སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
དྭགས་པོའི་མི་རིགས་སྐོར་གྱི་ལྟ་སྟངས།
རྩོམ་པ་པོ། དམུ་དགེ་བསམ་གཏན། རྩོམ་སྒྲིག་པ། admin དུས་ཚོད། 2009-8-11 9:48:51 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
    དེང་སང་ཕན་ཝུ་རྫོང་ཁོངས་སུ་ཡོད་པའི་དྭགས་པོ་ཞེས་པའི་བོད་རིགས་ཀྱི་སྐོར་ལ།རང་གིས་དཔྱད་པའི་རྩོམ་ཡིག་གཉིས་བྲིས་ཤིང་།གཉིས་ཀ་སི་ཁྲོན་ཞིང་ཆེན་མི་རིགས་ཞིབ་འཇུག་ཁང་གི་དུས་དེབ་ཐོག་རྒྱ་ཡིག་ཏུ་བཀོད་འདུག བོད་ཡིག་ནི་མཚོ་སྔོནསྦྲང་ཆར༡༩༨༡ལོའི་དེབ་གཉིས་པའི་ཐོག་བཀོད་འདུག ད་སྐབས་ཡང་དེ་ལ་ཞིབ་འཇུག་བྱེད་ཀྱིན་ཡོད་པར་ཐོས་པས། སླར་ཡང་རང་གིས་ཤེས་ཚོད་འགའ་ཞིག་བྲི་བར་བྱ་སྟེ། འགའ་ཞིག་གིས་དེ་བོད་མ་ཡིན་པའི་སྒྲུབ་བྱེད་ལ་མགོ་ལ་བྱ་སྤུ་བཙུགས་པ་བཀོད་འདུག དེས་ན་མགོ་ལ་བྱ་སྤུ་བཙུགས་པ་ནི་བོད་ཀྱི་གནའི་ཆ་ལུགས་ཡིན་ཏེ། རྒྱལ་རབས་གསལ་བའི་མེ་ལོངལྕགས་དཔར་ཤོག་གྲངས་༢༣༦གི་ཐིག་ཕྲེང་གཉིས་པ་ན་གཡོ་དགེ་འབྱུང་།གཙང་རབ་གསལ།དམར་ཤཱཀྱ་མུ་ནེ་གསུམ་སྒོམ་གྱིན་ཡོད་པ་ལ། བཙུན་པ་གཅིག་གིས་ཤམ་ཐབས་བརྫེས། ལག་ཏུ་མདའ་གཞུ་ཐོགས།མགོ་ལ་བྱ་སྒྲོ་བཙུགས་ནས་འཕྲལ་དུ་ཁྱི་ཁྲིད་ནས་རི་དྭགས་བཤོར་གྱིན་འདུག་པ་གཡོ་དགེ་འབྱུང་གིས་མཐོང་ནས་ཞེས་དང་། ཀློང་ཆེན་ཆོས་འབྱུངལས་མཛད་པ་གཙང་རབ་གསལ།བོ་དོང་བ་གཡོ་དགེ་འབྱུང་།སྟོད་ལུང་པ་དམར་ཤཱཀྱ་མུ་ནེ་དང་གསུམ་དཔལ་ཆུ་བོ་རི་ལ་སྒོམ་ཞིང་ཡོད་པའི་དུས་སུ་བཙུན་པ་ཁྱི་ཁྲིད་རྔ་གཤང་བརྡུངས་ཤིང་མགོ་ལ་བྱ་སྒྲོ་བཙུགས།ཤམ་ཐབས་སྔ་ལོག་ཕྱི་ལོག་བྱས་ནས་རི་དྭགས་ལ་མདའ་འཕེན་པ་ཐབ་ཁ་པས་མཐོང་བས་མ་བྱིན་ནས་བན་