སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཀྱི་ཡི་གེ་ལ་བཀས་བཅད་ཐེངས་གསུམ་བྱས་པ་རྒྱལ་པོ་གང་དག་གི་རིང་ཡིན།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2016-7-26 10:15:00 རྩོམ་ཁུངས། སྐད་འཕྲིན་ལས་བཏུས། ཀློག་གྲངས།
     བོད་ཀྱི་བཀས་བཅད་ཐེངས་གསུམ་ཞེས་པ་ནི་བོད་ཀྱི་དུས་རབས་སོ་སོའི་ལོ་ཙཱ་བ་རྣམས་ནས་སྐད་ཡིག་གཅིག་མཐུན་ཡོང་ཆེད་ཡུལ་ཐ་དད་པའི་མིང་དུ་མའམ་བརྡ་རྙིང་པ་རྣམས་སྐད་གསར་བ་དང་བསྟུན་ནས་བཟོ་བཅོས་བྱས་རྗེས་རྒྱལ་པོས་དེ་ལྟར་བཀའ་ཡིས་ཐག་བཅད་དེ་ཁྱབ་བསྒྲགས་ཐེངས་གསུམ་བྱས་པ་དེ་ལ་ཟེར་བ་ཡིན་ཏེ། དེ་ཡང་བཀས་བཅད་གང་ཞིག་རྒྱལ་པོ་གང་གི་རིང་ལ་བྱས་ཚུལ་གྱི་ཐད་དུ་བཞེད་པ་དུ་མ་ཡོད་ཀྱང་ཡོངས་གྲགས་ལྟར་ན་བཀས་བཅད་དང་པོ་ནི་སློབ་དཔོན་ཐོན་མི་ནས་བཙན་པོ་ཁྲི་སྲོང་ལྡེ་བཙན(གཙོ་ཆེར་ཁྲི་སྲོང་ལྡེ་བཙན་གྱི་དུས་ཡིན་པ་འདྲ)གྱི་བར་དུ་བཀས་བཅད་ཀྱིས་བསྒྱུར་པའི་སངས་རྒྱས་ཕལ་པོ་ཆེ་དང་། ལུང་སྡེ་བཞི་དང་། མདོ་སྡེ་ཁ་ཅིག་དང་། ཤེར་ཕྱིན་གྱི་མདོ་ཁ་ཅིག་གཏན་ལ་ཕབ་པ་དེ་ལ་ཟེར།
     བཀས་བཅད་ཐེངས་གཉིས་པ་ནི་བཙན་པོ་ཁྲི་རལ་བ་ཅན་གྱི་དུས་སུ་ལོ་ཙཱ་པ་སྐད་ཅོག་ཞང་གསུམ་སོགས་ཀྱིས་སྔར་གྱི་འགྱུར་རྣམས་ལ་དག་བཅོས་དང་། སྐད་གསར་བཅད་ཀྱིས་གཏན་ལ་ཕབ་སྟེ་བྱེ་བྲག་རྟོགས་བྱེད་ཆེ་འབྲིང་ཆུང་གསུམ་མཛད་པར་བཤད། དེ་ཡང་འབྲིང་བ་ལ《སྒྲ་སྦྱོར་བམ་གཉིས》ཟེར། དེའི་ནང་དུ་ཆོས་གཞུང་སྒྱུར་སྐབས་བརྩི་འཇོག་བྱེད་དགོས་པའི་རྩ་དོན། བྱེ་བྲག་ཏུ་ཇི་ལྟར་སྒྱུར་བའི་ཐབས། ཡིད་འཇོག་བྱེད་དགོས་པའི་དོན་ཚན་སོགས་ཞིབ་ཏུ་བཀོད་ཡོད་པ་རེད།
     བཀས་བཅད་གསུམ་པ་ནི་མངའ་རིས་གུ་གེ་རྒྱལ་པོ་ལྷ་བླ་མ་བྱང་ཆུབ་འོད་ཀྱི་རིང་ལ་ལོ་ཙཱ་བ་རིན་ཆེན་བཟང་པོས་གཙོ་མཛད་ནས་སྔར་འགྱུར་ནང་གི་བརྡ་རྙིང་པ་རྣམས་སྐད་གསར་བ་དང་བསྟུན་ནས་དག་བཅོས་བྱས་ཏེ་གཏན་ལ་ཕབ་པ་དེ་ལ་ཟེར་བ་ཡིན་ནོ། །

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...