སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཨ་ཁུ་སྟོན་པས་རྒྱལ་བོར་ཁྱི་སྐད་སྒྲོག་ཏུ་བཅུག་པ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2014-7-22 10:04:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
     ལོ་གསར་གྱི་ཉིན་མོ་ནི་བོད་ལ་མཚོན་ན་ཧ་ཅང་ཐུན་མོང་མ་ཡིན་པའི་ཉིན་མོ་ཞིག་ཡིན་ལ།  ཉིན་འདིར་ཁྱིམ་ཚང་རེ་རེས་རང་ཉིད་ཀྱི་ལེགས་སྐྱེས་གང་བཟང་འཁྱེར་ནས་རྒྱལ་བོར་མཇལ་དུ་འགྲོ་བ་ཡིན། 
     ལོ་ཞིག་གི་ལོ་གསར་ཚེས་གཅིག་གི་ཉིན་ལ། སྡེ་མི་རྣམས་ཀྱིས་ཨ་ཁུ་སྟོན་པ་ལམ་དུ་འགྲོ་བཞིན་པ་མཐོང་བས། ཨ་རོགས་ཨ་ཁུ་སྟོན་པ། ཁྱོད་གང་དུ་འགྲོ་བཞིན་ཡོད་དམ། ཞེས་དྲིས་པ་ན། ཨ་ཁུ་སྟོན་པས་ང་རྒྱལ་བོར་མཇལ་དུ་འགྲོ་བཞིན་ཡོད་ལ། ངས་རྒྱལ་བོར་ཁྱི་སྐད་སྒྲོག་ཏུ་འཇུག་ཐུབ་ཅེས་ལན་བཏབ།
     སྡེ་མི་རྣམས་ཀྱིས་ཁྱོད་ཀྱིས་རྒྱལ་བོར་ཁྱི་སྐད་སྒྲོག་ཏུ་འཇུག་མི་ནུས་སོ།།  ཞེས་ཨ་ཁུ་སྟོན་པར་བཤད། ཕོ་བྲང་དུ་རྒྱལ་བོ་ཁྲི་ལ་བཞུགས་ཤིང་སྡེ་མི་རྣམས་ཀྱིས་རྒྱལ་པོ་ལ་རང་རང་གི་ལེགས་སྐྱེས་ཕུལ་ཞིང་རྒྱལ་བོས་ཁོ་ཚོ་ལ་ཞིམ་མངར་ལྡན་པའི་ཟས་སྩོལ་བཞིན་ཡོད།
     གློ་བུར་དུ་ཨ་ཁུ་སྟོན་པ་ཕོ་བྲང་དུ་ཐོན་པས་རྒྱལ་བོས་ཅུང་ཙམ་ཡ་མཚན་པའི་ངང་ནས།  སྙིང་ཉེ་བའི་ཨ་ཁུ་སྟོན་པ་ལགས། ཁྱོད་ཡུན་རིང་ཞིག་ལ་མ་མཐོང་བས་གང་དུ་སོང་བ་ཡིན། ཞེས་དྲིས་པ་ན། བརྩེ་ལྡན་གྱི་རྒྱལ་བོ་ལགས།  ང་ཁྱེད་ལ་ཐུན་མོང་མ་ཡིན་པའི་ལེགས་སྐྱེས་ཤིག་འཚོལ་དུ་ཕྱིན་པ་ཡིན།  ངས་ཁྱེད་ལ་ཧ་ཅང་ངོ་མཚར་ལྡན་པའི་ཁྱི་ཞིག་ཉོ་འདོད་སྐྱེས། ཨ་ཁུ་སྟོན་པས་དེ་ལྟར་ལན་བཏབ།
     དེ་ཕྱིར་རྒྱལ་བོས་ཅུང་ཙམ་ཡ་མཚན་པའི་ངང་ནས། འོ་ན་ཁྱི་དེའི་ཟུག་སྐད་ག་འདྲ་འདུག་གམ་ཞེས་ཨ་ཁུ་སྟོན་པར་དྲིས། ཨ་ཁུ་སྟོན་པས་མུའུ། མུའུ་ཞེས་གྲགས་པ་རེད་ཅེས་བཤད་པ་ན། རྒྱལ་བོས་ཁྱི་བཟང་བོ་ཞིག་གི་སྐད་ནི་དེ་འདྲ་མ་ཡིན་ཏེ། དེ་ནི་བྱི་ལ་ཞིག་གི་སྐད་རེད། ཅེས་བཤད། 
     དེ་ནས་ཨ་ཁུ་སྟོན་པས་ཕྱིར་རྒྱལ་བོ་ལ། བརྩེ་ལྡན་གྱི་རྒྱལ་བོ་ལགས། འོ་ན་ཁྱི་བཟང་བོ་ཞིག་གི་སྐད་ནི་ཅི་འདྲ་ལགས་སམ།ཞེས་དྲིས་པ་ན། རྒྱལ་བོས་ཨ་ཁུ་སྟོན་པའི་མདུན་ནས་ལག་ཟུང་ས་ལ་བཙུགས་ཤིང་ཁ་ནས་ཝའོ། ཝའོ། ཞེས་སྒྲ་གྲགས་པ་དང་རྒྱལ་བོའི་སྐད་སྒྲ་དེ་ཁྱིའི་ཟུག་སྐད་དང་ཤིན་ཏུ་མཚུངས་པས་མི་རྣམས་ཧ་ལས་པར་གྱུར་ཏོ།།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
正在加载评论列表...