སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཡིག་རྩིས་འཕྲིན་ཉེར་སྤྱོད་ལག་རྩལ་ཆེད་གཉེར་སློབ་ཆེན་གྱི་སློབ་མ་ཁག་དང་པོ་མཐར་ཕྱིན།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-10-30 9:20:00 རྩོམ་ཁུངས། མི་དམངས་དྲ་བ། ཀློག་གྲངས།

     སྤྱི་ཟླ10ཚེས25ཉིན། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གཞུང་ནས་ཤེས་རྟོགས་བྱུང་གསལ། ཀྲུང་གོའི་རྒྱལ་ནང་དུ་བོད་ཡིག་རྩིས་འཁོར་ཉེར་སྤྱོད་ལག་རྩལ་གྱི་ཆེད་སྦྱོང་འཛིན་གྲྭའི་སློབ་མ་ཁག་དང་པོ་མཐར་ཕྱིན་པ་དང་། འདི་ཡིས་མཚོ་སྔོན་ཞིང་ཆེན་གྱི་བོད་ཁུལ་གྱི་ལས་རིགས་སློབ་གསོའི་ནུས་པ་དང་། རྒྱ་བོད་སྐད་གཉིས་ཀྱི་རྩིས་འཁོར་ལག་རྩལ་བ་གསོ་སྐྱོང་སོགས་ཀྱི་ཐད་ལ་ཕན་པ་ཆེན་པོ་བསྐྲུན་ཡོད།
     ཤེས་རྟོགས་བྱུང་བར་གཞིགས་ན། མཚོ་སྔོན་རླུང་འཕྲིན་བརྙན་འཕྲིན་སློབ་ཆེན་གྱི་བློ་བཟང་ཚན་རྩལ་སློབ་ཁྲིད་ས་ཚིགས་སུ་བོད་ཡིག་རྩིས་འཁོར་ཉེར་སྤྱོད་ལག་རྩལ་གྱི་ཆེད་སྦྱོང་འཛིན་གྲྭ་ལ་ཁྱོན་སློབ་མ17ཡོད་པ་དང་། དེ་ནི་ཀྲུང་གོའི་རྒྱལ་ནང་གི་བོད་ཡིག་རྩིས་འཁོར་ཉེར་སྤྱོད་ལག་རྩལ་གྱི་ཆེད་སྦྱོང་འཛིན་གྲྭ་གཅིག་པུ་ཡིན་ཞིང་། མིག་སྔར། བློ་བཟང་ཚན་རྩལ་ཁང་དུ་སློབ་མ5ལས་ཀར་ཞུགས་པ་དང་། སློབ་མ་གཞན་དག་གིས་རང་བརྟེན་ལས་ལམ་གསར་གཏོད་བྱས་ཡོད།
     ཤེས་རྟོགས་བྱུང་བར་གཞིགས་ན། བློ་བཟང་ལས་རིགས་སློབ་གྲྭ་ནི2014ལོའི་ཟླ12པར་བཙུགས་པ་དང་། རྒྱ་ཁྱོན་མུའུ58ཡོད་ཅིང་། ཁང་པ་བསྐྲུན་སའི་རྒྱ་ཁྱོན་ལ་སྨི་གྲུ་བཞི་མ14000ཡོད་པ་རེད། གཙོ་བོ་བོད་ཡིག་གི་ཆ་འཕྲིན་ལག་རྩལ་གཙོར་བྱས་ནས་དུས་ཡུན་ཐུང་ངུའི་གསོ་སྦྱོང་སྣ་ཚོགས་དང་། རྒྱ་བོད་སྐད་གཉིས་ཀྱི་ཁེ་ལས་གསོ་སྐྱོང་དང་བོད་ཡིག་རྩིས་འཁོར་ཉེར་སྤྱོད་ལག་རྩལ་གྱི་ཆེད་ལས་སློབ་རིམ་སློབ་གསོའི་འགན་ཁུར་བཞིན་ཡོད།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...