སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
རྒྱུན་འཛིན་པ་ནམ་མཁའ་ཡིས་སྲོལ་རྒྱུན་གྱི་བོད་སྤོས་ལག་ཤེས་བཟོ་རྩལ་རྒྱུན་འཛིན་བྱས།
རྩོམ་པ་པོ། པད་མ་རྒྱལ་གྱིས་བསྒྱུར། རྩོམ་སྒྲིག་པ། Lhamo དུས་ཚོད། 2019-10-31 10:07:00 རྩོམ་ཁུངས། ཀྲུང་གོའི་བོད་ལྗོངས་དྲ་བ། ཀློག་གྲངས།

མཚོ་སྔོན་ཡུལ་ཤུལ་གྱི་གཟུགས་འདས་ཤུལ་བཞག་རིག་གནས་རྒྱུན་འཛིན་པ་ནམ་མཁའ་ཡིས་སྲོལ་རྒྱུན་གྱི་བོད་སྤོས་ལག་ཤེས་བཟོ་རྩལ་རྒྱུན་འཛིན་བྱས་པ།
      ཉེ་ཆར། པེ་ཅིང་རྒྱལ་སྤྱིའི་ཡུལ་སྐོར་ཚོང་ཟོག་དང་ཡུལ་སྐོར་སྒྲིག་ཆས་དངོས་མང་སྟོན་ཚོགས་སྐབས་བརྒྱད་པའི་སྟེང་།  མཚོ་སྔོན་ཡུལ་ཤུལ་བོད་རིགས་རང་སྐྱོང་ཁུལ་ནས་ཡོང་བའི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་གི་མཚོན་བྱེད་རང་བཞིན་གྱི་རྣམ་གྲངས་ཏེ་བུ་རམ་ཤིང་པའི་སྲོལ་རྒྱུན་བོད་སྤོས་ཀྱི་ཐོན་རྫས་རབ་དང་རིམ་པ་ལས་ཡུལ་ཤུལ་གྱི་ཡུལ་སྐོར་བོད་སྤོས་དང་། བོད་སྤོས་ཁུག་མ། ཡུལ་སྐོར་དྲི་ཞིམ་བཅས་ལ་ཕུལ་བྱུང་ཡུལ་སྐོར་ཚོང་ཟོག་གི་བྱ་དགའ་འཐོབ་པ་རེད། 
      བོད་སྤོས་ནི་བོད་རིགས་མི་དམངས་ཀྱིས་གནའ་ནས་ད་ལྟའི་བར་རྒྱུན་འཛིན་བྱས་པའི་རིག་གནས་ཀྱི་གཞི་རྟེན་ཞིག་ཡིན་ཞིང་། 2008ལོར་བོད་སྤོས་ཀྱི་ལག་ཤེས་བཟོ་རྩལ་དེ་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་གི་མཚོན་བྱེད་རང་བཞིན་གྱི་རྣམ་གྲངས་མིང་གཞུང་ནང་བཅུག་ཡོད། ད་ལོ་དགུང་ལོ55ལ་སླེབས་པའི་ནམ་མཁའ་ནི་ཡུལ་ཤུལ་ཁུལ་བུ་རམ་ཤིང་པའི་སྲོལ་རྒྱུན་བོད་སྤོས་ཀྱི་རྒྱུན་འཛིན་བྱེད་མཁན་ཡིན་ལ། ཡུལ་ཤུལ་ཁུལ་གྱི་གཟུགས་འདས་ཤུལ་བཞག་རིག་གནས་གི་རྒྱུན་འཛིན་པའང་ཡིན། ནམ་མཁས་ངོ་སྤྲོད་བྱས་པར་ལྟར་ན། ཁོ་མོས་བཟོས་པའི་བོད་སྤོས་ལ་རྩྭ་སྨན་སྣ་ཁ་72ཡོད་ཅིང་། སྨན་རྒྱུ་རྩ་ཆེན་གྱི་གྲས་སུ་གཙོ་བོ་གུར་གུམ་དང་། བོད་ཇག ལི་ཤུ། ཙན་དན། ཏང་ཀུང་། གླ་རྩི། མེ་ཏོག་གངས་ལྷ། ཨ་གར་སོགས་ཡོད་པས་ཚང་མས་དགའ་པོ་བྱེད་ཀྱི་ཡོད། 
