སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་ལྷོ་ཁུལ་མི་རིགས་མཐོ་འབྲིང་དང་པོས་གྲངས་རིག་དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར་སྤེལ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-4-11 9:49:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོས་གྲངས་རིག་དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར་གྱི་བྱེད་སྒོ་སྤེལ།

    ཉེ་བའི་ལོ་འདི་འགའི་རིང་ལ་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོས་དེང་རབས་སློབ་ཁྲིད་ཀྱི་ལེགས་ཆ་ནང་འདྲེན་དང་དགེ་སློབ་ཟུང་འབྲེལ་གྱི་ཐབས་ལམ་ལེགས་པར་སྤྱད་དེ། སློབ་མའི་ཕྱོགས་ཡོངས་ཀྱི་ནུས་པ་མཐོར་འདེགས་དང་དགའ་ཕྱོགས་སྐྱེད་སྲིང་ལ་ཤུགས་བསྣན་ནས་བསྟུད་མར་གྲུབ་འབྲས་ཅུང་མི་དམན་པ་བླངས་ཤིང་། སྒོས་སུ"ཉིན་རེར་གྲངས་རིག་སྦྱོང་བ"ཞེས་པའི་སློབ་སྦྱོང་བྱེད་སྟངས་གཏན་ལ་ཕབ་སྟེ་གྲངས་རིག་ཆེད་གཉེར་གྱི་དུས་ཚོད་བཀོད་སྒྲིག་དང་རྒྱུགས་གཞི་ཁ་སྣོན་བྱས་པ་དང་། སློབ་མའི་གྲངས་རིག་གི་རྒྱུགས་འབྲས་ཅི་ཐུབ་ཀྱིས་ཇེ་ལེགས་སུ་བཏང་དང་གཏོང་བཞིན་ཡོད་ལ། གྲངས་རིག་ལ་བསླབ་བྱ་གཞན་དང་འདྲ་བར་ངེས་གཏན་གྱི་དགེ་རྒན་ཡོད་པར་མ་ཟད། འཛིན་གྲྭ་སོ་སོ་ནས་ཀྱང་གྲངས་རིག་གི་ཆུ་ཚད་ཅུང་ལེགས་ཤིང་གྲངས་རིག་ལ་སྤྲོ་བ་ཡོད་པའི་སློབ་མ་གཉིས་རེ་བདམས་ཏེ་གྲངས་རིག་དགེ་རྒན་ཆུང་ཆུང་གི་མཚན་སྙན་བསྩལ་ཅིང་། དུས་ལྟར་དགེ་རྒན་གྱི་སློབ་ཁྲིད་ལ་རམ་འདེགས་དང་སློབ་མ་ཕན་ཚུན་བར་རོགས་ཁྲིད་ཀྱི་ནུས་པ་ཆེན་པོ་འཐོན་བཞིན་ཡོད།


མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོས་གྲངས་རིག་དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར་གྱི་བྱེད་སྒོ་སྤེལ།


དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར།

     ཐེངས་འདིར་མཐོ་གཉིས་རིམ་པས་སློབ་རའི་བྱེད་སྒོར་ནང་དོན་དང་རྣམ་པ་གཉིས་ཐད་ནས་གསར་གཏོད་ཀྱི་རང་བཞིན་ལྡན་པ་དང་སློབ་མའི་འཇོན་ནུས་སྐྱེད་སྲིང་གང་ལེགས་བྱེད་པར་དམིགས་ཏེ། སྤྱི་ཟླ4བའི་ཚེས9ཉིན་གྱི་ཕྱི་དྲོར། མཐོ་གཉིས་རིམ་པས་གྲངས་རིག་དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར་གྱི་བྱེད་སྒོ་གཟབ་རྒྱས་ངང་སྤེལ་བ་དང་། ཐེངས་འདིའི་སློབ་ཁྲིད་འགྲན་བསྡུར་ལ་སྡོམ་པས་སློབ་མ32ཞུགས་ཏེ་ནང་དོན་དང་ཁྲིད་ཐབས་མི་འདྲ་བ་དང་། ཐབས་ལམ་དང་རྩི་ཐབས་མི་འདྲ་བའི་གྲངས་སྤུས་གཉིས་ལེགས་ཀྱི་སློབ་ཁྲིད་བྱས་པ་དང་། སློབ་མ་ཡོངས་ཀྱིས་གྲངས་རིག་སློབ་སྦྱོང་ལ་མཐོང་ཆེན་བྱེད་པའི་སྣེ་ཁྲིད་ཀྱི་མིག་དཔེ་ཡག་པོ་བསྟན་ཅིང་། འགྲན་ཞུགས་སློབ་མ་རྣམས་ལ་མཚོན་ན་འགྲན་བསྡུར་འདི་ནི་རང་གཞན་གཉིས་ཕན་གྱི་བྱེད་སྒོ་གལ་ཆེན་ཞིག་ཡིན་ལ། གྲངས་རིག་དགེ་རྒན་དག་གིས་དྲང་བདེན་དང་འདྲ་མཉམ་གྱི་རྩ་དོན་གནད་དུ་བཟུང་ནས་ཆེད་དུ་དཔྱད་འདེམ་བྱས་ཏེ་རྒྱལ་ཁའི་ངང་མཇུག་བསྡུས་པ་དང་། མཇུག་མཐར་དགེ་སློབ་ཀུན་གྱིས་ཐེངས་འདིའི་འགྲན་བསྡུར་གྱི་ཉམས་མྱོང་གསོག་ཉར་སྒོས་མེད་པ་ཁ་གསབ་དང་ཡོད་པ་འཐུས་ཚང་དུ་བཏང་ནས་མུ་མཐུད་དུ་གྲངས་རིག་སློབ་སྦྱོང་གི་འདུན་པ་ཇེ་དྲག་དང་གྲུབ་འབྲས་ཇེ་བཟང་དུ་ངེས་པར་གཏང་དགོས་པའི་ཕྱོགས་སྡོམ་གང་ལེགས་བྱས་པས་རྒྱ་ཆེའི་དགེ་སློབ3000ལྷག་གིས་གདེང་འཇོག་དང་དགའ་བསུ་ཆེན་པོ་ཐོབ་པར་མ་ཟད། སྤྱི་ཚོགས་ཀྱི་ལས་རིགས་སོ་སོས་ཀྱང་ཚད་མཐོ་བའི་གདེང་འཇོག་དང་ཡི་རང་བྱས་དང་བྱེད་བཞིན་ཡོད།


དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར།

     གྲངས་རིག་དགེ་རྒན་ཆུང་ཆུང་གི་སློབ་ཁྲིད་འགྲན་བསྡུར་གྱི་བྱེད་སྒོ་འདིར་བརྒྱུད་ནས་སློབ་གྲྭའི་གོང་འོག་བར་གསུམ་གྱི་དགེ་བཟོ་བ་ཡོངས་དང་སློབ་མ3000ལྷག་གིས་གྲངས་རིག་སློབ་སྦྱོང་གི་གལ་ཆེན་རང་བཞིན་ཤེས་རྟོགས་བྱུང་བར་མ་ཟད། འདི་ནི་སློབ་གསོ་འཕེལ་རྒྱས་ཀྱི་ཐེམ་སྐས་གསར་བ་ཞིག་ཏུ་སླེབས་པའི་རྟགས་མཚན་ཡིན་པའང་གསལ་བོར་ངེས་ཤིང་འབྱུང་འགྱུར་ལ་ཡིད་ཆེས་བརྟན་པའི་སེམས་ཤུགས་ཀྱང་སྔར་ལས་བརྟན་ནོ། །


སློབ་མ་རྣམས་ཀྱིས་དགེ་རྒན་ཆུང་ཆུང་གི་སློབ་ཁྲིད་ལ་ཉན་བཞིན་པ།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...