སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཀན་ལྷོ་འབྲུག་ཆུ་ས་ཁུལ་གྱི་བོད་ཀྱི་གོས་རྒྱན།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-3-15 9:33:00 རྩོམ་ཁུངས། 《བདེ་ཆེན་བོད་ཡིག་ཚགས་པར》ལས་བཤུས། ཀློག་གྲངས།


འབྲུག་ཆུའི་བོད་ཀྱི་གོས་རྒྱན།


ཨུ་བེ་དང་། ཀོང་པ། པ་ལིང་སོགས་ཀྱི་གོས་རྒྱན།


ནན་ཡུལ་གྱི་གོས་རྒྱན།

      འབྲུག་ཆུ་རྫོང་ནི་ཀན་སུའུ་ཞིང་ཆེན་ཀན་ལྷོ་ཁུལ་གྱི་འབྲུག་ཆུའི་འབབ་ཡུལ་དུ་ཆགས་ཡོད་པ་དང་། ཡུལ་ཁུལ་དེ་ནི་དཔེ་མཚོན་ཅན་གྱི་རི་རྒྱ་ཀླུང་རྒྱ་ཡོད་པའི་རོང་ཁུལ་ཞིག་ཡིན་ལ། ས་ཆ་དེའི་མི་རྣམས་ལ་བོད་ས་ཁུལ་གཞན་དང་མི་འདྲ་བའི་གོས་རྒྱན་སྤྲས་སྲོལ་ཡོད་པ་དང་། ཕལ་ཆེར་རིགས་རྣམ་ལྔ་འབྱེད་ཐུབ་སྟེ། ནུབ་ཕྱོགས་ཀྱི་སྤྲ་རྫོང་དང་། ཧན་པན། ཧྥུན་ཏིའུ་ལུགས་ཀྱི་གོས་རྒྱན་དང་། དབུས་ཀྱི་ཅང་ཕན་དང་ནན་ཡུལ་ལུགས་ཀྱི་གོས་རྒྱན། ཤར་གྱི་པ་ལེང་དང་། སྒོ་གཡས། ཨུ་བེ། ཁྲ་སྒང་ལུགས་ཀྱི་གོས་རྒྱན། ལྷོའི་ཀོང་པ་དང་། ཆུ་གར་ན་ལུགས་ཀྱི་གོས་རྒྱན། བོད་ཡུལ་ལུགས་ཀྱི་གོས་རྒྱན་བཅས་རིགས་རྣམ་ལྔ་ཡོད་པ་རེད།
     འབྲུག་ཆུ་རྫོང་གི་བོད་ཀྱི་གོས་རྒྱན་ནི་རས་དང་འཁལ་འཐག་གཙོ་སྤྱོད་བྱས་ནས་འདྲུབ་ཡོད་པས། འཇང་གི་གོས་རྒྱན་དང་ཧ་ཅང་འདྲ་བ་དང་། གོས་རྒྱན་ལ་རྒྱུ་སྤུས་མཉེན་པོ་དང་། རྣམ་པ་མང་བ། ཚོན་མདངས་བཀྲ་བ།  གསེར་དངུལ་གྱིས་རྒྱན་སྤྲས་པའི་ཁྱད་ཆོས་ཡོད། མོ་མང་ཆེ་ཤོས་ཀྱིས་བྲང་ཁ་ལ་དངུལ་དོང་ཞིག་བཏགས་པ་དང་།  སྐེད་ལ་ཚོན་སྣ་བདུན་འཛོམས་པའི་སྐེད་རགས་བཅིངས་སྲོལ་ཡོད་པ་རེད།
     ངག་རྒྱུན་ལྟར་ན་འབྲུག་ཆུའི་བོད་ཀྱི་མོའི་གོས་རྒྱན་ལ་བོད་བཙན་པོའི་ཕོ་བྲང་གི་ལྷ་ལྕམ་གྱི་གོས་རྒྱན་གྱི་ཁྱད་ཆོས་ལྡན་ཡོད་ཟེར།
     འབྲུག་ཆུའི་བོད་ཀྱི་གོས་རྒྱན་གྱི་ཚོན་མདོག་གི་སྦྱོར་སྟངས་ངོས་ནས་བཤད་ན་ཚོན་སྔོན་པོ་དེ་མི་ཉུང་བ་སྤྱད་ཡོད་པ་དང་། དེ་ནི་བོན་གྱི་རིག་གནས་ཀྱིས་ཤུགས་རྐྱེན་ཐེབས་པ་འདྲ་བྱུང་།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...