སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཤོག་གི་རྒྱུན་འཛིན་པ་ཚེ་རིང་རྡོ་རྗེ།
རྩོམ་པ་པོ། ལྷ་མོ་ཚེ་སྐྱིད། རྩོམ་སྒྲིག་པ། Lhamo དུས་ཚོད། 2018-6-21 10:10:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


བོད་ཤོག་གི་རྒྱུན་འཛིན་པ་ཚེ་རིང་རྡོ་རྗེ།

     བོད་ཤོག་ནི་འཕྲུལ་ཆས་ཀྱིས་བཟོ་བའི་ཤོག་བུས་ཚབ་བྱེད་མི་ནུས་ཤིང་། “ཞོལ་འདོད་དཔལ”གྱིས་སྲོལ་རྒྱུན་བོད་ཤོག་གི་ཁྱད་ཆོས་རྒྱུན་སྲུང་བྱས་ཏེ། སྔོན་ཐོན་གྱི་འཕྲུལ་ཆས་ཤོག་བུའི་ལག་རྩལ་དང་བོད་བཙན་པོའི་དུས་སྐབས་སུ་གྲུབ་པའི་བོད་ལྗོངས་སྲོལ་རྒྱུན་ལག་བཟོས་ཤོག་བུ་ལག་རྩལ་ཟུང་སྦྲེལ་སྒོས་རྣམ་པ་གསར་བའི་གྲངས་འཛིན་བོད་ཤོག་དར་སྤེལ་བྱེད་པ་ཡིན། དེ་ནི་མིག་སྔར“ཞོལ་འདོད་དཔལ”གྱིས་གནའ་དཔེ་བསྐྱར་བཤུ་བྱ་བར་སྤྱོད་པ་མ་ཟད། རིག་རྩོམ་ཐོན་རྫས་དང་ཐོན་རྫས་ཐུམ་རྒྱག་སྣ་ཚོགས་སུ་སྤྱོད་པར་བརྒྱུད། བོད་ཤོག་གི་རིག་གནས་རིན་ཐང་དང་ཁྱབ་སྤེལ་ནུས་པ་གཏིང་ཟབ་སྒོས་དར་སྤེལ་བྱེད་པ་ཡིན།

     ཤོག་བཟོའི་ལག་རྩལ་ནི་བོད་ཁུལ་དུ་རྒྱལ་པོ་སུ་ཡི་སྐུ་རིང་དང་དུས་ནམ་ཞིག་དར་ཁྱབ་བྱུང་ཡོད་མེད་དེ་ཁ་ཚོན་གཅོད་ནུས་མཁན་དང་། གཏན་ཚིག་འགོད་མཁན་ཞིག་ནི་བྱུང་མི་འདུག་ནའང་། རྒྱལ་པོ་སྲོང་བཙན་གྱི་དུས་ལ་ཁྱིམ་མཚེས་རྒྱལ་ཁབ་འགའ་ཞིག་ཏུ་བོད་ཤོག་སྟེང་དུ་ཡི་གེ་བྲིས་ནས་སྐུར་བའི་ལོ་རྒྱུས་དཔྱད་གཞིའི་ཡིག་ཆ་འགའ་ཞིག་གི་ནང་དུ་འདུག་པས། དེར་བརྟག་ན། ད་ལྟ་ནས་ཡར་ལ་རྩིས་པའི་ལོ1300གོང་ནས་བོད་ཁུལ་དུ་ཤོག་བཟོ་དར་ཟིན་ཡོད་པ་ཤེས་ཐུབ་བོ།། རྒྱལ་པོ་ཁྲི་སྲོང་གི་དུས་སུ་རྒྱ་གར་ནས་བོད་དུ་བསྒྱུར་བའི་བོད་ཡིག་གི་གསུང་རབ་ཚང་མ་ཤོག་དྲིལ་བྱས་ཏེ་ཡིག་འབྲུ་དགུ་སྟོང་དྲུག་བརྒྱ་ལ་བམ་པོ་གཅིག་སྟེ། པོད་གཅིག་གི་ཚད་དུ་རྩིས་པ་ལ་སོགས་པའི་ལོ་རྒྱུས་ཤིན་ཏུ་མང་པོ་ཡོད་པ་དུང་དཀར་ཚིག་མཛོད་སོགས་ལས་གསལ་ལོ།།

