སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བསང་ཆུ་རྫོང་དམེ་ཤིས་ཡུལ་ཚོའི་དམེ་རྒྱ་སྡེ་བར་འབྲེལ་བའི་བྲག་སོག་པོའི་རི་ཁྲོད།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-8-31 10:04:00 རྩོམ་ཁུངས། དགེ་ལུགས་པའི་དྲ་བ། ཀློག་གྲངས།

     བྲག་སོག་པོ་ཞེས་པའི་གནས་རྙིང་འདི་རི་ཁྲོད་འདི་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་དམེ་ཤིས་ཡུལ་ཚོའི་ཁོངས་གཏོགས་དམེ་རྒྱ་སྡེ་བའི་ཡས་ཀྱི་སྤྱི་ལེ་གཉིས་གསུམ་མཚམས་སུ་མཐོང་བ་དོན་དང་ལྡན་པར་གདུལ་བྱའི་བསོད་ནམས་ཀྱི་ཞིང་དུ་ལྷུན་གྱིས་གྲུབ་པ་ལགས།  
     གནས་རྙིང་རི་ཁྲིད་འདི་ཧ་ལམ་རབ་བྱུང་བཅུ་གསུམ་པའི་ནང་ཙམ་དུ་ཕུག་སྡེ་དཀོན་མཆོག་རྒྱལ་མཚན་གྱིས་བཏབ། འཁོར་ལོ་བདེ་མཆོག་གི་རྣལ་འབྱོར་ལ་བརྩོན་མཁན་མཐའ་དག་གིས་སྒྲུབ་གནས་ཤིག་ཡིན་པ་མ་ཟད། གྲུབ་དབང་ཀིརྟི་རིན་པོ་ཆེ་གནས་འདིར་ཕེབས་ཏེ། མདོ་སྨད་བོད་ཆེན་རོང་ཁམས་ཡུལ་ལྗོངས་ཀྱི། ། གནས་འདིར་ལུས་ངག་ཡིད་ཀྱིས་དགེ་བའི་ལས། ། ཁྱེད་པར་གསང་སྔགས་ཟབ་མོའི་ཉམས་ལེན་ལ། ། འབད་ན་གནས་དུས་གཞན་ལས་འགྱུར་ཆེ་ཞིང་། །ཞེས་གསུངས་པའི་ཤིས་བརྗོད་ཀྱི་མེ་ཏོག་ཆར་དུ་ཕབ་ཅིང་། བྱིན་རླབས་ཀྱི་གཏེར་དུ་བསྒྲུབས། ཀུན་མཁྱེན་སྐུ་ཕྲེང་བཞི་བ་ཆེན་པོ་སྐལ་བཟང་ཐུབ་བརྟན་དབང་ཕྱུག་དཔལ་བཟང་བོ་མཆོག་ཡུ་ཡོས༡༩༠༣ལོར་གནས་འདིར་ཕེབས་གནང་མཛད་དེ་བདེ་མཆོག་རྐང་བརྒྱད་དང་། སྒྲོལ་མ། གནས་བདུན་ནས་ཞིང་ཤམྦྷ་ལའི་སྨོན་ལམ་གསུང་བཞིན་སྟེང་གི་ཨ་ཡིག་སོགས་ལ་གཟིགས་ཏེ། སྐུ་འབུམ་སོགས་ལ་བསྐོར་བ་ཕེབས་སྐབས་སུ་སྐྱེ་བོ་ཕོ་མོ་མང་བོས་མ་ཎི་དབྱངས་སུ་འཐེན་ཚུལ་སོགས་ཀུན་མཁྱེན་བཞི་བའི་རྣམ་ཐར་དུ་གསལ། གང་ལྟར་སྒྲུབ་གནས་ཁྱད་པས་ཅན་ཞིག་ཡིན་ཞིང་། སྒྲུབ་ཁང་རྟེན་དང་བརྟེན་པར༡༩༥༨ལོར་ཆག་འཇིག་བྱུང་། དེང་སྐབས་སྒྲུབ་ལ་གཞོལ་མཁན་འགའ་ཞིག་གནས་ཤུལ་དུ་བཞུགས་ལགས་སོ།།

ཀྲུང་གོའི་བོད་བརྒྱུད་ནང་དགོན་དཀར་ཆག་ལས་ཀན་སུའུ་གླེགས་བམ་ལས་བཤུས།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...