སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ནང་ཆེན་རྟ་རྣ་དགོན་པའི་གླིང་གི་ཕུ་ནུ་སུམ་ཅུའི་གདུང་འབུམ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-8-9 10:02:00 རྩོམ་ཁུངས། གངས་ལྗོངས་ཉི་གཞོན། ཀློག་གྲངས།
     ཉེ་ལམ། ཁམས་ཁུལ་དུ་བསྐྱོད་ནས་གླིང་གི་རྗེས་ཤུལ་འཚོལ་བ་ཞེས་པའི་རྒྱལ་ཡོངས་ས་གནས་ཁག་ནས་ཕེབས་པའི་མཁས་དབང་ཚོས་ཡུལ་ཤུལ་ཁུལ་གྱི་ནང་ཆེན་རྫོང་རྟ་རྣ་དགོན་པའི་གླིང་གི་ཕུ་ནུ་སུམ་ཅུའི་གདུང་འབུམ་ལ་རྟོག་ཞིབ་གནང་།
     རྟ་རྣ་དགོན་ནི་ཡུལ་ཤུལ་ཁུལ་གྱི་ནང་ཆེན་རྫོང་ནས་ལེ་བར་150ཙམ་གྱི་ཉིན་སྲིབ་ཡུལ་ཤོག་ཞེས་པའི་ས་ཆ་དེར་འདུག  །གཞུང་ལམ་གྱི་གཡས་ཕྱོགས་ནས་ཡར་ལེ་བར་གསུམ་བཞི་ཙམ་དུ་རྟ་རྣ་དགོན་པ་ཆགས།  དེ་ནས་དགོན་པའི་རྒྱབ་ཕྱོགས་ཀྱི་རྫ་རི་རྩེའི་བྲག་ཕུག་ཏུ་གླིང་གི་ཕུ་ནུ་སུམ་ཅུའི་གདུང་འབུམ་གྱི་རྗེས་ཤུལ་ཡོད་ཅིང་གཡས་སུ་གླིང་ཆུང་བརྒྱུད་ཚང་གི་གདུང་འབུམ་27ཡོད་པ་དང་། གཡོན་དུ་གླིང་ཆེ་བརྒྱུད་ཚང་གི་གདུང་འབུམ་18འདུག །དགོན་པ་དེའི་བླ་མ་ཡེ་ཤེས་ཉི་མས་ངོ་སྤྲོད་བྱས་པ་ལྟར་ན།  གདུང་འབུམ་དེ་དག་ཚ་ཚ་རིན་ཆེན་སྣ་ལྔ་སོགས་ཀྱིས་གྲུབ་པ་དང་།  མཐོ་ཚད་ལ་སྨི་1.8ནས་སྨི་2ཙམ་ཡོད་ཅིང་། 2008ལོ་ནས་རྒྱལ་ཁབ་ཀྱིས་སྲུང་སྐྱོབ་བྱེད་འགོ་ཚུགས་ཤིང་།  2013ལོར་གདུང་འབུམ་ལ་དཀར་རྩི་བྱུག་པ་སོགས་ཀྱི་ཉམས་གསོ་བྱས་པ་དང་།  ད་དུང་ལྟ་སྐུལ་ཚོད་འཛིན་བརྙན་ཕབ་ཀྱི་སྒྲིག་ཆས་བཙུགས་ནས་ཉིན་མཚན་མེད་པར་གདུང་འབུམ་ལ་ལྟ་སྐུལ་བྱས་ཡོད།  ད་དུང་བླ་མ་ཡེ་ཤེས་ཉི་མས་རང་གིས་ཉར་ཚགས་བྱས་པའི་ཡེ་པ་ཡེ་ཤེས་བརྩོན་འགྲུས་ཀྱི་སྐུ་དང་།  ཐུབ་པ་བེའུ་དྲོད་མ།  སྨུག་པོ་གདོང་གི་བླ་རྡོ་སོགས་མཇལ་རྒྱུ་བྱུང་སོང་།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...