སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་ལྷོ་ཁུལ་གྱི་སྐབས་གསུམ་པའི་ཞིང་ཆེན་རིམ་པའི་གཟུགས་འདས་ཤུལ་བཞག་བོད་ཀྱི་བཙིར་འགྱིག་འགྲན་བསྡུར་སྤེལ།
རྩོམ་པ་པོ། ལྷ་མོ་ཚེ་སྐྱིད། རྩོམ་སྒྲིག་པ། Lhamo དུས་ཚོད། 2018-8-8 11:02:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

     སྤྱི་ཟླ8པའི་ཚེས1ནས་ཚེས3བར། མཚོ་ལྷོ་ཁུལ་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཅུས་གཙོ་སྒྲུབ་དང་མཚོ་ལྷོ་ཁུལ་མང་ཚོགས་སྒྱུ་རྩལ་ཁང་གིས་འགན་སྒྲུབ་གནང་བའི་མཚོ་ལྷོ་ས་ཁུལ་གྱི་སྐབས་གསུམ་པའི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་བོད་ཀྱི་བཙིར་འགྱིག་འགྲན་བསྡུར་དེ་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་དུ་སྤེལ་ཞིང་། ཁུལ་ཡོངས་ཀྱི་རྫོང་ལྔའི་འགྲན་ཞུགས་པ30ཐེངས་འདིའི་བཙིར་འགྱིག་འགྲན་བསྡུར་དུ་ཞུགས།

      བོད་ཀྱི་བཙིར་འགྱིག་ལ་ལོ་རྒྱུས་ཀྱི་དུས་ཡུན་རིང་ཞིང་ནང་དོན་ཕུན་སུམ་ཚོགས་པ་དང་། བོད་རིགས་ས་ཁུལ་དུ་ཁྱབ་རྒྱ་ཤིན་ཏུ་ཆེ་ལ། རྒྱ་ཆེ་བའི་ཞིང་འབྲོག་མི་དམངས་ཀྱི་དགའ་བསུ་ཆེན་པོ་ཐོབ་པ་ཡིན། གནའ་བོའི་རིག་གནས་སྒྱུ་རྩལ་འདི་སྔར་ལས་སྲུང་སྐྱོབ་དང་རྒྱུན་འཛིན་བྱ་ཆེད། མཚོ་ལྷོ་ཁུལ་མང་ཚོགས་སྒྱུ་རྩལ་ཁང་གིས་འགྲན་བསྡུར་སྤེལ་བའི་རྣམ་པར་བརྒྱུད། སྔར་ལས་ལྷག་པའི་སྒོ་ནས་མཚོ་ལྷོ་ས་ཁུལ་གྱི་ཁྱད་དུ་འཕགས་པའི་ས་ཁོངས་རིག་གནས་དང་མི་རིགས་ཀྱི་སྲོལ་རྒྱུན་རིག་གནས་དར་སྤེལ་དུ་བཏང་ཞིང་། དམངས་ཁྲོད་ཀྱི་ཕུལ་བྱུང་བཙིར་འགྱིག་སྒྱུ་རྩལ་བ་གསོ་སྐྱོང་བྱས།

     དུས་ཡུན་ཉིན་གཉིས་ཀྱི་ཛ་དྲག་གི་འགྲན་བསྡུར་བརྒྱུད། མང་རྫོང་གི་འགྱིག་བ་འབྲུག་འབུམ་རྒྱལ་ལ་བྱ་དགའ་ཨང་དང་པོ་དང་། ཁྲི་ཀ་རྫོང་གི་འགྱིག་བ་དོན་གྲུབ་དང་གསེར་ཆེན་རྫོང་གི་འགྱིག་བ་དབང་ཆེན་རྡོ་རྗེ་གཉིས་ལ་བྱ་དགའ་ཨང་གཉིས་པ། འབའ་རྫོང་གི་འགྱིག་བ་ཆོས་ལོ་དང་ཁྲི་ཀ་རྫོང་གི་འགྱིག་བ་འབུམ་འབྲུག་ཚེ་རིང་། མང་རྫོང་གི་འགྱིག་བ་བཀྲ་ཤིས་དོན་གྲུབ་བཅས་ལ་བྱ་དགའ་ཨང་གསུམ་པ་ཐོབ།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...