སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་བྱུང་ལྷ་མོ་དགྱེས་པའི་མཆོད་དབྱངས་ཞེས་པའི་སྒྲ་སྙན་རྡུང་ལེན་དགོང་ཚོགས་ཤིག་སྤེལ།
རྩོམ་པ་པོ། སྟག་རིག་འབྲུག་ཐར། རྩོམ་སྒྲིག་པ། Lhamo དུས་ཚོད། 2018-1-2 9:19:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


མཚོ་བྱུང་ལྷ་མོ་དགྱེས་པའི་མཆོད་དབྱངས་ཞེས་པའི་སྒྲ་སྙན་རྡུང་ལེན་དགོང་ཚོགས་སྤེལ།

     ཁྲི་ཀ་ས་ཁུལ་གྱི་རྡུང་ལེན་སྒྱུ་རྩལ་སྔོག་འདོན་དང་། རིག་གནས་སྒྱུ་རྩལ་གྱི་རྔམས་ཀ་ཇེ་མཐུག་ཏུ་གཏོང་ཆེད། སྤྱི་ཟླ12པའི་ཚེས27ཉིན་གྱི་དགོང་མོར། རྨ་ཡུལ་ཁྲི་ཀའི་སྲིན་པོ་གླིང་ཀའི་གསོལ་མགྲོན་ཁང་དུ་ན་གཞོན་སློབ་ཆེན་པ་ཁྱུང་སྐྱབས་རིན་ཆེན་གྱིས་གཙོ་སྒྲུབ་བྱས་པའི《མཚོ་བྱུང་ལྷ་མོ་དགྱེས་པའི་མཆོད་དབྱངས》ཞེས་པའི་སྒྲ་སྙན་རྡུང་ལེན་དགོང་ཚོགས་ཤིག་སྤེལ།

     ཐེངས་འདིའི་དགོང་ཚོགས་ལ་ཁྲི་ཀའི་བོད་པའི་ལུང་པ་སོ་སོའི་གསར་སྐྱེས་རྡུང་ལེན་པ་རྣམས་མཉམ་བསྲེས་སྒོས་ཟབ་ཞུགས་བྱས་ཡོད་པ་མ་ཟད། རྩེ་ཁོག་དང་གཅན་ཚ། མང་རྫོང་བཅས་ཀྱི་གདན་ཞུས་རྡུང་ལེན་པ་རེ་འགའ་ཡང་ཕེབས་ཡོད། དགོང་ཚོགས་མགོ་མ་བརྩམ་པའི་སྔོན་དུ་རྒྱ་ཆེའི་ལྟ་མཁན་པ་རྣམས་མ་བགྲོས་གཅིག་མཐུན་ངང་གསོལ་མགྲོན་ཁང་དུ་འདུས། མདོ་འཛིན་པའི་གསལ་དག་སྙན་གསུམ་གྱི་ངོ་སྤྲོད་བརྒྱུད། རྡུང་ལེན་པ་བཙུན་ཐར་རྡོ་རྗེ་ཡིས《ང་རྩེད་གིན་རྩེན་གིན་ཁྲོམ་ལ་འགྲོ》ཟེར་བའི་རྡུང་ལེན་སྙན་མོ་ཞིག་གིས་གླུ་སྒོ་ཕྱེ་སྟེ་ཚོགས་ར་ཡོངས་འཁྲུག་ཆ་དོད་པར་བཟོས། རྡུང་ལེན་པ་སོ་སོའི་ཐུན་མོང་མ་ཡིན་པའི་པི་ཝང་དཀྲོལ་སྟངས་དང་དེ་ལ་སྦྱར་བའི་རམ་དཀྲོལ་བྱེད་སྟངས། སོ་སོའི་གདངས་མཐོ་དམའི་འགྱུར་ཁུགས་སྙན་མོས་ལྟ་མཁན་པའི་མིག་གི་བདུད་རྩི་དང་རྣ་བའི་བུ་རམ་དུ་གྱུར་ཏེ་དགའ་བསུའི་ཐལ་མོ་ལྷང་ལྷང་དུ་བརྡབས།


མཚོ་བྱུང་ལྷ་མོ་དགྱེས་པའི་མཆོད་དབྱངས་ཞེས་པའི་སྒྲ་སྙན་རྡུང་ལེན་དགོང་ཚོགས།

     རྡུང་ལེན་པ་ཚོའི་གཅིག་ལས་གཅིག་ལྷག་གི་ཁུ་བྱུག་སྔོན་མོ་འདྲ་བའི་སྐད་ངག་དང་སོར་མོའི་རྩལ་བརྒྱ་རྫོགས་པའི་དཀྲོལ་སྟངས་ཀྱིས་རང་མི་རིགས་ཀྱི་རྡུང་ལེན་སྒྱུ་རྩལ་ཐད་སྔ་ན་མེད་པའི་འཕེལ་རྒྱས་ཤིག་བྱུང་བ་མཚོན་ཞིང་། རང་མི་རིགས་འདི་གླུ་གར་སྒྱུ་རྩལ་ལ་བྱང་ཆ་དང་ནུས་རྩལ་འཛོམས་པ་རྟོགས་ཐུབ།

     རེབ་འདིའི་རྡུང་ལེན་འགྲན་སྡུར་བརྒྱུད་ཁྲི་ཀ་ས་ཁུལ་གྱི་རྡུང་ལེན་པ་ཕན་ཚུན་ངོ་ཤེས་ཤིང་ཕན་ཚུན་བསམ་བློ་བརྗེ་རེས་ཀྱི་གོ་སྐབས་ཐོབ་པ་མ་ཟད། རྡུང་ལེན་ཕྱོགས་ཀྱི་ཤེས་བྱའི་ཐད་ལའང་སློབ་སྦྱོང་གི་སྟབས་ཀ་བཟང་བོ་ཞིག་བསྐྲུན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...