སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཡིག་འཕྲིན་སྦྱོར་མཐུན་འབྲེལ་ཚོགས་འདུ་དང་བོད་ཡིག་འཕྲིན་སྦྱོར་མཉམ་འདྲེས་འཕེལ་རྒྱས་བགྲོ་ཚོགས་བསྡུས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2017-9-5 13:06:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

 བོད་ཡིག་འཕྲིན་སྦྱོར་མཐུན་འབྲེལ་ཚོགས་འདུ་དང་བོད་ཡིག་འཕྲིན་སྦྱོར་མཉམ་འདྲེས་འཕེལ་རྒྱས་བགྲོ་གླེང་ཚོགས་འདུ་བསྡུས་པ།

     སྤྱི་ཟླ་9ཚེས་5ཉིན།  སྐབས་བཅུ་བདུན་པའི་རྒྱལ་ཡོངས་བོད་ཡིག་འཕྲིན་སྦྱོར་མཐུན་འབྲེལ་ཚོགས་འདུ་དང་སྐབས་དང་པོའི་རྒྱལ་ཡོངས་བོད་ཡིག་འཕྲིན་སྦྱོར་མཉམ་འདྲེས་འཕེལ་རྒྱས་བགྲོ་གླེང་ཚོགས་འདུ་དེ་སི་ཁྲོན་ཞིང་ཆེན་ཁྲེན་ཏུའུ་གྲོང་ཁྱེར་དུ་འཚོགས་པ་དང་།  སི་ཁྲོན་ཏང་གི་དུས་དེབ་ཁང་གི་གངས་ལྗོངས་ཉི་གཞོན་འཕྲིན་སྦྱོར་ཀུན་འདུས་ལྟེ་གནས་ཀྱིས་འགན་གཉེར་བྱས། པེ་ཅིང་དང་ལྷ་ས། མཚོ་སྔོན། ཀན་སུའུ། ཡུན་ནན།་བཅས་ནས་ཕེབས་པའི་ཚགས་པར་ཁང་དང་། དུས་དེབ། རྒྱང་བསྒྲགས། བརྙན་འཕྲིན། དྲ་ཚིགས་བཅས་ཀྱི་ལས་ཁུངས་དྲུག་བཅུ་ཙམ་གྱི་མི་བརྒྱ་ལྷག་ཚོགས་འདུ་ཞུགས་ཡོད།
     ཐེངས་འདིའི་ཚོགས་འདུ་ནི་སྐབས་སྔོན་མ་གང་ལས་གཞི་རྒྱ་དང་ཁྱབ་ཁོངས་ཆེ་ཞིང་།  རྒྱལ་ཡོངས་བོད་ཡིག་འཕྲིན་སྦྱོར་མཐུན་འབྲེལ་ཚོགས་འདུ་ཐོག་ཞུགས་མཁན་ལས་ཁུངས་དང་མི་གྲངས་ཆེས་མང་བའི་ཚོགས་འདུ་ཞིག་ཀྱང་རེད། ཚོགས་ཆེན་ཐོག་སི་ཁྲོན་ཞིང་ཆེན་དྲིལ་བསྒྲགས་པུའུ་ཡི་པུའུ་ཀྲང་ལི་ཀྲའོ་དང་། སི་ཁྲོན་ཏང་བདེ་ཚོགས་པའི་ཏང་ཨུའི་ཧྲུའུ་ཅི། སྤྱི་ཁྱབ་གཉེར་དཔོན་ཀྲང་ཙེ་ཀང་།  བོད་ལྗོངས་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་གཞོན་པ་བཀྲ་ཤིས་དཔལ་ལྡན།  མཚོ་སྔོན་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་གཞོན་པ་ཚེ་མགོན།  