རྒན་འཁྲུལ་ལམ་བཙུན་པ་སྨྱོ་ཟེར་ཞིང་གཟིགས་པས་མཐོང་བ་བཞིན་སྨོས་སོ།།སློབ་དཔོན་མ་འཁྲུལ་བཙུན་པ་མ་སྨྱོས།རྒྱལ་པོས་བཙུན་པ་སྐྱ་སར་ཕབ་པ་རེད་ཟེར་ཞེས་གསུངས་པ་ནི་གླང་དར་མས་བཙུན་པ་རྣམས་སྐྱ་སར་ཕབ་པའི་རྟགས་ལ་མགོ་ལ་བྱ་སྒྲོ་འཛུགས་དགོས་པར་བཤད།ཡང་མི་ལའི་མགུར་འབུམ་རས་པ་ཞུ་བ་འོད་ཀྱི་སྐོར་ཚོ་ལས།ལྡེམ་བྱ་རྒྱལ་རྒོད་ཀྱི་འཕྲུ་དོ་བཙུགས།ཞེས་རས་པ་ཞུ་བ་འོད་ཀྱི་མགོ་ཐོག་ཏུ་རྒོད་ཀྱི་སྒྲོ་བཙུགས་ཡོད་པར་བཤད།དེ་ལྟར་ལོ་བརྒྱད་བརྒྱའི་སྔོན་དུ་ཡང་བོད་ཀྱི་གཞོན་ནུ་དག་གི་མགོར་བྱ་སྒྲོ་བཙུགས་ཡོད་པར་བཤད།ཕྱིས་སུ་རིམ་གྱིས་ཆ་ལུགས་དེ་ཉམས་ན་ཡང་ས་ཆ་འགར་ཆ་ལུགས་དེ་དག་ད་དུང་ཡོད་པར་མངོན།གེ་སར་གྱི་སྒྲུང་དུའང་མགོ་ལ་བྱ་སྒྲོ་བཙུགས་ཡོད་ཚུལ་གྱི་སྒྲུང་གླུ་མང་།ལྷ་སའི་གཙུག་ལག་ཁང་གི་ནང་སྒོའི་གཡས་ཕྱོགས་ཀྱི་གྱན་ཐང་ངོར་གནའ་དུས་ཀྱི་ལུས་རྩལ་སྦྱོང་བའི་རི་མོ་བཀོད་ཡོད་ལ།དེའི་ལུས་རྩལ་པ་དག་གི་མགོར་ཡང་བྱ་སྒྲོ་བཙུགས་ཡོད་པ་བྲིས་འདུག་པ་བདག་གིས་མཐོང་།ཕྱིས་སུ་བོད་ལྗོངས་ཀྱི་དམག་རྩེད་དང་དུས་ཆེན།གཏོར་རྒྱག་སོགས་ཀྱི་སྐབས་སུ་བྱ་སྒྲོ་ཅན་གྱི་ཞྭ་གྱོན་པའི་སྲོལ་བཅིངས་འགྲོལ་བར་དུ་ཡོད།དེར་མ་ཟད་རྒྱལ་རོང་སོགས་ཀྱི་སྐབས་སུ་དམངས་དམག་གིས་ལུས་ལ་གོ་ཁྲབ་གྱོན།མགོ་ལ་བྱ་སྒྲོ་ཅན་གྱི་ཞྭ་གྱོན་པའི་སྲོལ་ལུགས་ཡོད།རྒྱུ་མཚན་དེ་དག་གིས་རྣམ་འཕེལ་དང་ཕིན་ཝུ་སོགས་ཀྱི་དྭགས་པོའི་མིའི་མགོ་ལ་བྱ་སྒྲོ་འཛུགས་པ་ནི་བོད་ཀྱི་ཆ་ལུགས་དངོས་གནས་ཡིན་ནོ།།དེ་ནི་དྭགས་པོའི་མི་རྣམས་བོད་རིགས་ཡིན་པའི་རྟགས་མཚན་ཡང་དག་ཅིག་ཡིན།
