སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
《ཧ་ལས་དགོས་པའི་བཟོ་བོ》དུས་ཐེངས་གསུམ་པ་སྟོན་ལ་ཉེ།
རྩོམ་པ་པོ། བཀྲ་རྒྱལ་གྱིས་བསྒྱུར། རྩོམ་སྒྲིག་པ། Lhamo དུས་ཚོད། 2018-1-15 10:20:00 རྩོམ་ཁུངས། ཀྲུང་གོའི་བོད་ལྗོངས་དྲ་བ། ཀློག་གྲངས།


སྐུ་མགྲོན་གྱིས《ཧ་ལས་དགོས་པའི་བཟོ་བོ》དུས་ཐེངས་གསུམ་པ་སྤེལ་འགོ་ཚུགས་པ།


བཟོ་བོའི་འཐུས་མི། ཐང་ག་ལྷ་རིས་ཆེན་མོ་བསྟན་འཛིན་ཕུན་ཚོགས(གཡོན་གྱི་གཉིས་པ)སོགས་སྐུ་མགྲོན་མཛད་སྒོར་ཞུགས་པ།


《ཧ་ལས་དགོས་པའི་བཟོ་བོ》དུས་ཐེངས་གཉིས་པའི་ནང་གི་སྡེ་དགེ་དཔར་ཁང་ཆོས་དཔེ་དཔར་བརྐོས་བཟོ་རྩལ་རྒྱུན་འཛིན་པ་ཕུན་ཚོགས་ཚེ་རིང་།

