སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཀྱི་ལོ་སར།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-2-14 17:51:00 རྩོམ་ཁུངས། མཚོ་ལྷོའི་སྨྱན་གསར། ཀློག་གྲངས།

     བོད་ཀྱི་ལོ་སར་ནི་མིང་གཅིག་དོན་མང་ལ་འཇུག་སྟེ། དེར་དོན་གྱི་འཇུག་ཚུལ2ཡོད།
     བོད་ཀྱི་ལོ་སར་ནི་བོད་མི་རྣམས་ཀྱིས་བོད་ཟླ་དང་བོའི་ཚེས་གཅིག་ནས་ཚེས་གསུམ་གྱི་བར་ལ་བླ་མ་ལོ་སར་དང་རྒྱལ་པོ་ལོ་སར་དང་གཟབ་གསོལ་གྲོལ་སྟོན་མཛད་སྒོ་སོགས་བོད་མི་རང་གི་གོམས་སྲོལ་དང་བསྟུན་ནས་ལོ་སར་དགྱེས་སྟོན་གྱི་མཛད་སྒོ་སྤེལ་བ་ལ་ཟེར།
    སྤྱིར་ན་བོད་དབུས་ཁུལ་གྱི་མི་དམངས་ཚོས་རང་རང་འཁོས་སྦྱོར་ལ་གཞིགས་ཏེ་བོད་ཟླ12པ་ནས་བཟུང་ལོ་སར་གྱི་ཉེར་མཁོའི་སྟ་གོན་རིམ་བཞིན་བྱེད་འགོ་ཚུགས་ཏེ་ཤ་མར་འབྲུ་སྣུམ་སོགས་ལོ་སར་གྱི་ཉེར་མཁོ་དང༌། གཟབ་སྤྲོས་གྱོན་ཆས་སྣ་ཚོགས། སྡེར་ཁའི་ཁ་ཟས་དང༌། ལུག་མགོ། ལོ་ཕུད། ཕྱེ་མར་གྱི་རྩིབས་སྒྲོ་དང་ལོ་སར་མེ་ཏོག་སོགས་གྲོ་སོ་ཕྱེ་མར་གྱི་ཡོ་ཆས། ཁང་པའི་དར་ལྕོག་དང༌། དར་ཤིང༌། ཤམ་བུ་སོགས་ཉོ་སྒྲུབ་བྱེད་པ་དང༌། ཆང་བཙོ་བ་དང༌། སྦོ་ལུག་དང་ཁུར་བ་སོགས་ཁ་ཟས་སྣ་ཚོགས་འགར་བ་མ་ཟད། ཁྱིམ་ཚང་སོ་སོའི་ཐབ་ཚང་གིས་གཙོས་ཁང་པའི་ཕྱི་ནང་གི་དུ་བ་དང་ཐལ་བ་རྣམས་གཙང་མར་འཕྱག་པ་སོགས་ལོ་སར་གྱི་སྟ་གོན་བྱེད་ཅིང༌། བོད་ཟླ12ཚེས29ཉིན་གྱི་དགོང་མོ་དགུ་ཐུག་མ་འཐུང་གོང་ཁྱིམ་མི་ཚང་མར་སྤགས་གོང་ཆུང་ངུ་རེ་སྤྲད་ནས་དེས་མི་སོ་སོའི་གཟུགས་པོའི་སྟོད་སྨད་ཚང་མར་ཕུར་སྟེ་ལོ་གཅིག་ཟླ་བ་བཅུ་གཉིས་ཞག་མ་སུམ་བརྒྱ་དྲུག་ཅུའི་གེགས་བར་ཚང་མ་སེལ་བའི་སྨོན་ལམ་བཏབ་རྗེས་དྲི་གླུད་བཟོས་ནས་རྫ་ཁོག་ཆག་དུམ་ཞིག་ནང་བླུགས་པ་དང༌། དེ་རྗེས་ས་སྲོད་ཙམ་ལ་དགུ་ཐུག་འཐུང་འགོ་ཚུགས།དགུ་ཐུག་ཅེས་པ་ཐུག་པ་བག་ཐུག་ནང་ཟས་སྣ་སྣེ་གྲངས་དགུ་འཛོམས་དགོས་པའི་ཐོག་བག་ཐུག་ཅུང་ཆེ་བ་ཁག་ཅིག་ནང་སུར་པན་དང༌། སོལ་བ། དཀར་ཡོལ། ཚྭ། བལ། སྤོས་སོགས་བླུགས་པ་དང་དེ་བཞིན་ཉི་ཟླ་བཅས་ཀྱི་དབྱིབས་བཟོས་ཏེ་དེ་རྣམས་སུའི་ཕོར་པའི་ནང་ནས་ཐོན་རུང༌། ཕན་ཚུན་དབར་དེ་དག་གི་མཚོན་བྱེད་གང་ཡིན་འགྲེལ་བཤད་བརྒྱབ་ནས་ཚང་མ་བཞད་བགད་ལིང་ངེར་གྱུར་ཞིང༌། མི་རེས་དགུ་ཐུག་ཕོར་པ་དགུ་རེ་འཐུང་དགོས་པས་ཕོར་པ་དགུ་མ་ལོན་པར་ཁུ་བ་ཐིག་པ་རེས་ཕོར་པ་རེའི་ཚབ་བྱས་ཏེ་གོང་གསལ་དྲི་གླུད་བླུགས་སྣོད་རྫ་ཁོག་ཆག་དུམ་དེའི་ནང་དཀར་ཡོལ་ནང་གི་ཐུག་པ་འཐུང་འཕྲོས་རྣམས་ཀྱང་བླུགས་ཐོག ད་དུང་སྦང་མ་དང་ཇ་རོ་བླུགས་ནས་རྫ་ཁོག་ཆག་དུམ་དེ་བུ་མོ་ཞིག་གིས་འཁྱེར་བ་དང༌། བུ་ཞིག་གིས་སོག་མ་ཆགས་པ་ཞིག་ལ་མེ་སྤར་ཏེ་ཁང་པ་ཚང་མར་མེ་ཡུལ་བརྒྱབ་ནས་མར་དོན་ཤོག་ཅེས་གདོན་འདྲེ་ཕྱིར་འབུད་བྱེད་པའི་ངར་སྒྲ་སྒྲོག་བཞིན་དུ་སོ་སོའི་ཁྱིམ་ཚང་ཉེ་འཁོར་གྱི་ལམ་མདོ་ཞིག་ཏུ་བསྐྱལ་ཏེ་དེའི་མཇུག་མེ་མདའ་བོད་མདའམ་ཤོག་སྦག་བརྒྱབ་ནས་འདོན་བགེགས་སྐྲད་པའི་ཚུལ་བྱེད་སྲོལ་ཡོད།།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...