      སྔར་ལས་ལྷག་པའི་སྒོ་ནས་བོད་སྤོས་རྒྱུན་འཛིན་བྱ་ཆེད། 2016ལོའི་ཟླ4པར། ནམ་མཁའ་ཡིས་ཡུལ་ཤུལ་གྲོང་ཁྱེར་སྐྱེ་རྒུ་མདོ་གྲོང་རྡལ་དུ་ཡུལ་ཤུལ་ཁུལ་བུ་རམ་ཤིང་པའི་སྲོལ་རྒྱུན་བོད་སྤོས་ཚད་ཡོད་ཀུང་སི་བཙུགས་ཤིང་། མིག་སྔར་ལས་མི་15དང་། ལག་རྩལ་མི་སྣ5 དབང་པོ་སྐྱོན་ཅན1བཅས་ཡོད་པ་དེ་དག་ཕལ་ཆེ་བ་ས་གནས་དེ་གའི་སྐྱེས་མ་ཡིན་པས། དེས་བོད་སྤོས་རྒྱུན་འཛིན་གྱི་གནད་དོན་ཐག་གཅོད་བྱས་ཡོད་པར་མ་ཟད། ས་གནས་དེ་གའི་མང་ཚོགས་ལ་ལས་ཞུགས་ཀྱི་སྟེགས་བུ་ཞིག་ཀྱང་མཁོ་འདོན་བྱས་ཡོད་པ་རེད། 
      སྤྱི་ཚོགས་འཕེལ་རྒྱས་སུ་སོང་བ་དང་དེང་རབས་ཅན་གྱི་འཕྲུལ་ཆས་བེད་སྤྱོད་བྱས་པ་དང་བསྟུན་ནས། ད་ཆ་ཁེ་ལས་མང་པོ་ཞིག་གིས་འཕྲུལ་འཁོར་ལ་བརྟེན་ནས་བོད་སྤོས་བཟོ་བཞིན་ཡོད་མོད། འོན་ཀྱང་ནམ་མཁས་སྲོལ་རྒྱུན་གྱི་ལག་ཤེས་བཟོ་རྩལ་ལ་བརྟེན་ནས་བོད་སྤོས་བཟོ་བ་དང་།  ཁོ་མོས་བོད་སྤོས་བཟོ་བའི་བརྒྱུད་རིམ་ནང་གནའ་མིས་བཞག་པའི་བཟོ་སྟངས་ཐོག་མཐའ་བར་གསུམ་དུ་རང་སོར་བཞག་ཡོད། ཁོ་མོས་བོད་སྤོས་བཟོ་བའི་བརྒྱུད་རིམ་ནི་རིག་གནས་རྒྱུན་འཛིན་དང་མི་རིགས་ཤིག་ལ་བཟུང་བའི་ཁས་ལེན་ཡིན་ཞིང་། བོད་ཀྱི་རིག་གནས་རྒྱུན་འཛིན་བྱེད་སྟངས་ཤིག་ཀྱང་ཡིན་པའི་ངོས་འཛིན་བྱེད་ཀྱི་ཡོད། 
      བོད་སྤོས་ཀྱི་ཐོན་སྐྱེད་དོ་དམ་སྔར་བས་ཚད་ལྡན་དུ་གཏོང་ཆེད། ནམ་མཁས་ཀུང་སིའི་ལས་མིའ་སྣེ་ཁྲིད་དེ་བོད་སྤོས་ཐོན་སྐྱེད་ཀྱི་ཁེ་ལས་ཧུར་ཐག་སྒོས་ཚད་ལྡན་ཅན་གྱི་ཐོན་སྐྱེད་བྱེད་སྟངས་ནང་ཞུགས་ནས། བོད་སྤོས་ཁེ་ལས་ཀྱི་སྤུས་རྟགས་ཀྱི་གནས་བབ་གཏོད་རྒྱུར་སྐུལ་འདེད་བཏང་བ་དང་། ཁྲོམ་ར་ཟམ་མི་ཆད་པར་རྒྱ་ཆེར་བཏང་ནས་ཐོན་རྫས་ལ་ས་གནས་དེ་གའི་འཛད་སྤྱོད་པའི་ཁས་ལེན་དང་གདེང་འཇོག་བཟང་པོ་ཐོབ་ཡོད། ཁོ་མོས“ང་རང་ལོ་ན་འདི་འདྲ་ཆེན་པོ་ཞིག་ཡིན་པས། གཞོན་ནུ་ཁག་གཅིག་དང་མཉམ་དུ་ལས་གཏོད་བྱས་ཏེ། ཁེ་ལས་རྒྱ་ཆེན་པོ་ཞིག་བཟོ་འདོད་པ་མ་ཡིན་པར། སྲོལ་རྒྱུན་གྱི་ལག་ཤེས་བཟོ་རྩལ་རྒྱུན་འཛིན་བྱས་ནས་མི་དེ་བས་མང་པོར་ལྷད་མེད་ཀྱི་བོད་སྤོས་ཉོ་ཐུབ་པར་འཇུག་འདོད་པ་ཡིན”ཞེས་བཤད།
 

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...