སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
གཅན་ཚ་རྫོང་མར་ཁུ་ཐང་ཆ་ཚང་སློབ་ཆུང་གཉིས་པས་ཕུལ་བྱུང་སློབ་མར་གཟེངས་བསྟོད་བྱེད་པའི་ཚོགས་འདུ་བསྡུས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-3-29 14:47:00 རྩོམ་ཁུངས། མར་ཁུ་ཐང་ཆ་ཚང་སློབ་ཆུང་གཉིས་པའི་དྲ་བ། ཀློག་གྲངས།


བསླབ་འབྲས་ཁྱད་འཕགས་ཅན་གྱི་སློབ་མ།


སྐད་ཡིག་རྨང་གཞིའི་ཤེས་བྱ་བློར་འཛིན་ཡོངས་འགྲུབ་བྱས་པ་བཟང་པའི་སློབ་མ།


རིམ་པ་ལྔ་ལྡིང་དང་བཅུ་ལྡིང་གི་སློབ་མ།


དགུན་གནང་གི་སྐབས་ཀྱི་བསླབ་ཁག་སོ་སོའི་ལས་བྱ་དང་རྩོམ་ཡིག་བྲིས་པ་བཟང་པའི་སློབ་མ།

     སྤྱི་ཟླ3པའི་ཚེས22ཉིན་གྱི་ཕྱི་དྲོར། སློབ་མའི་སློབ་སྦྱོང་གི་ནུས་པར་སྐུལ་འདེད་དང་སྔར་ལས་ལྷག་པའི་སྒོ་ནས་སློབ་སྦྱོང་ལ་སྤྲོ་བར་དམིགས་ནས་གཅན་ཚ་རྫོང་མར་ཁུ་ཐང་ཆ་ཚང་སློབ་ཆུང་གཉིས་པས་ལུས་རྩལ་ར་བ་རུ་གཟེངས་བསྟོད་ཚོགས་འདུ་བསྡུས་ཏེ་སློབ་སྐབས་སྔོན་མའི་མཇུག་རྒྱུགས་ཁྲོད་གྲུབ་འབྲས་གཡུར་དུ་ཟ་བ་བླངས་པའི་བསླབ་འབྲས་ཁྱད་འཕགས་ཅན་གྱི་སློབ་མ42དང་། མཇུག་རྒྱུགས་ཁྲོད་བསླབ་འབྲས་རིམ་པ་ལྔ་ལྡིང་དང་བཅུ་ལྡིང་གི་སློབ་མ31། དགུན་གནང་གི་སྐབས་ཀྱི་བསླབ་ཁག་སོ་སོའི་ལས་བྱ་བྲིས་པ་ལེགས་པ་དང་རྒྱ་བོད་ཡིག་རིགས་ཀྱི་རྩོམ་ཡིག་བྲིས་པ་བཟང་པའི་སློབ་མ84། གཞན་དགུན་གནང་སྐབས་སྐད་ཡིག་རྨང་གཞིའི་ཤེས་བྱ་བློར་འཛིན་ཡོངས་འགྲུབ་བྱས་པ་བཟང་པའི་སློབ་མ92བཅས་བསྡོམས་པའི་སློབ་མ250ལྷག་དང་འཛིན་གྲྭ4བཅས་ལ་བྱ་དགའ་བྱིན་ཏེ་མུ་མཐུད་དུ་འབད་པ་བྱེད་དགོས་པའི་སྐུལ་མ་བཏང་།
     ཚོགས་འདུའི་སྟེང་། སློབ་གཙོ་ལྷ་རྒྱལ་དོན་གྲུབ་ཀྱིས་གཟེངས་བསྟོད་ཐོབ་པའི་སློབ་མ་དང་འཛིན་གྲྭར་རྟེན་འབྲེལ་ཞུ་བ་དང་མཉམ་དུ་རེ་བ་འགའ་བཏོན་པ་སྟེ། གཅིག་ནས་སློབ་མ་ཡོངས་ཀྱིས་ལས་བྱའི་ཡིག་གཟུགས་ཇེ་ལེགས་དང་འབྲི་བྱའི་སྨྱུ་གུ་ལོ་རིམ་དང་འཚམ་པའི་སྒོ་ནས་བཀོལ་སྤྱོད་བྱེད་པ་དང་། གཉིས་ནས་སློབ་གྲོགས་ཚོས་གསེར་ལས་ལྷག་པའི་བྱིས་དུས་ཀྱི་དུས་ཚོད་ཆུད་ཟོས་སུ་མི་གཏོང་བར་རང་ཉིད་ལ་ཤེས་བྱའི་རྨང་གཞི་བརྟན་པོ་ཞིག་འདིང་དགོས་ཚུལ་བསྟན་པ་མ་ཟད། སློབ་གྲྭ་འགྲོ་འོང་གི་ལམ་ཁའི་བདེ་འཇགས་སོགས་ལ་རེ་བ་ནན་མོ་བཏོན། ཚོགས་འདུར་སློབ་གཙོ་གཞོན་པ་འབྲུག་གོ་ཐར་གྱིས་འགོ་འཛིན་བྱས།
 


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...