སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཁམས་མི་ཉག་ཡུལ་གྱི་བུད་མེད་ཀྱི་རྒྱན་གོས།
རྩོམ་པ་པོ། ཨོ་རྒྱན་དོན་གྲུབ། རྩོམ་སྒྲིག་པ། Lhamo དུས་ཚོད། 2014-8-8 9:21:00 རྩོམ་ཁུངས། ཁམས་པའི་འཛུམ་རིས་ལས་བཏུས། ཀློག་གྲངས།

ཨོ་རྒྱན་དོན་གྲུབ།

     མི་ཉག་གི་ཁྱད་ཆོས་འབུར་དུ་ཐོན་པའི་བུད་མེད་ཀྱི་རྒྱན་གོས་ལ་མི་ཉག་རང་གི་སྐད་དུ་འབག་རྒོ་ཟེར་ལ། སྟོད་འགག་དང་སྨད་ཤམ་གྱི་རྣམ་པ་ཟུང་འབྲེལ་གྱིས་བཟོ་དྲུབ་བྱས་པ་ཞིག་ཡིན་ལ། དེའི་རྒྱུ་གཙོ་བོ་ཕྲུག་དང་སྣམ་བུ། ལུག་བལ་བཅས་ཀྱིས་གྲུབ་ཅིང་། ཕྲུག་དང་སྣམ་བུ་ལ་ཁ་དོག་དཀར་སེར་ལྗང་དམར་སོགས་ཁ་དོག་སྣ་ལྔའི་ཚོན་གྱིས་སྡེབ་སྦྱོར་བྱས་ཏེ་འཐག་བཟོ་བྱས་པ་ཞིག་ཡིན་པས། མི་ཉག་བུད་མེད་ཀྱི་རྒྱན་གོས་ལའང་ཁ་དོག་དཀར་སེར་དམར་ལྗང་གི་ཚོན་བསྡེབས་ཏེ་བཟོ་དྲུབ་བྱེད་དགོས་པ་ཞིག་ཡིན་པས་ཁ་དོག་དེ་དག་གིས་གནམ་སྔོན་པོ་དང་སྤྲིན་དཀར་པོ། ས་སེར་པོ་སོགས་དང་འབྲེལ་བ་ཡོད་པ་མཚོན་གྱི་ཡོད་པ་རེད།
     བཟོ་དྲུབ་བྱེད་སྟངས་རྒྱན་གོས་གཞན་པ་བཟོ་དྲུབ་བྱེད་ལུགས་དང་གཏན་ནས་མི་འདྲ་ལ་དཀར་སེར་དམར་ལྗང་སོགས་ཁ་དོག་མང་བོ་བསྡེབས་ཏེ་ཁོག་སྨད་ཀྱི་གོས་ཧྲིལ་བོ་ཆག་པ་བྱས་ཏེ་དྲུབ་བཟོ་བྱེད་དགོས་པ་ཞིག་ཡིན་ལ། ཆག་པ་ལའང་ཆག་པ་དྲུག་ཅུ་ཅན་དང་ཆག་པ་བརྒྱུད་ཅུ་ཅན། ཆག་པ་བརྒྱ་དང་བརྒྱད་ཅན་སོགས་སོ་སོར་བརྒལ་ཏེ་དེའི་ནང་གི་གོས་ཀྱི་རིན་ཐང་ལ་དབྱེ་བ་འབྱེད་རྒྱུ་ཡོད་པ་རེད། ཁོག་སྟོད་ལའང་རྒྱུ་ཆ་དེ་དག་གིས་གྲུབ་པའི་སྟོད་ཐུང་ཞིག་གྱོན་རྒྱུ་ཡོད་ལ་དེའི་ནང་ལ་ནང་འཇམ་དང་སྟོད་འགག སྨད་ཀྱི་པང་ཁེབས་སོགས་བོད་ཁུལ་གྱི་ས་གཞན་ལ་མེད་པའི་ཁྱད་ཆོས་འབུར་ཐོན་གྱི་རྒྱན་གོས་ཤིག་ཡིན། རྒྱན་གོས་འདི་ནི་གཙོ་བོ་གཉེན་སྟོན་དང་དུས་ཆེན།  དུས་སྟོན་གྱི་སྐབས་སུ་གྱོན་རྒྱུའི་རིགས་ཤིག་ཡིན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...