སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
2019ལོའི་རྒྱལ་ཡོངས་ཀྱི་སྐོར་བྲོ་འགྲན་སྡུར་ཟི་ལིང་ནས་བསྡུས་པ།
རྩོམ་པ་པོ། ལྷ་ཆེན་རྒྱལ། རྩོམ་སྒྲིག་པ། Lhamo དུས་ཚོད། 2019-8-13 8:36:00 རྩོམ་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ། ཀློག་གྲངས།
     སྤྱི་ཟླ8པའི་ཚེས11ཉིན། 2019ལོའི་རྒྱལ་ཡོངས་ཀྱི་སྐོར་བྲོ་འགྲན་སྡུར་ཟི་ལིང་ནས་བསྡུས་ཤིང་། རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས་སོ་སོ་ནས་ཡོང་བའི་རུ་ཁག20ལྷག་དང་འགྲན་ཞུགས་པ500ལྷག་ཐེངས་འདིའི་འགྲན་སྡུར་ཁྲོད་ཞུགས་པ་རེད།
     རྒྱུས་ལོན་པ་ལྟར་ན། ཐེངས་འདིའི་འགྲན་སྡུར་མཚོ་སྔོན་ཞིང་ཆེན་ལུས་རྩལ་ཅུའུ་ཡིས་གཙོ་སྒྲུབ་མཛད་ཅིང་། མཚོ་སྔོན་ཞིང་ཆེན་སྤྱི་ཚོགས་ལུས་རྩལ་མཛུབ་སྟོན་ལྟེ་གནས། མཚོ་སྔོན་དགེ་ཐོན་སློབ་ཆེན་ལུས་རྩལ་སློབ་གླིང་། མཚོ་སྔོན་ཞིང་ཆེན་དམངས་ཡོངས་ལུས་སྦྱོང་ཞབས་བྲོ་མཐུན་ཚོགས་ཀྱིས་རོགས་སྒྲུབ་མཛད། སྐོར་བྲོ་འགྲན་སྡུར་གྱིས“ལྷད་མེད། མི་ཆོས། བདེ་ཐང་། འཆམ་མཐུན ”བཅས་བརྗོད་གཞིར་བཟུང་སྟེ། མི་རིགས་ཀྱི་ཕུལ་བྱུང་རིག་གནས་སྔར་ལས་དར་སྤེལ་དང་། ལུས་རྩལ་དང་རིག་གནས་ཡུལ་སྐོར་ཉོ་ཚོང་སོགས་ཀྱི་མཉམ་འདྲེས་འཕེལ་རྒྱས་ལམ་བུ་ཧུར་བསྐྱེད་སྒོས་འཚོལ་ཞིབ་བྱེད་པ་དམིགས་འབེན་དུ་བཟུང་ནས། རྒྱལ་ཁབ་རིམ་པའི་གཟུགས་འདས་སྐོར་བྲོའི་དེང་རབས་རྒྱུན་འཛིན་དང་གསར་གཏོད་འཕེལ་རྒྱས་ལ་སྐུལ་འདེད་བྱས། འགྲན་སྡུར་སྔོན་ལ་སྐོར་བྲོའི་གསོ་སྦྱོང་འཛིན་གྲྭ་དང་སྐོར་བྲོའི་གླེང་སྟེགས་ཡང་བསྡུས་པ་རེད།
     ཉེ་བའི་ལོ་འདི་འགར། མི་རིགས་ཀྱི་རིག་གནས་རྒྱུན་འཛིན་དར་སྤེལ་བྱས་པ་དང་བསྟུན། སྐོར་བྲོ་ནི་བོད་ཀྱི་རིག་གནས་ཀྱི་མཚོན་བྱེད་ཅིག་ཡིན་པའི་ཆ་ནས། སྐོར་བྲོའི་རིག་གནས་རྒྱལ་ཡོངས་ཀྱི་ས་ཁུལ་སོ་སོ་ནས་འཕེལ་རྒྱས་སུ་འགྲོ་བཞིན་ཡོད་པས། རྒྱ་ཆེའི་མང་ཚོགས་ཀྱི་ལུས་པོའི་བདེ་ཐང་ཚད་ཇེ་མཐོར་སོང་བ་མ་ཟད་བསམ་པའི་རིག་གནས་འཚོ་བ་ཡང་ཕུན་སུམ་ཇེ་ཚོགས་བཏང་བ་རེད། ཐེངས་འདིའི་སྐོར་བྲོའི་འགྲན་སྡུར་བདེ་བླག་ངང་སྤེལ་བ་དེས། རབ་མཛེས་མཚོ་སྔོན་གྱི་རང་བྱུང་མཛེས་ལྗོངས་དང་སྐྱེ་ཁམས་ཁོར་ཡུག་སྲུང་སྐྱོབ་ཀྱི་འདུ་ཤེས་འདོན་སྤེལ་བྱས་ཏེ། མཚོ་སྔོན་གྱི་ཐུན་མོང་མ་ཡིན་པའི་མཛེས་ལྗོངས་དང་ཡུན་རིང་བའི་ལོ་རྒྱུས། སྣ་མང་རིག་གནས། དཔལ་འབྱོར་འཕེལ་རྒྱས། སྤྱི་ཚོགས་འཆམ་མཐུན། མི་རིགས་མཐུན་སྒྲིལ་གྱི་སྣང་བརྙན་དང་རིགས་སོ་སོའི་མི་དམངས་ཀྱི་རང་སྟོབས་རང་སྤེལ་གྱི་བསམ་པའི་སྣང་བརྙན་མཚོན་པར་བྱེད་པ། རང་ཞིང་གི་དམངས་ཡོངས་ཀྱི་ལུས་སྦྱོང་དང་བདེ་ཐང་འཚོ་བའི་འདུ་ཤེས་མངོན་པར་བསྟན་པ་རེད།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...