རྒྱལ་ཡོངས་བོད་སྐད་ཐ་སྙད་ཚད་ལྡན་ཅན་གྱི་ལས་ཀའི་ཨུ་ཡོན་ལྷན་ཁང་གི་དྲུང་གཞོན་ཀྲུའུ་ཝེ་བཅས་ཚོགས་འདུས་ཐོག་ཞུགས་ལ་ཤིས་ཚིག་ཕུལ། སི་ཁྲོན་ཏང་བདེ་ཚོགས་པའི་སྤྱི་ཁྱབ་རྩོམ་སྒྲིག་པ་ཞུའེ་ཕིང་གིས་ཚོགས་འདུར་གཙོ་སྐྱོང་གནང་བ་རེད།
     བོད་ལྗོངས་ཉིན་རེའི་ཚགས་པར་དང་མཚོ་སྔོན་ཉིན་རེའི་ཚགས་པར། དཀར་མཛེས་ཉིན་རེའི་ཚགས་པར། རྔ་པའི་ཉིན་རེའི་ཚགས་པར། ཀན་ལྷོའི་ཉིན་རེའི་ཚགས་པར་དང་གངས་རྒྱན་ན་ཆུང་ཚགས་པར།  ཀྲུང་དབྱང་རྒྱང་བསྒྲགས་བརྙན་འཕྲིན་གྱི་བོད་སྐད་ཚན་ཁག ཨ་མདོ་བརྙན་འཕྲིན་ཁང་།  ཁམས་པ་བརྙན་འཕྲིན་ཁང་།  ཀྲུང་གོའི་བོད་ལྗོངས་དྲ་བ།  ཀྲུང་གོ་བོད་ཀྱི་དྲ་བ།  ཀྲུང་གོ་བོད་ལྗོངས་གསར་འགྱུར་དྲ་ཚིགས།  ཡོངས་འཛིན་བོད་ཡིག་འཚོལ་བཤེར་མ་ལག་སོགས་དང་། ཀྲུང་གོའི་བོད་ལྗོངས་དུས་དེབ་ཁང་། སྦྲང་ཆར། བོད་ལྗོངས་ཞིབ་འཇུག བོད་ལྗོངས་སློབ་གསོ།  གངས་རྒྱན་མེ་ཏོག  མི་རིགས།  གངས་ལྗོངས་ཉི་གཞོན།  ཁ་བཏགས་དཀར་པོ།  གངས་དཀར་རི་བོ་སོགས་རྒྱལ་ནང་གི་བོད་ཀྱི་ཚགས་པར་དང་གསར་འགྱུར་དྲ་བ་གཙོ་བོ་དག་དང་དུས་དེབ་ཁང་།  བརྙན་འཕྲིན་དང་རླུང་འཕྲིན་བཅས་འཕྲིན་སྦྱོར་ལས་ཁུངས་དྲུག་ཅུ་ལྷག་ཚོགས་འདུར་ཞུགས་ཡོད། ཉིན་གསུམ་གྱི་རིང་ལ་ཚོགས་ཞུགས་ལས་ཁུངས་སོ་སོས་ཉེ་བའི་ལོ་གཅིག་རིང་གི་ཕུལ་བྱུང་གསར་འགྱུར་དང་དཔྱད་རྩོམ་དཔྱད་འདེམས་དང། ཐ་སྙད་གསར་པ་གཅིག་བསྒྱུར་བྱ་རྒྱུ་རེད་ལ།  གཞན་ཡང་། སྐབས་དང་པོའི་རྒྱལ་ཡོངས་བོད་ཡིག་འཕྲིན་སྦྱོར་མཉམ་འདྲེས་འཕེལ་རྒྱས་བགྲོ་གླེང་སོགས་འཚོགས་ནས་བོད་སྐད་འཕྲིན་སྦྱོར་ལས་རིགས་ཐུན་མོང་ངང་འཕེལ་རྒྱས་སུ་འགྲོ་རྒྱུར་སྐུལ་འདེད་གཏང་རྒྱུ་རེད།  ད་དུང་ཁྲེན་ཏུའུ་ཕྱོགས་ཀྱི་བོད་ཀྱི་རིག་གནས་རྟེན་གཞི་ཁག་ཅིག་ལ་བཅའ་འདྲི་ཞུ་རྒྱུ་རེད།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...