སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
དགེ་རྒན་ཆེན་མོ་བན་ཁོ་མཚམས་སྦྱོར་མདོར་བསྡུས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-3-16 10:16:00 རྩོམ་ཁུངས། གངས་ལྗོངས་ཉི་གཞོན་དྲ་བ། ཀློག་གྲངས།

     སྤྱི་ལོ1962ལོར་མཚོ་སྔོན་ཁྲི་ཀར་སྐྱེས།
     སྤྱི་ལོ1979ལོར་མཚོ་ལྷོ་ཁུལ་མི་རིགས་དགེ་ཐོན་སློབ་གྲྭ་ནས་མཐར་ཕྱིན་མ་ཐག་དེ་གར་དགེ་རྒན་གྱི་ལས་ཀ་གཉེར།
     1981ལོར་ནུབ་བྱང་མི་རིགས་སློབ་ཆེན་འགྲིམས།
     1988ལོར་གནའ་རབས་བོད་ཀྱི་ཞིབ་འཇུག་འཛིན་གྲྭར་མཐར་ཕྱིན་རྗེས། ཀན་ལྷོ་ཁུལ་རྩོམ་སྒྱུར་ཁང་དུ་བོད་རྒྱའི་ལོ་ཙཱ་དང་གནའ་དཔེ་བསྡུ་སྒྲིག་གི་ལས་སུ་ཞུགས། སྔ་རྗེས་སུ་རྒན་དོར་ཞི་ལགས་སོགས་ཚུལ་བཞིན་དུ་བསྟེན་ཏེ། དབུ་ཕར་ཚད་གསུམ་དང་། ས་ལམ་གྲུབ་མཐའ་བཅས་ལ་ཧུར་བརྩོན་རྡོ་རུས་ཐུག་པ་མཛད།
     1993ལོར་ལྷོ་ནུབ་མི་རིགས་སློབ་ཆེན་དུ་ཕེབས་ཤིང་། སློབ་གྲྭ་དེའི་བོད་རིག་པའི་སློབ་གླིང་གི་འགོ་གཙོའི་འགན་བཞེས་མྱོང་། རྒྱལ་སྲིད་སྤྱི་ཁྱབ་ཁང་གི་ཆེད་གནངས་དངུལ་ཕོག་ལོངས་སུ་སྤྱོད་ཅིང་མཆིས་ལ། སི་ཁྲོན་ཞིང་ཆེན་ཁམས་ཁུལ་རིག་གཞུང་ཞིབ་འཇུག་ལྷན་ཚོགས་ཀྱི་ཚོགས་གཙོ་གཞོན་པ་དང་། བོད་ལྗོངས་སློབ་ཆེན་གྱི་གདན་ཞུའི་སློབ་དཔོན་ཆེན་མོ། ཀྲུང་གོ་མི་རིགས་རིག་པའི་ལྷན་ཚོགས་ཀྱི་ལས་འཛིན་པ་སོགས་ཀྱིས་མཚོན་པའི་འགན་འགའ་ཡང་གཅིག་ལྕོགས་སུ་བཞེས་ཡོད།
     1998ལོ་ནས་བཟུང་སྟེ་སྔ་རྗེས་སུ་ཀྲུང་གོ་མི་དམངས་སློབ་ཆེན་དང་། ཨོ་སི་ཁྲེ་རེ་ཡའི་ཞི་ཉེ་སློབ་ཆེན་དང་ཨ་ཏཱིག་སློབ་ཆེན། ཟེའར་ལན་ཏི་གསར་བའི་དཔལ་ཁཱ་སློབ་ཆེན། ཡོ་རོབ་གླིང་གི་རྒྱལ་ཁབ་གང་མང་དུ་ཕེབས་ཏེ་སློབ་སྦྱོང་དང་ཉམས་ཞིབ་མཛད།
     བོད་ལྗོངས་ཞིབ་འཇུག་དང་མི་རིགས་གནའ་དཔེ་གཉིས་ཀྱིས་མཚོན་པའི་དུས་དེབ་ཁག་ཏུ། 《བོད་ཀྱི་ལོ་རྒྱུས་ལོ་ཙཱ་དང་རིག་གནས་སྣང་ཚུལ་གླེང་བ》། 《ཚད་མའི་བསྟན་བཅོས་ཀྱི་ལོ་ཙཱ་དང་ཉམས་ཞིབ་ལ་དཔྱད་པ》སོགས་བོད་རྒྱ་ཡིག་རིགས་ཟུང་གི་དཔྱད་རྩོམ30ལྷག་སྤེལ།
     མདོར་ན། ཁོང་གིས་དད་བརྩོན་མཇིངས་བསྣོལ་གྱི་གོ་ཆ་ལུས་ལ་བགོས་ཤིང་། དུས་ཀྱི་ཆོ་བབ་ལ་གཞིགས་ཏེ་སྲོལ་རྒྱུན་རིག་གནས་རྒྱུད་འཛིན་དང་མི་རིགས་སློབ་གསོ་གོང་ནས་གོང་དུ་སྤེལ་བའི་ལས་ལ་འབད་བཞིན་ཡོད་དོ།།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...