     “སྙེ་མོའི་རྒྱན་གསུམ”གྱི་སྙེ་མོའི་བོད་ཤོག་ནི་བོད་ཁུལ་ཡོངས་སུ་སྙན་གྲགས་རྒྱས་ཤིང་། ད་ལྟའི་བར་ལོ་ངོ1300ལྷག་གི་ལོ་རྒྱུས་ལྡན་པ་དང་། ཁྱད་དུ་འཕགས་པའི་ལག་རྩལ་ཁྱད་ཆོས་ལྡན་ལ། བོད་རིགས་མི་དམངས་ཀྱི་བློ་གྲོས་འཛོམས་ཡོད། དེའི་ཐོན་གནས་གཙོ་བོ་ནི་ལྷ་ས་གྲོང་ཁྱེར་སྙེ་མོ་རྫོང་དར་རོང་གྲོང་རྡལ་ཞོ་ལེགས་གྲོང་ཚོ་ཡིན་པ་དང་། 2008ལོར་སྙེ་མོའི་བོད་ཤོག་བཟོ་རྩལ་དེ་རང་སྐྱོང་ལྗོངས་རིམ་པའི་གཟུགས་འདས་ཤུལ་བཞག་རིག་གནས་ཀྱི་གྲས་སུ་ཚུད།
ཚེ་རིང་རྡོ་རྗེ་དང་བོད་ཤོག་གི་ལས་འབྲེལ།
     1951ལོར། ཚེ་རིང་རྡོ་རྗེ་་སྙེ་མོ་རྫོང་དར་རོང་གྲོང་རྡལ་གྱི་བོད་ཤོག་བཟོ་བའི་ཁྱིམ་རྒྱུད་དུ་སྐྱེས་ཤིང་། ཁྱིམ་རྒྱུད་འདིའི་བོད་ཤོག་བཟོ་མཁན་མི་རབས་གསུམ་པ་དེ་རེད། 1959ལོར་ལོ་ངོ་བརྒྱད་ལ་ཟིན་པའི་ཚེ་རིང་རྡོ་རྗེ་ཕ་རྒན་དང་འགྲོགས་སྟེ་བོད་ཤོག་བཟོ་བར་སློབ་སྦྱོང་བྱས། སྐབས་དེར་གྲོང་ཚོ་དེར་དུད་ཁྱིམ16གིས་བོད་ཤོག་བཟོ་བཞིན་ཡོད་ལ། མང་ཆེ་ཤོས་ཀྱིས་བོད་ཤོག་བཟོ་བ་ནི་རྒྱུས་མེད་ཀྱི་ལག་ཐབས་ལྟ་བུ་ཞིག་ཏུ་སྣང་།


