སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
《སྣང་ས་འོད་འབུམ་》འཁྲབ་སྟོན་ཡན་ལག་རུ་ཁག་ལྷོ་ཁ་དང་གཞིས་ཀ་རྩེ་གྲོང་ཁྱེར་གཉིས་སུ་འཁྲབ་སྟོན་དུ་བསྐྱོད།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2017-11-14 9:45:00 རྩོམ་ཁུངས། མི་དམངས་དྲ་བ། ཀློག་གྲངས།


《སྣང་ས་འོད་འབུམ་》འཁྲབ་སྟོན་ཡན་ལག་རུ་ཁག་ལྷོ་ཁ་དང་གཞིས་ཀ་རྩེ་གྲོང་ཁྱེར་གཉིས་སུ་འཁྲབ་སྟོན་བྱེད་པར་བསྐྱོད་པ།


《སྣང་ས་འོད་འབུམ་》འཁྲབ་སྟོན་ཡན་ལག་རུ་ཁག་ལྷོ་ཁ་དང་གཞིས་ཀ་རྩེ་གྲོང་ཁྱེར་གཉིས་སུ་འཁྲབ་སྟོན་བྱེད་པར་བསྐྱོད་པ།

     ཉེ་སྔོན། བོད་རང་སྐྱོང་ལྗོངས་ཀྱི་བོད་ཀྱི་ལྷ་མོའི་ཚོགས་པའི་ཚོགས་གཙོ་དཔལ་ལྡན་དབང་ཕྱུག་གིས་འཁྲབ་སྟོན་ལས་བྱེད་མི་སྣ་ཁྱོན་བསྡོམས78ལས་གྲུབ་པའི་འཁྲབ་སྟོན་ཡན་ལག་རུ་ཁག་སྣེ་ཁྲིད་དེ་ལྷོ་ཁ་དང་གཞིས་ཀ་རྩེ་གྲོང་ཁྱེར་གཉིས་སུ་བསྐྱོད་ནས《སྣང་ས་འོད་འབུམ》སྐོར་སྐྱོད་འཁྲབ་སྟོན་བྱས་པ་རེད།
     མིག་སྔའི་བར་དུ། འཁྲབ་སྟོན་རུ་ཁག་འདིས་གཞིས་ཀ་རྩེ་གྲོང་ཁྱེར་གྱི་ཟློས་གར་ཁང་ཆེན་མོ་དང་རྒྱལ་རྩེ། པ་སྣམ། རྣམ་གླིང་བཅས་སུ《སྣང་ས་འོད་འབུམ》གྱི་འཁྲབ་གཞུང་འཁྲབ་སྟོན་ཐེངས30བྱས་པ་རེད། དེའི་རྗེས་སུ་འཁྲབ་སྟོན་རུ་ཁག་ད་དུང་ལྷོ་ཁ་གྲོང་ཁྱེར་དང་སྣེ་གདོང་རྫོང་། ཟངས་རི་རྫོང་སོགས་ཀྱི་ས་གནས་སུ་སྐོར་སྐྱོད་འཁྲབ་སྟོན་བྱེད་པར་བསྐྱོད་རྒྱུ་རེད། ཤེས་རྟོགས་བྱུང་བར་གཞིགས་ན། ཐེངས་འདིའི་སྐོར་སྐྱོད་འཁྲབ་སྟོན་ལ་དུས་ཡུན་ཉིན20ཡིན་པ་དང་། གྲོང་ཁྱེར2དང་རྫོང6བརྒྱུད་ནས་ལམ་ཐག་ཧ་ལམ་སྤྱི་ལེ1000ལྷག་ཙམ་ཡོད་ཅིང་། ཁྱོན་བསྡོམས་འཁྲབ་སྟོན་ཐེངས50བྱ་རྒྱུ་རེད། དམིགས་ཡུལ་ནི་འཁྲབ་གཞུང་ནང་གི་མི་སྣ་གཙོ་བོ་སྣང་ས་འོད་འབུམ་གྱི་འཇིག་རྟེན་འཁོར་བ་ལས"བདེན་ལེགས་མཛེས་གསུམ་དར་སྤེལ་བྱས་ཏེ་རྫུན་བཙོག་ངན་གསུམ་དམའ་འབྱིན་གཙང་འབུད་བྱེད་པའི"གསར་རྩོམ་འདུ་ཤེས་བརྒྱུད་བསྒྲགས་བྱས་ནས་མང་ཚོགས་ལ་བོད་ཀྱི་ལྷ་མོའི་ཟློས་གར་གྱི་སྲོལ་རྒྱུན་སྒྱུ་རྩལ་གྱི་ཡིད་དབང་འཕྲོག་ཤུགས་མངོན་པ་དང་། བོད་རང་སྐྱོང་ལྗོངས་བོད་ཀྱི་ལྷ་མོའི་ཟློས་གར་ཚོགས་པའི་སྒྱུ་རྩལ་གྱི་གྲུབ་འབྲས་འགྲེམས་སྟོན་བྱས་ཏེ་མང་ཚོགས་ཀྱི་བསམ་པའི་རིག་གནས་ཀྱི་འཚོ་བ་ཕུན་སུམ་ཇེ་ཚོགས་སུ་གཏོང་བ་དང་། མང་ཚོགས་རྣམས་ཏང་གི་རྗེས་སུ་འབྲང་བའི་ཡིད་ཆེས་ཀྱི་བསམ་པ་ཇེ་བརྟན་དུ་གཏོང་བའི་ཆེད་དུ་རེད།
     གཞན་ཡང་། ལྷ་མོའི་ཟློས་གར་ཚོགས་པའི་གསར་རྩོམ་མི་སྣ་གཙོ་བོས་འཕྲལ་མར་དངོས་ཡོད་བརྗོད་གཞིའི་ལྷ་མོའི་ཟློས་གར《བོད་སྤོས་ཀྱི་བརྩེ་བ》ཞེས་པ་རྩོམ་སྒྲིག་ནང་སྦྱོང་བྱེད་འགོ་རྩོམ་རྒྱུ་ཡིན་ཞིང་། སྔོན་དཔག་བྱས་ན་ཟླ12པའི་ཚེས15ཉིན་གཟིགས་མོ་བ་རྣམས་ལ་འབུལ་རྒྱུ་རེད།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...