སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བདེ་ཆེན་ཁུལ་དབུ་བརྙེས་ནས་ལོ་ངོ60འཁོར་བའི་དགའ་སྟོན་ཚོགས་ཆེན་བསྡུས།
རྩོམ་པ་པོ། བདེ་ཆེན་བོད་ཡིག་སྨྱན་བྱད། རྩོམ་སྒྲིག་པ། Lhamo དུས་ཚོད། 2017-9-14 9:32:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

     སྤྱི་ཟླ9བའི་ཚེས13ཉིན་གྱི་སྔ་དྲོའི་ཆུ་ཚོད9:30སྟེང་། བདེ་ཆེན་བོད་རིགས་རང་སྐྱོང་ཁུལ་དབུ་བརྙེས་ནས་ལོ་ངོ60འཁོར་བའི་རྟེན་འབྲེལ་མཛད་སྒོ་དེ་སེམས་ཀྱི་ཉི་ཟླ་གྲོང་ཁྱེར་གྱི་མི་རིགས་ལུས་རྩལ་ཁང་ནས་གཟབ་རྒྱས་ངང་བསྡུས་པ་རེད། རྒྱ་ཆེའི་རིགས་སོ་སོའི་མང་ཚོགས་ཀྱིས་ལུས་ལ་འཕྱོ་སྒེག་གི་གཟབ་ཆས་སྤྲས་ཤིང་གདོང་ལ་དགའ་སྤྲོའི་འཛུམ་མདངས་འཁོལ་བཞིན་ལྷག་བསམ་གཙང་མའི་སྒོ་ནས་བཀྲ་ཤིས་པའི་སྐྱེས་སྐར་གྱི་ཉིན་མོ་འདི་ལ་བསུ་མ་རྒྱ་ཆེན་པོ་བྱས་ཡོད།

     ལོ་ངོ60ལྷག་གི་རིང་ལ་ཏང་གི་མི་རིགས་སྲིད་ཇུས་ཀྱི་བྱམས་བརྩེའི་དྲོད་སྣང་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་ཐུགས་འཁུར་ཟབ་མོ། ཀྲུང་གུང་ཡུན་ནན་ཞིང་ཆེན་ཏང་ཨུ་དང་ཞིང་ཆེན་མི་དམངས་སྲིད་གཞུང་གི་ཐུགས་ཁུར་དང་རྒྱབ་སྐྱོར། གཞན་ཡང་སྤྱི་ཚོགས་ལས་རིགས་ཁག་སོ་སོའི་རྒྱབ་སྐྱོར་མི་དམན་པ་བྱས་འོག ཀྲུང་གུང་བདེ་ཆེན་ཁུལ་ཏང་ཨུ་དང་ཁུལ་མི་དམངས་སྲིད་གཞུང་གིས་ཁུལ་ཡོངས་ཀྱི་རིགས་སོ་སོའི་མང་ཚོགས་རྣམས་ལ་སྣེ་ཁྲིད་བྱས་ཏེ་འབད་བརྩོན་ལྷོད་མེད་དང་། བསམ་བློ་བཅིངས་འགྲོལ་བྱས་ནས་བདེ་ཆེན་ཁུལ་གྱི་དཔལ་འབྱོར་མཆོང་བརྒལ་འཕེལ་རྒྱས་དང་། མི་རིགས་མཐུན་སྒྲིལ་ཡར་ཐོན། སྐྱེ་ཁམས་ཁོར་ཡུག་ལེགས་བསྒྱུར། སྤྱི་ཚོགས་འཆམ་མཐུན་བརྟན་རླིང་། མི་དམངས་བདེ་སྡོད་ལས་བརྩོན་བཅས་ཀྱི་གནས་བབ་ཡག་པོ་མངོན་འགྱུར་བྱུང་བ་མ་ཟད། བདེ་ཆེན་བོད་ཁུལ་བཅོས་བསྒྱུར་དང་། འཕེལ་རྒྱས། བརྟན་རླིང་བཅས་ཀྱི་སྒོ་མོ་ལེགས་པོར་ཕྱེས་ཡོད།
     ལོ་ངོ60་རིང་ལ་ཏང་གི་མི་རིགས་སྲིད་ཇུས་ཀྱི་འོད་སྣང་དང་སྤྱི་ཚོགས་ལས་རིགས་ཁག་ཡོངས་ཀྱི་རྒྱབ་སྐྱོར་འོག  བཀྲ་ཤིས་ཤིང་གཡང་འཁོར་བའི་བདེ་ཆེན་གྱི་ཡུལ་གྲུ་འདི་ལ་གནམ་ས་བླ་འོག་བསྒྱུར་བ་ལྟ་བུའི་འཕོ་འགྱུར་བྱུང་ཡོད།  བདེ་ཆེན་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར་དྲུག་ཅུ་ལོན་པའི་དགའ་སྤྲོའི་ཉིན་མོ་ལ་བདེ་ཆེན་མི་དམངས་ཀྱིས་ཀྲུང་གོ་གུང་ཁྲན་ཏང་བཟང་བ་དང་།རླབས་ཆེན་གྱི་མེས་རྒྱལ་བཟང་བ། སྤྱི་ཚོགས་རིང་ལུགས་བཟང་བ། བཅོས་སྒྱུར་སྒོ་འབྱེད་བཟང་བ། མི་རིགས་མངའ་ཁོངས་རང་སྐྱོང་ལམ་ལུགས་བཟང་བ་བཅས་ལ་བསྟོད་བསྔགས་བྱས་ཡོད་ཅིང་། བདེ་ཆེན་གྱི་རིགས་སོ་སོའི་མང་ཚོགས་ཀྱིས་ཏང་གི་སྐད་ཆར་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲངས་པ། སྲོག་ཤིང་ལ་སྲུང་སྐྱོང་དང་སེམས་པ་པེ་ཅིན་ལ་ཕྱོགས་པའི་བསམ་པའི་ཉམས་འགྱུར་བསྟན་ནས་ཕུལ་དུ་བྱུང་བའི་གྲུབ་འབྲས་ཀྱིས་ཏང་གི་ཚོགས་ཆེན་ཐེངས་བཅུ་དགུ་བ་རྒྱལ་ཁའི་ངང་འཚོགས་པར་རེ་བ་དང་ཡིད་ཆེས་བྱེད་ཀྱི་ཡོད།

     ང་ཚོས་ལྷག་བསམ་རྣམ་དག་གིས་བདེ་ཆེན་འདི་ཉིད་བདེ་སྡོད་ལས་བརྩོན་དང་འགན་ལེན་ནུས་ལྡན། ཁྱིམ་གཞི་མཛེས་ཤིང་སྡུག་པ། མི་རིགས་མཐུན་སྒྲིལ་ཡོང་བ། དཔལ་ཡོན་དང་འཆམ་མཐུན་ལྡན་པའི་བོད་ཁུལ་གསར་བ་ཞིག་ཏུ་འགྱུར་བའི་སྨོན་འདུན་ཞུ་རྒྱུ་ཡིན་པ་མ་ཟད། བདེ་ཆེན་གྱི་མ་འོངས་པ་སྔར་ལས་མཛེས་སྡུག་ལྡན་ཞིང་། རིགས་སོ་སོའི་མང་ཚོགས་བདེ་སྐྱིད་ཁམས་བཟང་ཡོང་བའི་བཀྲ་ཤིས་སྨོན་འདུན་ཞུ།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...