བུ་རྒན་པ་སྐལ་བཟང་བསྟན་འཛིན།

     དེ་ཡང་ས་གནས་མང་ཆེ་བར་ཤོག་བུ་དགོས་མཁོ་ཆེ་ཞིང་ནང་འདྲེན་བྱེད་པ་མང་བས། སྙེ་མོ་རྫོང་དུའང་བཟོ་ལས་རང་བཞིན་གྱི་ཤོག་བུ་བཟོ་རྩལ་དར་བར་ལག་ཤེས་སྒྱུ་རྩལ་ཉམ་ང་བ་དང་། ལུས་རྩོལ་ངལ་རྩོལ་ཆེན་པོ་དང་ཐོན་སྐྱེད་ཉུང་བའི་བོད་ཤོག་ལ་དེ་འགྲན་རྩོད་ཅན་གྱི་གནས་སུ་ལྷུང། སྐབས་དེར་ཚེ་རིང་རྡོ་རྗེའི་ཁྱིམ་དུའང་བོད་ཤོག་བཟོ་བར་མཚམས་འཇོག་བྱས། ཁྱིམ་ཚང་གི་ཆེད་དུ་ཚེ་རིང་རྡོ་རྗེས་ལོ3ལ་ཤིང་བཟོ་བསླབ་ཏེ། ལོ་ངོ13ལ་རུ་ཁག་གི་རྩིས་གཉེར་བ་བྱས། འོན་ཀྱང་ནམ་ཡང་སེམས་སུ་ངེས་པར་དུ་ཕ་མེས་ནས་བརྒྱུད་པའི་བོད་ཤོག་གི་ལག་ཤེས་རྒྱུད་འཛིན་བྱེད་དགོས་པར་སྙམ།
     1985ལོར། བོད་རང་སྐྱོང་ལྗོངས་ཡིག་ཚགས་ཁང་གིས་དཔེ་རྙིང་སླར་གསོ་བྱེད་པར་བོད་ཤོག་འབོར་ཆེན་དགོས་པ་རེད། ཁོང་ཚོས་ཚེ་རིང་རྡོ་རྗེ་བཙལ་ཞིང་། ཁོང་ལ་ལོ་ངོ18ཀྱི་བོད་ཤོག་བཟོ་བའི་གན་རྒྱ་བཞག་ཅིང་། གོ་སྐབས་དེ་དང་བསྟུན་ནས་ཚེ་རིང་རྡོ་རྗེའི་བོད་ཤོག་བཟོ་བའི་རྟོགས་པ་སད་དེ་ཁྱིམ་ཚང་ཧྲིལ་པོས་རྒྱབ་སྐྱོར་གནང་། ཚེ་རིང་རྡོ་རྗེས་བོད་ཤོག་བཟོ་བའི་ལག་ཤེས་ཉམས་རྒུད་དུ་གྱུར་བ་སླར་གསོ་བྱས་ཤིང་། སྔར་ལས་ལྷག་པའི་བོད་ཤོག་ལག་ཤེས་རྒྱུན་འཛིན་དང་དར་སྤེལ་བྱས།


ཚ་བོ།

     དབྱར་ཟླ6པ་ཚེས་མ་ཐག།མེ་ཏོག་རྣམ་པར་བཞད་པའི་ཚེ་རིང་རྡོ་རྗེའི་རེ་ལྕག་མེ་ཏོག་བསྡུ་བའི་དུས་ལ་སླེབས་ཡོད། ལོ68ལ་སླེབས་པའི་ཚེ་རིང་རྡོ་རྗེས་ཞིབ་ཚགས་ངང་ཞིང་ཁར་བཟོ་བཅོས་བྱས་ཡོད། ཚེ་རིང་རྡོ་རྗེ་ནི་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཞོ་ལེགས་བོད་ཤོག་གི་རྒྱུན་འཛིན་པ་ཡིན་ཞིང་། རེ་ལྕག་ནི་ཞོ་ལེགས་བོད་ཤོག་གི་རྒྱུ་ཆ་གཙོ་བོ་ཡིན་ལ། ཚེ་རིང་རྡོ་རྗེའི་སྤོ་བོ་དང་ཨ་ཕ་རྣམས་ཀྱིས་ཀྱང་བོད་ཤོག་ལ་བརྟེན་ནས་འཚོ་བ་སྐྱེལ་ཞིང་། བོད་ཤོག་གི་ལག་རྩལ་དག་རྗེས་རབས་པ་ཁོང་ལ་རྒྱུད་སྤྲོད་གནང་བ་རེད།

