སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་སྔོན་པོ་དྲ་བས་བོད་རབ་རྒྱན་ས་ཕོ་ཁྱི་ལོའི་ལོ་སར་ལ་བཀྲ་ཤིས་བདེ་ལེགས་ཞུ།
རྩོམ་པ་པོ། ལྷ་མོ་ཚེ་སྐྱིད། རྩོམ་སྒྲིག་པ། Lhamo དུས་ཚོད། 2018-2-15 0:00:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
མཚོ་སྔོན་པོ་དྲ་བས་བོད་ས་ཕོ་ཁྱིའི་ལོ་ལ་ཕུལ་བའི་ཤིས་ཚིག
                                 གནམ་ལོ་གསར་བའི་དུས་བཟང་སླེབས་གྲབས་སུ། །
                                 བཀྲ་ཤིས་ལྷ་རྫས་དཀར་པོའི་ཚུལ་བཟུང་ནས། །
                                 རྟེན་འབྲེལ་ངང་གིས་འགྲིག་པའི་ཤིས་པ་ཞིག །
                                 འདི་རུ་དྲ་དམངས་ཡོངས་ལ་ཕུལ་ལེགས་སོ། །

                                 ཁ་བའི་ལྗོངས་ཀྱི་སྲིད་འབྱོར་རིག་གསུམ་བཅས། །
                                 སྒྱུ་འཕྲུལ་དྲ་བའི་སྲད་བུར་ལེགས་བརྒྱུས་ཏེ། །
                                 སྲིད་པ་གསུམ་ལ་སྐད་ཅིག་དུས་ཡུན་ནང་། །
                                 ཁྱབ་པར་བྱེད་པ་འདི་ཀོ་ཨེ་མ་རྨད། །

                                 ཚན་རྩལ་རིག་སྟོབས་འགྲན་པའི་དུས་རབས་སུ། །
                                 ཆ་འཕྲིན་དྲ་བས་འཛིན་མའི་ཁྱོན་ཡོངས་ལ། །
                                 མངའ་དབང་བསྒྱུར་ཞིང་ཕན་བདེ་བླ་ལྷག་བསྐྲུན། །
                                 དེའི་ཕྱིར་ལས་འདིས་དོན་ཀུན་འགྲུབ་གྱུར་ཅིག །

                                 སྣ་ཚོགས་ཤེས་བྱའི་བང་མཛོད་ཉེར་བསྐྲུན་ཏེ། །
                                 དོན་གཉེར་ཅན་ལ་མཁོ་དགུ་འདོན་པ་འདི། །
                                 འཛམ་གླིང་དཔལ་ཡོན་འཕེལ་བའི་ལས་ཡིན་པས། །
                                 ཡུན་རིང་གནས་ཤིང་ཁོ་ལག་རྒྱས་པར་ཤོག །

                                 སྲིད་ཞིའི་ལེགས་ཚོགས་མ་ལུས་གཅིག་བསྡུས་ཤིང་། །
                                 ལུགས་གཉིས་དོན་ཀུན་འགྲུབ་པར་བཀྲ་ཤིས་ཤོག །
                                 མཆོག་གསུམ་མཉེས་བའི་འཕྲིན་ལས་རབ་རྒྱས་ཏེ། །
                                 སྡེ་བཞི་ཕུན་ཚོགས་གཡོ་བའི་བཀྲ་ཤིས་ཤོག །

                                 འཛམ་གླིང་ཡུལ་གྲུ་ཆེ་ཆུང་མཐའ་དག་ཏུ། །
                                 འཁྲུག་རྩོད་མུ་གེ་ནད་ཡམས་ཀུན་ཞི་ཞིང་། །
                                 ཁྱད་པར་གངས་ཅན་བོད་ཀྱི་ཡུལ་ཁམས་འདིར། །
                                 འབྱོར་ཕྱུག་རྒྱས་ཤིང་ཤེས་རིག་དར་བར་ཤོག །

                                 ལས་ཀྱིས་འབྲེལ་བའི་དྲྭ་གྲོགས་ཐམས་ཅད་ཀྱི། །
                                 བདེ་སྐྱིད་ལྷ་དང་མཉམ་པའི་བཀྲ་ཤིས་ཤོག །
                                 ལོངས་སྤྱོད་ཀླུ་དང་མཚུངས་བའི་བཀྲ་ཤིས་ཤོག །
                                 ལུས་སེམས་བདེ་བར་ཡོང་བའི་བཀྲ་ཤིས་ཤོག །

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...