སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
རི་སྐྱེས་སྲོག་ཆགས་འཕྱི་བ་ངོ་སྤྲོད།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-9-30 11:46:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


འཕྱི་བ། 旱獭 Himalayan Marmot

གཟུགས་གཞིའི་ཁྱད་ཆོས།
     འཕྱི་བའི་གཟུགས་གཞིའི་རིང་ཚད་ལ་ལིས་སྨིས50ནས་ལིས་སྨིས60དང་། ལུས་ཀྱི་ལྗིད་ཚད་ལ་སྤྱི་རྒྱ5ནས་སྤྱི་རྒྱ9ཡོད། གཉའ་སྦོམ་ཞིང་རྣ་གཤོག་ཆུང་བ་དང་། སུག་བཞི་སྦོམ་ཞིང་སྡེར་མོ་རྣོ་བས། ས་བརྐོ་རྡོ་སློག་བྱེད་པར་ཤིན་ཏུ་མཁས། འཕྱི་བའི་རྔ་མ་ཐུང་ཞིང་། རྔ་མའི་རིང་ཚད་ལ་ལིས་སྨིས10ནས་ལིས་སྨིས12ཡོད། ལུས་རྒྱབ་དམར་སེར་ཡིན་ལ་གྲ་སྤུ་ནག་པོ་ཙམ་འདྲེས་འདུག གསུས་ངོས་སེར་སྐྱ་ཡིན་ལ། རྔ་མའི་སྣེ་མོ་ནག་སེར་ཡིན།
ཁྱབ་ཡུལ།
     མདོ་དབུས་མཐོ་སྒང་ཡོངས་ན་འཕྱི་བ་མཐོང་རྒྱུ་ཡོད།
འཚོ་བའི་གོམས་གཤིས་དང་འཚོ་གནས་ཁོར་ཡུག
     འཕྱི་བ་འཚོ་གནས་བྱེད་ས་ནི་མཚོ་ངོས་ལས་སྨིས3500ནས་སྨིས5200བར་གྱི་འབྲོག་ཁུལ་ཡིན། དུས་རྒྱུན་དུ་སྤང་རི་དང་རྫ་རི། འབྲོག་པའི་རྩྭ་ཐང་བཅས་ན་བསྡད་ཡོད། འཕྱི་ཁུང་ཕལ་ཆེར་ཉིན་ཁ་དང་ས་སྐམ་ས་ན་བརྐོས་ཡོད། འཕྱི་བ་ནི་ཁྱུ་སྡོད་བྱེད་པའི་རི་སྐྱེས་སྲོག་ཆགས་ཀྱི་རིགས་ཡིན། ཉིན་དཀར་ཁུང་སྒོར་འབུད་པ་དང་ནངས་དགོང་གཉིས་ཀར་བྲེལ་འདུག ནངས་སྔ་མོར་ཉི་མར་ལྡེ་བར་དགའ་བ་དང་། ལུས་ལ་ལུས་དྲོད་ཙམ་རྒྱས་རྗེས་ད་གཟོད་ཁ་ཟས་འཚོལ་མགོ་རྩོམ་པ་རེད། ཁ་ཟས་གཙོ་བོ་ནི་སྔོ་རྩྭ་ཡིན། ཟླ4བའི་ནང་དུ་སྐྱེ་འཕེལ་བྱེད་པ་དང་། ཟླ6པ་དང་ཟླ7པའི་ནང་དུ་ཕྲུ་གུ་བཙའ་བ་དང་། བཙའ་ཐེངས་རེར་ཕྲུ་གུ4ནས་ཕྲུ་གུ5བཙའ་བ་ཡིན།
སྲུང་སྐྱོབ་བྱེད་པའི་དོན་སྙིང་།
     འཕྱི་བའི་པགས་པ་མཐུག་ཅིང་གྲ་སྤུ་མིག་ལ་མཛེས་པར་མ་ཟད། འཕྱི་བའི་ཤ་དང་རུས་པ། ཚིལ་སོགས་བོད་སྨན་དུ་འགྲོ་བ་ཡིན།
ད་ཡོད་གནས་བབ།
     བོད་དབུས་མཐོ་སྒང་ལ་མཚོན་ན་འཕྱི་བའི་ཐོན་ཁུངས་ཕུན་སུམ་ཚོགས་པ་ཞིག་ཡོད་ཀྱང་། བེད་སྤྱོད་བྱེད་པ་ཧ་ཅང་ཉུང་།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...