ཟུར་བཀོད།
     རེ་ལྕག་ནི་ལོ་མང་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན་ཞིང་། རྩ་བ་ཐལ་མདོག་ནང་སྐྱ་ལ་སོབ་པ་ཆིག་རྐྱང་གི་སྨད་ཆ་ནས་རྩ་ཕྲན་ཁ་ཤས་གྱེས་ཤིང་རྟིང་པ་རིང་ཙམ་ཡོད་པ་དང་། སྡོང་པོ་ཕྲ་ཞིང་ཡལ་ག་མེད་པ་མང་པོ་མཉམ་དུ་དྲང་པོར་སྐྱེ་ཞིང་། ལོ་མ་ལྗང་སྐྱ་མཐུག་ཅིང་འཇམ་པ་སྒོང་དབྱིབས་འདྲ་བའི་མཐའ་མཉམ་ཞིང་ངར་བ་ཐུང་ངུ་རེས་མོས་སུ་སྐྱེ་བ། མེ་ཏོག་དཀར་ལ་དམར་མདངས་ལྡན་པ་ཆུང་ལ་མང་པོ་གདུགས་འཁྱིལ་མེ་ཏོག་བང་རིམ་དུ་སྡོང་པོའི་རྩེར་འཆར་ཡོད། བོད་ཤོག་བཟོ་བའི་རྒྱུ་ཆ་ཡང་ཡིན།
     འཁྲུངས་དཔེ་རུ། རེ་ལྕག་ལོ་མ་མཐུག་ལ་སྣུམ། ། སྡོང་པོ་ཐང་ཤིང་གཤིབས་པ་འདྲ། ། མེ་ཏོག་དམར་པོ་མདངས་དང་ལྡན། ། ཞེས་བསྟན་པ་ལྟར་འདི་ནི་ལོ་མང་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན་ཞིང་། རྩ་བ་ཐལ་མདོག་ནང་སྐྱ་ལ་སོབ་པ་ཆིག་རྐྱང་གི་སྨད་ཆ་ནས་རྩ་ཕྲན་ཁ་ཤས་གྱེས་ཤིང་རྟིང་པ་རིང་ཙམ་ཡོད་པ་དང་། སྡོང་པོ་ཕྲ་ཞིང་ཡལ་ག་མེད་པ་མང་པོ་མཉམ་དུ་དྲང་པོར་སྐྱེ་ཞིང་། ལོ་མ་ལྗང་སྐྱ་མཐུག་ཅིང་འཇམ་པ་སྒོང་དབྱིབས་འདྲ་བའི་མཐའ་མཉམ་ཞིང་ངར་བ་ཐུང་ངུ་རེས་མོས་སུ་སྐྱེ་བ།  མེ་ཏོག་དཀར་ལ་དམར་མདངས་ལྡན་པ་ཆུང་ལ་མང་པོ་གདུགས་འཁྱིལ་མེ་ཏོག་བང་རིམ་དུ་སྡོང་པོའི་རྩེར་འཆར་ཡོད།     
     《མཚོ་བོད་ས་མཐོའི་རྒྱུན་མཐོང་སྔོ་སྨན》གྱི་ནང་དུ་རེ་ལྕག་པའི་མེ་ཏོག་གི་ཁྱད་ཆོས་ལ། ལོ་མང་སྐྱེ་བའི་རྩྭ་ལྡུམ་ཞིག་ཡིན། མཐོ་ཚད་ལ་ལི་སྨི15-30བར་མཆིས། རྩ་བ་སྦོམ་ཞིང་ཆེ། ཀ་ཟླུམ་དབྱིབས་དང་ཤིང་རྒྱུ་ཡིན། གཞུང་རྟ་མང་ལ་ཚོམ་བུར་སྐྱེ། མདོག་རྒྱ་སྨུག་ཡིན། ལོ་མ་རྐྱང་པ་ཡ་སྡེབ་ཏུ་སྐྱེས།  མཐའ་ཆུང་སྒོང་དབྱིབས་ནས་ལྕེའི་དབྱིབས་ཡིན། མགོའི་དབྱིབས་མེ་ཏོག་ཆུན་པོ་སྡོང་རྩེར་ཆགས། མེ་ཏོག་མ་བཞད་སྔོན་ལ་མུ་ཟི་རྐང་གཅིག་གི་མགོ་འདྲ། མེ་ཏོག་ཤུན་སྐོགས་མེ་ཏོག་གི་སྐོགས་ཤུན་དབྱིབས་དང་། ལྟེ་ངོས་དཀར་པོ་དང་། རྒྱབ་ངོས་དམར་སྨུག་ཡིན།

 


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...