སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་སྔོན་ཞིང་ཆེན་གྱི་བོད་སྐད་རྒྱང་སྒྲོག་བརྙན་འཕྲིན་གྱི་ཕུལ་བྱུང་བརྩམས་ཆོས་དཔྱད་འདེམས་ཚོགས་འདུ་བསྡུས།
རྩོམ་པ་པོ། བསོད་རྡོ། རྩོམ་སྒྲིག་པ། Lhamo དུས་ཚོད། 2017-8-28 9:38:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


མཚོ་སྔོན་ཞིང་ཆེན་གྱི་བོད་སྐད་རྒྱང་སྒྲོག་བརྙན་འཕྲིན་གྱི་ཕུལ་བྱུང་བརྩམས་ཆོས་དཔྱད་འདེམས་ཚོགས་འདུ་བསྡུས།

     ཉེ་ཆར། དུས་ཡུན་ཉིན་གསུམ་རིང་གི་མཚོ་སྔོན་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་གྱི་ཕུལ་བྱུང་བརྩམས་ཆོས་དཔྱད་འདེམས་ཚོགས་འདུ་བདེ་བླག་ངང་མཚོ་ནུབ་སོག་རིག་བོད་རིགས་རང་སྐྱོང་ཁུལ་གཏེར་ལེན་ཁ་རུ་མཇུག་བསྡུས།
     ཐེངས་འདིའི་ཚོགས་འདུ་ནི་མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་མཐུན་ཚོགས་ཀྱིས་གཙོ་སྒྲུབ་བྱས་ཤིང་། མཚོ་ནུབ་ཁུལ་རྒྱང་སྒྲོག་བརྙན་འཕྲིན་ཁང་གིས་འགན་སྒྲུབ་བྱས་པ་ཡིན། དཔྱད་འདེམས་ཚོགས་འདུའི་སྟེང་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་ཁང20ལྷག་དང་དྲ་བ་སྨྱན་བྱད་གསར་འགྱུར་ལས་རིགས་ཁག་བཅས་ཀྱི་འཐུས་མི40ལྷག་ཚོགས་འདུར་ཞུགས།
     ཚོགས་འདུས་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་ལེ་ཚན་གྱི་རྒྱུ་སྤུས་སྔར་ལས་མཐོར་འདེགས་དང་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་གྱི་ལེ་ཚན་ལེགས་སྒྲིག་དང་འཇོན་མི་གསོ་སྐྱོང་སོགས་ཀྱི་ཐད་ནས་བསམ་ཚུལ་བརྗེ་རེས་དང་ཉམས་མྱོང་བརྗེ་རེས་ལ་སྐུལ་འདེད་བྱས་པ་མ་ཟད། ད་དུང་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་གྱི་གཡུར་ཟའི་འབྲས་བུ་སྒོ་ཀུན་ནས་མངོན་ཏེ། ལེ་ཚན་གྱི་རྒྱུ་སྤུས་མཐོར་འདེགས་སུ་གཏོང་བ་དང་། བོད་སྐད་རྒྱང་སྒྲོག་བརྙན་འཕྲིན་གྱི་བྱ་བཞག་གོང་འཕེལ་ཡོང་བར་དགེ་མཚན་གྱི་ནུས་པ་བཏོན།


