སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
གསེར་ཆེན་རྫོང་མི་རིགས་སློབ་འབྲིང་གིས་་གསུང་རབ་གྱེར་འདོན་བྱ་འགུལ་སྤེལ་བ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-4-26 9:00:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
 
   ལོ་རེའི་ཟླ4པའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་ཡིན་པ་དང་དེའི་མིང་ཆ་ཚང་ལ་“འཛམ་གླིང་དཔེ་དེབ་དང་པར་དབང་ཉིན་མོ་”ཟེར། 1995ལོར་ལོ་རེའི་ཟླ4པའི་ཚེས23ཉིན་དཔེ་ཀློག་དང་པར་དབང་ཉིན་མོར་གཏན་འཁེལ་བྱས་པ་དང་དེའི་དམིགས་ཡུལ་ནི་སྐྱེ་བོ་མང་བོས་དཔེ་ཀློག་དང་རྩོམ་འབྲི་བྱ་རྒྱུར་སྐུལ་མ་གཏོང་བའི་ཆེད་དུ་རེད། འཛམ་གླིང་ས་ཕྱོགས་གང་སར་གནས་པའི་སྐྱེ་བོ་རྒན་རྒོན་དང་གཞོན་ནུ། དབུལ་པོ། ཕྱུག་པོ། ནད་པ་དང་འཐེང་པོ་གང་ཞིག་ཡིན་རུང་། ཚང་མས་དཔེ་ཀློག་གི་སྤྲོ་སྣང་ཉམས་སུ་མྱོང་བ་དང་། མིའི་རིགས་ཀྱི་ཤེས་དཔལ་ཡར་ཐོན་ལ་ལེགས་སྐྱེས་ཆེན་པོ་འབུལ་མཁན་རྩོམ་རིག་མཁས་ཅན་དང་། རིག་གནས་མཁས་ཅན། ཚན་རིག་མཁས་ཅན། བསམ་བློ་མཁས་ཅན་བཅས་ལ་བརྩི་འཇོག་དང་ཐུགས་རྗེ་ཆེ་ཞུ་ཆེད། ལོ་རེར་ཉིན་མོ་འདིར་འཛམ་གླིང་གི་རྒྱལ་ཁབ་བརྒྱ་ལྷག་ཙམ་གྱིས་རྟེན་འབྲེལ་ཞུ་བ་དང་སྦྲགས་དཔེ་ཀློག་དྲིལ་བསྒྲགས་སོགས་ཀྱི་བྱེད་སྒོ་སྣ་ཚོགས་སྤེལ་བ་རེད། རྒྱུ་མཚན་དེའི་དབང་གིས་གསེར་ཆེན་རྫོང་མི་རིགས་སློབ་འབྲིང་གིས་“འཛམ་གླིང་དཔེ་ཀློག་ཉིན་མོ”དང་བསྟུན་ནས་གསུང་རབ་གྱེར་འདོན་འགྲན་བསྡུར་གྱི་བྱ་འགུལ་དེ2019ལོའི་ཟླ4ཚེས23ཉིན་གྱི་ཉིན་གུང་དུས་ཚོད1སྟེང་སློབ་གྲྭའི་ལུས་རྩལ་ར་བ་ནས་གཟབ་རྒྱས་ངང་སྤེལ་མགོ་ཚུགས་ཤིང་། དགེ་རྒན་ཚེ་མགོན་རྒྱལ་གྱིས་མདོ་འཛིན་མཛད་པ་རེད།
 