    མིང་འདོགས་ཚུལ་ནི་བོད་ཀྱི་དམག་རྣམས་རྒྱ་བོད་ས་མཚམས་སུ་བཞག་པཐང་ཡིག་གསར་རྙིངལས་ཤིན་ཏུ་གསལ།དེས་ན་འདི་དག་ནི་དྭགས་པོ་ནས་འོངས་པའི་དམག་མི་ཤས་ཆེ་བའི་རྒྱུ་མཚན་གྱིས་བོད་ཀྱིས་དྭགས་པོ་ཞེས་འབོད།རྒྱ་མི་དག་གིས་དེར(白马)སྟེ་པེ་མ་བོད་རིགས་ཟེར།དེ་ནི་བོད་དམག་ཅེས་པའི་སྒྲ་བྲིས་པ་ཡིན་ཏེ།ཟུང་ཆུ་དང་ཆུ་ནག་དང་རྣམ་འཕེལ་ཕྱོགས་ཀྱི་སྐད་ཀྱི་གདངས་ལ་བོད་ཅེས་པའི་གདངས་ནི་པེ་དང་།དམག་ཅེས་པའི་གདངས་ནི་མ་ཞེས་པའི་སྒྲ་གདངས་ལ་བོད་དམག་ཅེས་པ་པེ་མ་སྟེ(白马)ཞེས་པའི་སྒྲ་དང་མཚུངས།དེའི་རྒྱུ་མཚན་རྒྱ་མི་དག་གིས་པེ་མ་བོད་རིགས་ཏེ(白马藏族)ཟེར།
    གོམས་འདྲིས་གཤིས་ལུགས་ཀྱི་ཐོག་ནས།
    ཟུང་ཆུའི་ཤར་བ་ཞེས་པའི་བོད་དང་ང་རང་གི་ཕ་ཡུལ་དམུ་དགེ་ཞེས་པའི་བོད་སོགས་དང་གོམས་འདྲིས་གཤིས་ལུགས་འདྲ་ལ།དེར་མ་ཟད་ཁང་བ་ཕུབ་ལུགས།ལྷ་མཆོད་ལུགས།  དུར་འདེབས་ལུགས་སོགས་ཀྱང་འདྲ་བ་ཡིན།དབུ་མེད་དག་གི་ཆ་ལུགས་ནི་བོད་ལྗོངས་ཀྱི་ཆ་ལུགས་དང་མཚུངས།སྐད་ལུགས་ཀྱང་བོད་ཀྱི་གནའ་སྐད་ཡིན་གཤིས།དེས་ཀྱང་འདི་དག་ནི་བོད་རིགས་ཡིན་པར་ཤིན་ཏུ་འགྲུབ།ཆོས་ལུགས་ཀྱང་བོད་ཀྱི་གནའ་ཆོས་བོན་པོ་ཤས་ཆེ།  བོན་ཞེས་པའི་སྒྲ་ནི་དེ་དག་གི་སྐད་གདངས་ལ་པེ་ཞེས་པའི་སྒྲ་དང་འདྲ།དེའི་རྒྱུ་མཚན་གྱིས་དེ་དག་གིས་ཆོས་ལུགས་ནི་པེ་པོའུ་ཞེས་པ་ཆོས་ཤིག་ཡིན་པར་འདོད་པ་ནི་བླ་བརྡོལ་ལོ། །ཡི་གེ་ཡང་བོད་ཡིག་ལས་གཞན་པའི་ཡི་གེ་མེད།དེ་གའི་སྔོན་གྱི་རྒྱ་བོད་ས་མཚམས་ཀྱི་རྡོ་རིང་ངོས་སུའང་རྒྱ་བོད་ཀྱི་ཡི་གེ་གཉིས་ཀ་ཡོད་པར་གྲགས།སྔར་འགའ་ཞིག་གིས་ཞིབ་འཇུག་བྱས་པའི་སྙན་ཞུའི་ཡི་གེ་སྔ་ཕྱི་གཉིས་བྲིས་པ་ངས་མཐ

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
正在加载评论列表...