     སྤྱི་ཟླ1པོའི་ཚེས9ཉིན། མུ་འབྲེལ་དངོས་བཤུས་གློག་བརྙན་ཐུང་གྲས《ཧ་ལས་དགོས་པའི་བཟོ་བོ》དུས་ཐེངས་གསུམ་པའི་ཡོངས་བསྒྲགས་ཚོགས་འདུ་པེ་ཅིང་དུ་སྤེལ་འགོ་ཚུགས་པ་དང་། དུས་ཐེངས་གསུམ་པའི་མཚན་འཛིན་ལྟ་ཞིབ་སྒྲིག་བཟོ་བ། འཁྲབ་ཁྲིད་པ་ཀྲང་དབྱང་དང་། བཟོ་བོའི་འཐུས་མི། ཐང་ག་ལྷ་རིས་པ་བསྟན་འཛིན་ཕུན་ཚོགས་སོགས་སྐུ་མགྲོན་འགོ་ཚུགས་མཛད་སྒོར་ཞུགས་ཡོད་འདུག
     དགེ་སློབ་ནི་ལག་རྩལ་ཁྲིད་སྦྱོང་བྱེད་པའི་བརྒྱུད་རིམ་ཁྲོད་གཡོལ་ཐབས་མེད་པའི་མི་དང་མིའི་བར་གྱི་འབྲེལ་བ་ཞིག་ཡིན་ཏེ། ཇི་ལྟར་སྲོལ་རྒྱུན་ལ་བརྩི་འཇོག་བྱེད་པའི་རྨང་གཞིའི་ཐོག་གསར་གཏོད་དར་སྤེལ་གཏོང་རྒྱུ་ནི་དགེ་སློབ་གང་ཡིན་རུང་ངེས་པར་དུ་མདུན་དུ་ལྷགས་པའི་གདམ་ག་ཞིག་ཡིན་སྲིད། དུས་ཐེངས་འདིའི《ཧ་ལས་དགོས་པའི་བཟོ་བོ》ཡིས་“དགེ་རྒན་ཤར་ནས་བྱོན”ཞེས་པ་བརྗོད་གཞི་གཙོ་བོར་བཟུང་ནས་ཤར་ཕྱོགས་རིག་གནས་མ་ལག་ཁྲོད་ཀྱི་དགེ་སློབ་གོ་དོན་མཚོན་ཡོད་པ་དང་། ལག་རྩལ་ཕུད་པའི་བློ་ཐབས་མཁས་པོའི་སྐོར་ཡང་འཆད་ཡོད་པ་རེད།
     ཀྲང་དབྱང་གིས།《ཧ་ལས་དགོས་པའི་བཟོ་བོ》ནི་མྱུར་ཚད་ཤིན་ཏུ་མགྱོགས་པའི་སྒོ་ནས་་ཟིན་ཐོ་བཀོད་རིན་ཡོད་པའི་བྱ་དངོས་དག་ཟིན་ཐོར་བཀོད་པ་ཞིག་སྟེ། འཁྲབ་ཁྲིད་པ་ཞིག་གི་ངོས་ནས། ངས་ནི་དེ་ལས་ཀྱང་མིའི་ལུས་སྟེང་གི་དོན་སྙིང་ལྡན་པ་དག་མངོན་འདོད་ཡོད་ལ། མི་ཨང་དང་པོར་བཞག་པ་ཡིན”ཞེས་བརྗོད་བྱུང་།
     བསྟན་འཛིན་ཕུན་ཚོགས་ནི་དངོས་བཤུས་གློག་བརྙན་འདིའི་དུས་ཐེངས་གཉིས་པའི་བརྙན་ལེན་ཡུལ་གཙོ་བོ་ཡིན་ལ། དངོས་བཤུས་གློག་བརྙན་དེ་བསྟན་རྗེས། ཁོས་བཙུགས་པའི་ཐང་གའི་སློབ་གྲྭའི་སློབ་མ་ནི་དེ་སྔོན་ལས་ལྡབ་གཅིག་གིས་མང་བར་གྱུར་ཞིང་།  དེ་དག་ནི་ཕལ་ཆེ་བ་ཞིང་འབྲོག་ཁུལ་ནས་འོང་པ་ཡིན་ལ། དེའི་ནང་ད་དུང་ཨ་རི་ནས་ཡོང་བའི་སློབ་མ་ཡང་ཡོད་པ་རེད།
     དངོས་བཤུས་གློག་བརྙན་ཐུང་གྲས《ཧ་ལས་དགོས་པའི་བཟོ་བོ》ནི་ཀྲི་ལོའུ་ན་གཞོན(ཀྲུང་གོ)རིག་གནས་ཚད་ཡོད་ཀུང་སིས་བཟོས་པ་ཡིན་ལ། བརྙན་མིག་ནི་བཟོ་བོའི་ལག་རྩལ་འཚོ་བར་གཏད་དེ། གོས་འཐག་དང་ཚོན་རྩིའི་ཡོ་བྱད། ཐང་ཀ རླུང་གཡབ། ཆོས་དཔེ་དཔར་བརྐོ་སོགས་ཕྱོགས་མང་པོར་ཁྱབ་ཡོད་ལ། བྱེ་བྲག་ཏུ2016ལོ་དང2017ལོར་སྔ་མའི་དུས་ཐེངས་གཉིས་ཡོངས་བསྒྲགས་བྱས་པ་ཡིན་ལ།  བཟོ་རྩལ་ཐོན་རྫས་རྩེར་སོན་དང་བཟོ་རྩལ་ཐོན་རྫས་རྒྱབ་ཀྱི་སེམས་འགུལ་ཐེབས་པའི་གཏམ་རྒྱུད་དེས་ལྟད་མོ་བ་མང་པོའི་ཡིད་དབང་བཀུག་ཡོད་ཅིང་། དྲ་རྒྱའི་སྟོན་ཚད་དུང་ཕྱུར2ལས་བརྒལ་བ་རེད།
     ཡུལ་དངོས་ནས་ཐེངས་དང་པོར་དུས་ཐེངས་གསུམ་པའི་ལེའུ་དང་པོ་བསྟན་པ་དང་།  དགེ་རྒན་དང་དགེ་ཕྲུག་བར་གྱི་ཁྲིད་སྟོན་དང་སློབ་སྦྱོང་། རོགས་ལས་དང་འགལ་རྩོད་བརྗོད་པ་རེད། ཤེས་རྟོགས་བྱུང་བར་གཞིགས་ན། 《ཧ་ལས་དགོས་པའི་བཟོ་བོ》དུས་ཐེངས་གསུམ་པ་དེ་ཟླ1 པོའི་ཚེས18 ཉིན་ཡོའུ་ཁོའུ་དྲ་བར་ཐོག་མར་སྟོན་རྒྱུ་རེད་འདུག


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...