བྱ་དགའ་གནང་བ།

     ཐེངས་འདིའི་དཔྱད་འདེམས་བརྩམས་ཆོས་ལ་རྒྱང་སྒྲོག་བརྙན་འཕྲིན་གྱི་གསར་འགྱུར་རིགས་དང་རིག་རྩལ་རིགས། སྨྱན་བྱད་དྲ་རྒྱ་གསར་བའི་རིགས། ལས་གཉེར་དཔྱད་རྩོམ་རིགས། སྙན་སྒྲོན་མདོ་འཛིན་རིགས་སོགས་ཚན་ཁག6ཏུ་བགོས་ཏེ། རྒྱང་སྒྲོག་བརྙན་འཕྲིན་གྱི་ལེ་ཚན་རིགས16ལ་དཔྱད་འདེམས་བྱས། ཐེངས་འདིའི་དཔྱད་འདེམས་ཚོགས་འདུར་འགྲན་ཞུགས་བརྩམས་ཆོས168འབྱོར་བ་དང་། དེའི་ཁྲོད་རྒྱང་སྒྲོག་བརྩམས་ཆོས39དང་བརྙན་འཕྲིན་བརྩམས་ཆོས104ཡོད་ལ། དཔྱད་འདེམས་པ་སོ་སོས་ནན་ཏན་དང་གཟབ་ནན། དྲང་བཞག་བཅས་ཀྱི་ཆ་རྐྱེན་དང་གཏན་འབེབས་ལྟར་རྩ་དོན་ལྟར། བརྩམས་ཆོས་རེ་རེར་དཔྱད་ཞིབ་བྱས་པ་ཡིན་ལ། བྱ་དགའ་ཐོབ་ཚད70%དང་། འདོར་ཚད30%ཡི་བསྡུར་ཚད་ཀྱིས་རྒྱང་སྒྲོག་རིགས་ཀྱི་བརྩམས་ཆོས32དང་བརྙན་འཕྲིན་རིགས་ཀྱི་བརྩམས་ཆོས78། བརྙན་གཟུགས་དྲ་རྒྱ་གསར་བའི་རིགས་ཀྱི་བརྩམས་ཆོས་5ལ་བྱ་དགའ་ཐོབ།མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རྒྱང་སྒྲོག་ཀྱི《གེ་སར་རྒྱལ་བོའི་སྒྲུང》སོགས་བརྩམས་ཆོས་21ལ་བྱ་དགའ་ཨང་དང་པོ་ཐོབ་དང་ཨ་མདོ་བརྙན་འཕྲིན་ཁང་གི《ང་ཡི་སྦྲ་ནག》སོགས་བརྩམས་ཆོས32ལ་བྱ་དགའ་ཨང་གཉིས་པ་ཐོབ།  རྫ་སྟོད་རྫོང་རྒྱང་སྒྲོག་བརྙན་འཕྲིན་ཁང་གི《ཡུལ་ཤུལ་ཁུལ་གྱི་གཟུགས་འདས་ཤུལ་བཞག་རིག་གནས་གཟའ་འཁོར་བྱ་འགུལ་སྐབས་དང་པོ》སོགས་བརྩམས་ཆོས57ལ་བྱ་དགའ་ཨང་གསུམ་པ་ཐོབ།  མཚོ་བྱང་བརྙན་འཕྲིན་ཁང་གི《མཚོ་སྔོན་པོ་ས་ཁུལ་གྱི་དགོ་བའི་གྲངས་ཀ1464ལ་འཕར་བ》སོགས་བརྩམས་ཆོས་5ལ་ཕུལ་བྱུང་བྱ་དགའ་ཐོབ།


བྱ་དགའ་གནང་བ།

     ཚོགས་འདུས་བསྟན་དོན།  ཐེངས་འདིའི་དཔྱད་འདེམས་ཚོགས་འདུ་ནི་རྩ་འཛུགས་དམ་ཞིང་སྒྲིག་གཞི་ཚགས་དམ་པ་དང་སྒྲིག་སྲོལ་ཁ་གསལ་བས་དྲང་བདེན་དང་སྤྱི་གསལ། དྲང་བཞག་གི་རྩ་དོན་གཞིར་བཟུང་ཡོད་པ་ཞིག་ཡིན་པ་མ་ཟད། ཞིང་ཆེན་ཡོངས་ནས་ཁུལ་རིམ་པ་དང་ལྷག་ཏུ་རྫོང་རིམ་པའི་བོད་སྐད་རྒྱང་སྒྲོག་བརྙན་འཕྲིན་གྱི་ལས་ཁུངས་ཞུགས་པ་ཆེས་མང་ཞིང་། དཔྱད་འདེམས་འཐུས་མི་ཆེས་མང་པ། རྒྱང་སྒྲོག་བརྙན་འཕྲིན་དང་སྨྱན་བྱད་གསར་བའི་བརྩམས་ཆོས་ཆེས་མང་པའི་རྒྱས་འཛོམས་ཐེངས་ཤིག་ཡིན། རྗེས་ཕྱོགས་མུ་མཐུད་དུ་མཉམ་འབྲེལ་དང་བརྗེ་རེས་ལ་ཤུགས་སྣོན་བྱས་ཏེ།ལེགས་ཆ་ཕན་ཚུན་ཁ་གསབ་བྱས་ཏེ་ཞིང་ཆེན་ཡོངས་ཀྱི་རྒྱང་སྒྲོག་བརྙན་འཕྲིན་ལེ་ཚན་གྱི་ཆུ་ཚད་ཇེ་མཐོར་གཏོང་དགོས་པ་བསྟན།


མཉམ་པར།

     ཚོགས་ཞུགས་པའི་འཐུས་མི་རྣམས་ཀྱིས་མཚོ་ནུབ་རྒྱང་སྒྲོག་བརྙན་འཕྲིན་ཁང་གིས་བསྒྲུབས་པའི་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་ཕུལ་བྱུང་བརྩམས་ཆོས་དཔྱད་འདེམས་ཚོགས་འདུ་ལ་གདེང་འཇོག་ཚད་མཐོན་པོ་བྱས་པ་མ་ཟད། མཚོ་ནུབ་ཁུལ་ཨུའི་དྲིལ་སྒྲོག་པུའུ་དང་མཚོ་ནུབ་རྒྱང་སྒྲོག་བརྙན་འཕྲིན་ཁང་ལ་སྙིང་ཐག་པ་ནས་བཀའ་དྲིན་ཞུས།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...