སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བཅོས་སྒྱུར་སྒོ་འབྱེད་ལོ་ངོ40ཁྲོད་ཕུལ་བྱུང་བྱས་རྗེས་བྱ་དགའ་ཐོབ་མཁན་ཉི་མ་དོན་གྲུབ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-12-20 10:57:00 རྩོམ་ཁུངས། མི་དམངས་དྲ་བ། ཀློག་གྲངས།

     ཉི་མ་དོན་གྲུབ། སྐྱེས་པ། བོད་རིགས། ཀྲུང་གུང་ཏང་ཡོན། 1965ལོའི་ཟླ་6པར་སྐྱེས། བོད་རང་སྐྱོང་ལྗོངས་མངའ་རིས་ས་ཁུལ་སྒེར་རྩེ་རྫོང་འོ་མ་ཤང་ཆམས་འགུག་གྲོང་ཚོའི་ཏང་ཀྲི་པུའུ་ཧྲུའུ་ཅི།
     ཁོང་གིས་སྣེ་འདྲེན་པའི་ནུས་པ་གང་ལེགས་སུ་བཏོན་ནས། མི་རིགས་མཐུན་སྒྲིལ་གྱི་བྱ་འགུལ་ལ་དངོས་སུ་ཞུགས་ཤིང་། སྒོ་ཟོག་མ་རྩར་འཇོག་པ་དང་། ངལ་རྩོལ་མ་རྩར་འཇོག་པ། དུད་ཁྱིམ་སྦྲེལ་ནས་ཟོག་འཚོ་བ། རྩྭ་ར་འཁོར་རྒྱུག་བཅས"མ་འཇོག་བཞི"ཡི་ཐབས་ཤེས་ལ་བརྟེན་ནས་མཉམ་ལས་ཁང་གཉེར་སྐྱོང་བྱས་པ་དང་། ཐོན་ཁུངས་བསྡུ་སྒྲིལ་བྱས་ནས་གྲོང་ཚོའི་ཐུན་མོང་དཔལ་འབྱོར་གཞི་ཁྱོན་ཅན་གྱི་འཕེལ་རྒྱས་ཡོང་བར་སྐུལ་འདེད་གཏོང་བ། "ངལ་རྩོལ་ནུས་ཤུགས་གཅིག་གྱུར་བཀོད་སྒྲིག་དང་། རྩྭ་ར་གཅིག་གྱུར་དོ་དམ། ཕྱུགས་ལས་ཐོན་རྫས་གཅིག་གྱུར་ཉོ་འཚོང་། དཔལ་འབྱོར་ཡོང་འབབ་གཅིག་གྱུར་བགོ་འགྲེམ། ངལ་རྩོལ་ནུས་ཤུགས་མེད་མཁན་དང་རྒན་རྒོན་ཁེར་རྐྱང་གཅིག་གྱུར་འཚོ་སྐྱོང་བྱེད་པ། སློབ་གྲྭར་ཡོད་མཁན་སློབ་མ་ལ་སྐར་གྲངས་གཅིག་གྱུར་སྤྲོད་པ"བཅས"གཅིག་གྱུར་དྲུག"གི་ལས་རིམ་རྣམ་པ་འཚོལ་ཞིབ་དང་ཕྱོགས་བསྡུས་བྱས་ཏེ། འབྲོག་པའི་དུད་ཁྱིམ་དང་གྲོང་ཚོའི་གཉེར་སྐྱོང་སྡེ་ཚན་བར"ཐོན་ལས་དང་ཐོན་རྫས་མཉམ་འབྲེལ"དང་"མ་རྩ་དང་ཁེ་ཕན་མཉམ་འབྲེལ"བྱེད་པར་སྐུལ་འདེད་བཏང་སྟེ། གྲོང་མི་ཚོའི་སྤྱི་གཞུང་གི་འདུ་ཤེས་དང་། མཉམ་ལས་ཀྱི་འདུ་ཤེས། ཁྲོམ་རའི་འདུ་ཤེས་བཅས་ཇེ་མཐོར་བཏང་ཡོད། སྔོན་མའི་རགས་ལས་ཅན་གྱི་གཉེར་སྐྱོང་ནས་ལེགས་བསྡུས་ཞིབ་གཉེར་ཅན་གྱི་གཉེར་སྐྱོང་དུ་བསྒྱུར་བ་དང་། མང་ཚོགས་ཀྱི་ཡོང་འབབ་ལ་འགན་སྲུང་དང་རྒྱུན་མཐུད་ལ་ཁག་ཐེག་བྱས་པ་རེད།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...