སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཟིལ་བའི་སྐོར་རགས་ཙམ་གླེང་བ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-12-27 9:23:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
     ཟིལ་བ་ནི་ས་ངོས་དང་ཐག་ཉེ་བའི་མཁའ་རླུང་ནང་གི་ཆུ་རླངས་རྡོ་དང་། རྫ་ལེབ། ཡལ་འདབ་སོགས་ས་ངོས་སམ་ས་སྟེང་གི་བརྟན་གནས་དངོས་པོར་ཧྲེངས་འགྲིལ་བྱས་ཏེ་ཆགས་པའི་ཆུ་ཟིལ་ལ་ཟེར། ས་སྲིབ་བམ་མཚན་མོའི་དུས་ས་ངོས་སམ་ས་སྟེང་གི་བརྟན་གནས་དངོས་པོས་གློད་པའི་འགྱེད་འཕྲོ་དེ་ཚུར་ལེན་འགྱེད་འཕྲོ་ལས་ཆེ་བ་ཡོད་སྟབས་རིམ་བཞིན་གྲང་མོ་ཆགས་པ་དང་། དེ་ལྟར་ས་ངོས་སམ་ས་སྟེང་གི་བརྟན་གནས་དངོས་པོར་འབྱར་བའི་མཁའ་རླུང་ཀྱང་དུས་མཚུངས་དྲོད་ཚད་ཆག་པ་དང་ཟིལ་དྲོད་ལས་དམའ་བ་ཆག་པ་སྟེ་མཁའ་རླུང་ནང་གི་ཆུ་རླངས་འདྲེས་ཚད་ལོངས་ཚད་ལས་བརྒལ་སྐབས་ས་ངོས་སམ་ས་སྟེང་གི་བརྟན་གནས་དངོས་པོའི་ཕྱི་ངོས་ལ་ཆུ་ཟིལ་ཆགས་ཀྱི་ཡོད།
     ཟིལ་པ་མང་ཆེ་བ་དབྱར་མཇུག་གི་གནམ་གཤིས་ཅུང་བསིལ་བའི་མཚན་མོར་ཆགས་ཀྱི་ཡོད། གང་ཡིན་ཟེར་ན་དེའི་སྐབས་སུ་མཚན་མོའི་དྲོད་ཚད་ཅུང་དམའ་པོ་ཆགས་ཟིན་ཀྱང་མཁའ་རླུང་ནང་གི་ཆུ་རླངས་འདྲེས་ཚད་ད་དུང་ཧ་ཅང་ཕུན་སུམ་ཚོགས་པོ་ཡོད། ས་བབ་མི་འདྲ་བའི་ཆ་རྐྱེན་འོག་དང་ས་རྒྱུ་མི་འདྲ་བའི་ས་ངོས་ཐོག་ཧྲེངས་འགྲིལ་བྱས་པའི་ཟིལ་པ་ཡང་འདྲ་གི་མེད། ཟིལ་བ་ཆགས་རྒྱུར་དགེ་མཚན་ལྡན་པའི་གནམ་གཤིས་ཀྱི་ཆ་རྐྱེན་ཡག་ཤོས་ནི་ནམ་མཁའ་དྭངས་ཤིང་རླུང་བསིལ་རྒྱག་པའི་མཚན་མོ་ཡིན། མཚན་མོ་ནམ་མཁའ་དྭངས་པས་ས་ངོས་སམ་ས་སྟེང་གི་བརྟན་གནས་དངོས་པོའི་འགྱེད་འཕྲོ་མགྱོགས་མྱུར་ངང་གྲང་མོ་ཆགས་རྒྱུར་ཕན་ཐོགས་ཡོད། རླུང་བསིལ་གྱིས་ས་ལ་འབྱར་བའི་མཁའ་རླུང་བརྗེ་ལེན་ཐུབ་པ་དང་། ས་ངོས་སམ་ས་སྟེང་གི་བརྟན་གནས་དངོས་པོའི་ཕྱི་ངོས་ལ་རེག་པའི་མཁའ་རླུང་སོས་པ་སྤྲད་པ་མ་ཟད་ཆུ་རླངས་ཧྲེངས་འགྲིལ་ཟིན་པའི་མཁའ་རླུང་འཁྱེར་བ་དང་། ཧྲེངས་འགྲིལ་ཆགས་རྒྱུར་འདང་ངེས་ཀྱི་ཆུ་རླབས་མཁོ་སྤྲོད་ཐུབ་རྒྱུར་འགན་ལེན་བྱེད་ཀྱི་ཡོད། རླུང་པོ་མེད་དུས་ཧྲེངས་འགྲིལ་ཆགས་རྒྱུར་མཁོ་སྤྲོད་བྱ་རྒྱུའི་ཆུ་རླངས་མང་པོ་མེད། རླུང་ཤུགས་ཆེ་དྲག་སྐབས་མཁའ་རླུང་གི་ཟིང་རྒྱུག་ཤུགས་ཆེ་ཐག་ཆོད་པས་ས་ལ་འབྱར་བའི་མཁའ་རླུང་དང་གོང་རིམ་གྱི་ཅུང་དྲོ་བའི་མཁའ་རླུང་ཤུགས་ཆེན་འདྲེས་པས་ས་ལ་འབྱར་བའི་མཁའ་རླུང་གི་དྲོད་ཚད་ཆག་རྒྱུ་འགོར་པོ་ཡོང་གི་ཡོད། དེ་དག་ཚང་མ་ཟིལ་པ་ཆགས་རྒྱུར་ཕན་ཐོགས་མེད།
     ཟིལ་པས་རྩི་ཤིང་འཚར་སྐྱེས་ཡོང་རྒྱུར་ཕན་ཐོགས་ངེས་ཅན་ཡོད། ལྟ་དཔྱད་ཚད་འཇལ་བྱས་ཏེ་གསལ་བཤད་ཐུབ་པར། མཚན་མོ་གཅིག་གི་ཟིལ་པའི་ཆུའི་འབོར་ཚད་དེ་སྤྱིར་ཧའོ་རྨིད0.1ནས་ཧའོ་རྨིད0.3ཆར་ཚད་དང་མཚུངས། མང་བར་ཐ་ན་ཧའོ་རྨིད1ཡན་ཟིན་པས་ལོ་གཅིག་ནང་ཁྱོན་བསྡོམས་ཧའོ་རྨིད10ཙམ་ཡོད། དུས་མཚུངས་ཆུ་རླངས་ཧྲེངས་འགྲིལ་ཆགས་ཏེ་ཟིལ་བ་གྲུབ་པའི་བརྒྱུད་རིམ་ནང་གློད་པའི་ཆུ་ནུས་ཀྱི་རྩི་ཤིང་ལ་སྲུང་སྐྱོབ་བྱེད་པའི་ནུས་པ་ངེས་ཅན་ཐོན་གྱི་ཡོད།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...