   ཐེངས་འདིའི་འཛམ་གླིང་དཔེ་ཀློག་ཉིན་མོའི་གསུང་རབ་གྱེར་འདོན་འགྲན་བསྡུར་གྱི་དཔྱད་འདེམས་པ་ནི་དགེ་རྒན་གཅོད་པ་རྒྱལ། དགེ་རྒན་ཁམས་སྐྱིད། དགེ་རྒན་མཚོ་རྒྱལ། དགེ་རྒན་བྱམས་པ་སྐྱིད། དགེ་རྒན་འཇའ་མོ་སྐྱིད། དགེ་རྒན་རིན་ཆེན་སྐྱིད་བཅས་ཡིན།
     འཛམ་གླིང་དཔེ་ཀློག་ཉིན་མོའི་གསུང་རབ་གྱེར་འདོན་འགྲན་བསྡུར་ལ་ཞུགས་མཁན་ནི་སློབ་གྲྭའི་དམའ་གཅིག་དང་དམའ་གཉིས་རིམ་པའི་སློབ་གྲོགས་དག་ཡིན་ལ། འགྲན་བསྡུར་གྱི་རྣམ་པ་མི་སྒེར་དང་ཐུན་མོང་གཉིས་སུ་དགར་ཏེ་ཡུལ་དངོས་ནས་བོད་རྒྱ་སྐད་གཉིས་ཀྱི་ལམ་ནས་གསུང་རབ་གྱེར་འདོན་གྱི་འགྲན་བསྡུར་བྱས་པ་ཡིན།
     ཐེངས་འདིའི་འཛམ་གླིང་དཔེ་ཀློག་ཉིན་མོའི་གསུང་རབ་གྱེར་འདོན་གྱི་འགྲན་བསྡུར་ལ་མི་སྒེར་གྱི་དམའ་གཉིས་རིམ་པའི་ཁམས་མཚོ་སྐྱིད། རྡོ་རྗེ་མཚོ་སོགས་སློབ་གྲོགས་ཉེར་གསུམ་དང་། དམའ་གཅིག་རིམ་པའི་བསོད་ནམས་བསྟན་འཛིན། རིན་ཆེན་འབུམ་སོགས་སློབ་གྲོགས་བཅུ་གསུམ་བཅས་འགྲན་བསྡུར་ནང་ཞུགས།
 
   འགྲན་བསྡུར་ལ་ཞུགས་པའི་ཐུན་མོང་ནི་དམའ་གཅིག་དང་དམའ་གཉིས་རིམ་པ་ནས་སློབ་གྲོགས་སུམ་བརྒྱ་དང་སུམ་ཅུ་ལྷག་འདུས་ལ། འགྲན་བསྡུར་ཁྲོད་རང་རང་གི་ཐུན་མོང་མ་ཡིན་པའི་ཁྱད་ཆོས་གཞིར་བཟུང་ནས་མིང་དུ་གྲགས་པའི་གསུང་རབ་གྱེར་འདོན་བྱས་ཏེ་འཛམ་གླིང་དཔེ་ཀློག་གི་ཉིན་མོ་དང་བསྡོངས་ནས་དགེ་སློབ་དག་ལ་རང་གིས་དུས་ཚོད་དམ་འཛིན་སྒོས་དཔེ་ཀློག་བྱས་པའི་མྱོང་ཚོར་དང་དཔེ་ཀློག་གིས་རང་ཉིད་ཀྱི་སློབ་སྦྱོང་གི་འཚོ་བར་སྔ་ན་མེད་པའི་གསོན་ཤུགས་གསར་བ་བསྣན་ཚུལ་སོགས་རྒྱས་བསྡུས་འོས་འཚམ་སྒོས་ར་སྤྲོད་བྱས་པ་རེད།
     དུས་ཚོད་དྲུག་ཡུན་གྱི་གསུང་རབ་གྱེར་འདོན་གྱི་འགྲན་བསྡུར་བྱས་པ་བརྒྱུད་ནས་མི་སྒེར་གྱི་བྱ་དགའ་ཨང་དང་པོ་ཐོབ་མཁན་ནི་དམའ་གཉིས་དྲུག་པའི་སྒྲོལ་མཚོ་དང་། དམའ་གཅིག་བདུན་པའི་གཡང་འཛོམས་ལྷ་མོ། དམའ་གཉིས་བཅུ་གསུམ་གྱི་ལྷ་མོ་ཆོས་ལྡན་བཅས་དང་། བྱ་དགའ་ཨང་གཉིས་པ་ཐོབ་མཁན་ནི་དམའ་གཉིས་བཅུ་གསུམ་གྱི་བློ་བཟང་དཔལ་ལྡན། དམའ་གཅིག་བཅུ་བའི་སྙིང་ཕྱུགས་རྒྱལ། ཚེ་ཐར་མཚོ། དམའ་གཉིས་བཅུ་བའི་ཆོས་ཀྱི་རྒྱལ་མཚན། དམའ་གཅིག་དང་པོའི་བསོད་ནམས་བཀྲ་ཤིས། དམའ་གཉིས་བཅུ་བའི་ལྷ་མོ་ཚེ་རིང་། དམའ་གཅིག་བཞི་བའི་གུ་རུ་སྐྱིད། དམའ་གཉིས་གཉིས་པའི་ཀླུ་འབྲུག་མཚོ་མོ་བཅས་ཡིན། བྱ་དགའ་ཨང་གསུམ་པ་ཐོབ་མཁན་ནི་དམའ་གཅིག་དགུ་བའི་ཁམས་མཚོ་སྐྱིད། རྡོ་རྗེ་མཚོ། རབ་བརྟན་རྡོ་རྗེ། དམའ་གཅིག་བརྒྱད་པའི་བསོད་ནམས་བསྟན་འཛིན། རིན་ཆེན་འབུམ། སངས་རྒྱས་ཐར། དམའ་གཅིག་བཅུ་གཉིས་ཀྱི་སྐལ་བཟང་ཆོས་སྒྲོན། མཁའ་དབྱིངས་སྒྲོལ་མ། དམའ་གཉིས་གཉིས་པའི་ཀླུ་འབྲུག་མཚོ་མོ། དམའ་གཉིས་བཅུ་གཉིས་ཀྱི་མཚོ་རིས། དམའ་གཅིག་བཅུ་གཅིག་གི་བཀྲ་ཤིས་ཚེ་རིང་། དམའ་གཅིག་བཅུ་བཞིའི་ཡེ་ཤེས་སྐྱིད། བཙུན་མོ་རྒྱལ། དམའ་གཉིས་བཅུ་གཉིས་ཀྱི་ཟླ་བ་གཡུ་མཚོ། དམའ་གཉིས་བཅུ་གཅིག་གི་འཁོན་མཚོ་སྐྱིད། དམའ་གཉིས་བརྒྱད་པའི་དཔལ་མོ་བཅས་རེད།
     ཐུན་མོང་གི་བྱ་དགའ་ཨང་དང་པོ་ཐོབ་མཁན་ནི་དམའ་གཅིག་གསུམ་པ་དང་བཅུ་གཉིས། བྱ་དགའ་ཨང་གཉིས་པ་ཐོབ་མཁན་ནི་དམའ་གཅིག་དགུ་བ། དང་པོ། བཅུ་གསུམ་བཅས་ཡིན། བྱ་དགའ་ཨང་གསུམ་པ་ཐོབ་མཁན་ནི་དམའ་གཅིག་གསུམ་པ། དྲུག་པ། བཅུ་བཞི། བཅུ་གསུམ་བཅས་རེད།
     ཐེངས་འདིའི་འཛམ་གླིང་དཔེ་ཀློག་ཉིན་མོའི་གསུང་རབ་གྱེར་འདོན་གྱི་འགྲན་བསྡུར་འདི་སྤེལ་བས་རང་སློབ་གྲྭའི་དགེ་སློབ་དག་གི་སེམས་ལ་སྔ་ན་མེད་པའི་བག་ཆགས་ཟབ་མོ་ཞིག་བཞག་བྱུང་བ་ནི་དཔེ་ཀློག་གིས་མིའི་རིགས་ཀྱི་བསམ་བློ་ལ་བཅོས་བསྒྱུར་དང་བླང་དོར་ཤན་འབྱེད་ཀྱི་ཤེས་རིག་གི་སྟོབས་ཤུགས་བསྐྱེད་པར་བྱེད་པས་དུས་ཚོད་དམ་འཛིན་དང་དཀའ་སྤྱད་སྡུག་རུས་སྒོས་དཔེ་ཀློག་བྱས་ཏེ་རིན་ཐང་བྲལ་བའི་ཤེས་བྱ་མང་པོ་ཞིག་རང་རྒྱུད་དུ་ལྡན་པར་བྱེད་དགོས་པའི་འདུ་ཤེས་སྐྱེས་སུ་བཅུག་པ་རེད།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...