སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
རྒྱལ་ཡོངས་བོད་སྐད་རྒྱང་སྒྲོག་བརྙན་འཕྲིན་རིག་རྩལ་ལེ་ཚན་བརྗེ་རེས་དང་དཔྱད་བསྡུར་ཚོགས་འདུ་བསྡུས།
རྩོམ་པ་པོ། བྱམས་པ་བཀྲ་ཤིས། ལྕགས་ཐར་ཚེ་རིང་། རྩོམ་སྒྲིག་པ། Lhamo དུས་ཚོད། 2018-9-27 11:25:00 རྩོམ་ཁུངས། མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་དྲ་ལམ། ཀློག་གྲངས།


ཀྲུང་གོ་རྒྱང་སྒྲོག་གློག་བརྙན་འཕྲིན་སྤྱི་ཚོགས་རྩ་འཛུགས་མཉམ་འབྲེལ་ལྷན་ཚོགས་གྲངས་ཉུང་མི་རིགས་ལེ་ཚན་
བྱ་བའི་ཨུ་ཡོན་ལྷན་ཁང་གི་ཚོགས་གཙོ་གཞོན་པའམ་བོད་རང་སྐྱོང་ལྗོངས་གསར་འགྱུར་པར་སྐྲུན་རྒྱང་སྒྲོག་
གློག་བརྙན་འཕྲིན་ཅུའུ་ཡི་ཅུའུ་ཀྲང་འགྱུར་མེད་རྡོ་རྗེ་ཡིས་གཏམ་བཤད་གནང་བ།


