀྱིས་གྲུབ་པ་ཞིག་ཡིན་པས། འགྲན་ཞུགས་པ་ཆེས་མང་ཞིང་འགྲན་པའི་རྣམ་གྲངས་ཆེས་ཆེ་བའི་བྱེད་སྒོ་ཞིག་ཀྱང་ཡིན་པ་རེད།
     གཞན་ཡང་། སྤྱི་ཟླ4བའི་ཚེས25ཉིན་གྱི་ཕྱི་དྲོར་སློབ་གྲྭའི་ལུས་རྩལ་ར་བ་རུ་དགེ་སློབ་གཉིས་ཀྱི་དཔེ་ཀློག་མྱོང་ཚོར་གྱི་གཏམ་བཤད་འགྲན་བསྡུར་བྱས་ཤིང་། ཐེངས་འདིའི་འགྲན་བསྡུར་ལ་སློབ་གྲྭའི་ལོ་རིམ་སྡེ་ཁག་གསུམ་གྱི་དགེ་སློབ35ཞུགས་ཡོད་ལ། དཔྱད་འདེམ་དགེ་རྒན་དག་གིས་འགྲན་ཞུགས་པའི་གཏམ་བཤད་ཀྱི་བརྗོད་གཞིའི་ནང་དོན་དང་དལ་ལྷོད་རན་པའི་བརྩེ་དུང་གི་ཉམས་འགྱུར། གསལ་དག་སྙན་གསུམ་གྱི་སྐད་གདངས། གར་སྟེགས་ཀྱི་གཟི་ཉམས། བློ་འཛིན་གྱི་ནུས་པ་ལ་སོགས་ཕྱོགས་ལྔ་ནས་དགེ་སློབ་གཉིས་ཀྱི་གཏམ་བཤད་ཀྱི་ནུས་པར་དཔྱད་འཇོག་གནང་།
     སྤྱིར་ས་གཞི་ཡོངས་ལ་གསོན་ཤུགས་ཀྱི་དཔལ་འབར་བའི་སྤྱི་ཟླ་བཞི་བ་འདིའི་ནང་དུ། འཛམ་གླིང་རང་བཞིན་གྱི་ཉིན་མོ་གལ་ཆེན་ཁ་ཤས་ཤིག་ཡོད་ལ། དེ་དག་ལས་ཀྱང་གལ་ཆེ་ཞིང་དོན་སྙིང་ཧ་ཅང་ཆེ་བ་ཞིག་ཡོད་པ་ནི་འཛམ་གླིང་དཔེ་ཀློག་ཉིན་མོ་རེད། འཛམ་གླིང་དཔེ་ཀློག་ཉིན་མོ་ནི་སྤྱི་ལོ1995ལོར་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱིས་ལུགས་གསར་ཀྱི་ཟླ4བའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་ཡིན་པ་གཏན་ཁེལ་དང་ཁྱབ་བསྒྲགས་བྱས་པ་ཡིན། དེ་བཞིན་དུ་མང་རྫོང་མི་རིགས་སློབ་འབྲིང་གི་དཔེ་ཀློག་དུས་ཆེན་ནི་སྤྱི་ལོ2015ལོར་གསར་དུ་སྤེལ་བ་ཞིག་ཡིན་པ་དང་། ད་ལོ་ནི་སྐབས་གཉིས་པ་ཡིན་པས་དུས་ཆེན་གྱི་དམིགས་ཡུལ་དང་གཙོ་སྙིང་། སྒྲིག་གཞི་སོགས་གང་ཐད་ནས་སྔར་ལོ་དང་མི་འདྲ་བའི་ཁྱད་ཆོས་འབུན་དུ་ཐོན་ནས་དགེ་སློབ་ཡོངས་ཀྱི་གདེང་འཇོག་ཚད་མཐོན་པོ་ཐོབ།
     དཔེ་ཀློག་གིས་ང་ཚོའི་མིག་རྒྱ་རྒྱང་དུ་བསྐྱེད་ཐུབ་པར་མ་ཟད། ང་ཚོའི་ཤེས་བྱ་ཕུན་སུམ་ཇེ་ཚོགས་སུ་གཏོང་ཐུབ་ལ། རྨོངས་པའི་མུན་པ་སེལ་ཏེ་ཤེས་རབ་ཀྱི་སྒྲོན་མེ་འདེགས་པར་བྱེད་ཅིང་། ཕུགས་བསམ་མངོན་འགྱུར་ཡོང་བའི་རེ་བའི་མེ་ལྕེ་སྦར་ཐུབ་ངེས་ཡིན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...