ཚོགས་འདུའི་སྟེང་ཕེབས་པའི་འབྲེལ་ཡོད་འགོ་ཁྲིད།


ཚོགས་འདུར་ཞུགས་པའི་འབྲེལ་ཡོད་སྨྱན་བྱད་ལས་ཁུངས་ཀྱི་འགོ་ཁྲིད།

     སྤྱི་ཟླ9བའི་ཚེས27ཉིན། རྒྱལ་ཡོངས་བོད་སྐད་རྒྱང་སྒྲོག་བརྙན་འཕྲིན་རིག་རྩལ་ལེ་ཚན་བརྗེ་རེས་ཚོགས་འདུ་ཐེངས་སོ་བཞི་བ་དང་རྒྱལ་ཡོངས་བོད་སྐད་རྒྱང་སྒྲོག་བརྙན་འཕྲིན་ལེ་ཚན་དཔྱད་བསྡུར་ཚོགས་འདུ་སྐབས་བཅུ་དགུ་པ་བོད་རང་སྐྱོང་ལྗོངས་ལྷ་ས་གྲོང་ཁྱེར་དུ་བསྡུས་ཤིང་། འབྲེལ་ཡོད་མགོ་ཁྲིད་དང་སྨྱན་བྱད་སྡེ་ཁག27ནས་ཡོང་བའི་འཐུས་ཚབ་མི་སྣ60ལྷག་ཚོགས་འདུར་ཞུགས།
     ཐེངས་འདིའི་ཚོགས་འདུ་ནི2017ལོའི་ལེ་ཚན་དཔྱད་སྡུར་ཚོགས་འདུའི་དགོངས་དོན་ལྟར་ཀྲུང་གོ་རྒྱང་སྒྲོག་གློག་བརྙན་བརྙན་འཕྲིན་སྤྱི་ཚོགས་རྩ་འཛུགས་མཉམ་འབྲེལ་ལྷན་ཚོགས་གྲངས་ཉུང་མི་རིགས་ལེ་ཚན་བྱ་བའི་ཨུ་ཡོན་ལྷན་ཁང་སྐབས་བཞི་བའི་ལས་འཛིན་ཚོགས་པས་ཆོག་མཆན་ཐོབ་པ་ལྟར། ཀྲུང་གོ་རྒྱང་སྒྲོག་གློག་བརྙན་བརྙན་འཕྲིན་སྤྱི་ཚོགས་རྩ་འཛུགས་མཉམ་འབྲེལ་ལྷན་ཚོགས་གྲངས་ཉུང་མི་རིགས་ལེ་ཚན་བྱ་བའི་ཨུ་ཡོན་ལྷན་ཁང་སྐབས་བཞི་པའི་ལས་འཛིན་ཚོགས་པ་དང་། བོད་རང་སྐྱོང་ལྗོངས་གསར་འགྱུར་པར་སྐྲུན་རྒྱང་སྒྲོག་གློག་བརྙན་འཕྲིན་ཅུའུ་གཉིས་ཀྱིས་གཙོ་སྒྲུབ་བྱས་ཤིང་། བོད་ལྗོངས་མི་དམངས་ཀུན་ཁྱབ་རླུང་འཕྲིན་ལས་ཁུངས་དང་བོད་ལྗོངས་བརྙན་འཕྲིན་ཁང་གཉིས་ཀྱིས་འགན་སྒྲུབ་གནང་བའི་ཚོགས་འདུ་ཞིག་ཡིན།
     ཐེངས་འདིའི་ཚོགས་འདུ་ནི2017ལོའི་རྒྱལ་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་ལེ་ཚན་གྱི་སྒྲིག་གཞི་ལྟར། ཏང་དང་རྒྱལ་ཁབ་ཀྱི་སྲིད་ཇུས་ཁ་ཕྱོགས་དང་ས་གནས་སྲིད་གཞུང་གི་བྱ་བ་དཀྱིལ་སྙིང་དུ་བཟུང་ནས། བོད་སྐད་སྨྱན་བྱད་ལས་ཁུངས་སོ་སོས་གསར་རྩོམ་དང་རྩོམ་སྒྲིག་ཆུ་ཚད་དང་སྒྱུར་སྐྲུན་ནུས་པ། ཕྱོགས་བསྡུས་སྤུས་ཚད་སོགས་མཚོན་ཐུབ་པར་མ་ཟད། སྨྱན་བྱད་འདྲེས་སྦྱོར་འཕེལ་རྒྱས་ལ་སྐུལ་འདེད་ནུས་པ་ཐོན་པའི་ཚབ་མཚོན་ཅན་གྱི་བརྩམས་ཆོས་འགྲན་སྡུར་ཞིག་ཡིན་ལ། ཐེངས་འདིར་བསྡོམས་པས་བརྩམས་ཆོས400ཙམ་འབྱོར་བའི་ཁྲོད། ཟབ་ཚད་དང་གཏིང་ཚད་མངའ་བའི་དཔེ་མཚོན་ཅན་གྱི་རྒྱང་སྒྲོག་བརྙན་འཕྲིན་ལེ་ཚན་བརྩམས་ཆོས་དང་། གྲངས་ཉུང་མི་རིགས་ཀྱི་རྒྱང་སྒྲོག་བརྙན་འཕྲིན་དང་སྨྱན་བྱད་གསར་བར་སྐུལ་འདེད་ནུས་པ་ཐོན་ཐུབ་པའི་བརྩམས་ཆོས་གདམས་ནས་བྱ་དགའ་གནང་རྒྱུ་རེད།
     དཔྱད་སྡུར་བྱ་བའི་ཁྲོད་ནས་གསར་འགྱུར་བརྩམས་ཆོས་དང་། རིག་རྩལ་བརྩམས་ཆོས། དཔྱད་རྩོམ་སོགས་ལ་ནན་དཔྱད་བྱས་ནས།བརྩམས་ཆོས་ལེགས་པོ་ཐོན་པར་བཅུག་ཏེ།རྒྱལ་ཡོངས་བོད་སྐད་རྒྱང་སྒྲོག་བརྙན་འཕྲིན་དང་སྨྱན་བྱད་གསར་བས་དུས་ལྟར་ཏང་གི་སྲིད་ཇུས་ལམ་ཕྱོགས་བརྒྱུད་སྒྲོག་དང་། གཞི་རིམ་མང་ཚོགས་ལ་ཁ་གཏད་ནས་ཚན་རིག་ཤེས་བྱ་བརྒྱུད་སྒྲོག དུས་རབས་གསར་བའི་ཏང་དང་རྒྱལ་ཁབ་ཀྱིས་རྒྱང་སྒྲོག་བརྙན་འཕྲིན་དང་སྨྱན་བྱད་གསར་བར་བཏོན་པའི་འགན་ཁུར་ཡོངས་འགྲུབ་བྱ་བར་ཡར་སྐུལ་ནུས་པ་ཐོན་ངེས།
     ཐེངས་འདིའི་བྱ་འགུལ་བརྒྱུད། སྨྱན་བྱད་སྡེ་ཁག་སོ་སོའི་དབར་ཕན་ཚུན་ལས་གཞི་མཉམ་ལས་དང་། འབྲེལ་འདྲིས། མཐུན་སྦྱོར། སློབ་སྦྱོང་སོགས་ལ་སྐུལ་འདེད་གཏོང་ངེས་པར་མ་ཟད། དེ་དང་མཉམ་དུ། རྣམ་པ་མི་འདྲ་བའི་གཞན་ཡུལ་བཅར་འདྲི་སོགས་ལེགས་ཆ་ལྷུར་ལེན་བྱས་ནས། མཉམ་འབྲེལ་སྒོས་བོད་སྐད་རྒྱང་སྒྲོག་བརྙན་འཕྲིན་དང་སྨྱན་བྱད་གསར་བའི་ལེ་ཚན་མཐོར་འདེགས་གཏོང་བར་རྨང་གཞི་བརྟན་པོ་འདིང་ངེས།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...