སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
སྟག་གཟིག་འོལ་མོ་ལུང་རིངས་ཀྱི་ཡུལ་ལ་དཔྱད་པ།
རྩོམ་པ་པོ། མཁར་ནག་སྐལ་བཟང་རྒྱ་མཚོ། རྩོམ་སྒྲིག་པ། Lhamo དུས་ཚོད། 2017-11-13 11:36:00 རྩོམ་ཁུངས། 2011ལོའི«ཀྲུང་གོ་བོད་རིག་པ»དེབ་བཞི་བ་ལས་བཤུས། ཀློག་གྲངས།
     དེང་སྐབས་རྒྱལ་ཁབ་ཕྱི་ནང་ན་བོད་ཀྱི་ལོ་རྒྱུས་ལ་ཞིབ་འཇུག་བྱེད་མཁན་ཤིན་ཏུ་མང་ལ། དེ་དག་ལས་བན་ལུགས་ཀྱི་ཡིག་ཆ་གཙོ་བོར་བཟུང་ནས་བོན་གྱི་བཞེད་དོན་རྣམས་སྣང་མེད་དུ་གཡུགས་པའི་སྔ་རབས་ཀྱི་མཁས་པ་དག་དང་མི་འདྲ་ཞིང་། བོན་གྱི་བཀའ་དང་བཀའ་རྟེན་དག་ལ་ཞིབ་འཇུག་བྱས་ནས། བོད་གནའ་རབས་ཀྱི་ལོ་རྒྱུས་ཀྱི་བདེན་དོན་འཚོལ་ཞིབ་བྱེད་མཁན་ཀྱང་མང་པོ་ཡོད། ཁོང་རྣམས་ཀྱིས་གྲུབ་མཐའི་ཕྱོགས་ཞེན་གྱི་རྒྱ་རུ་མ་ཚུད་ཅིང་། བློ་གཟུར་བོར་གནས་པའི་སྒོ་ནས་ཞིབ་འཇུག་ཡང་དག་པ་བྱེད་པ་ནི། བདག་ཅག་གསར་སྐྱེས་རྣམས་ཀྱི་མིག་གིས་ལྟ་ས་དང་སློབ་སྦྱོང་བྱེད་སའི་དཔེ་ལེགས་ཀྱང་ཡིན། དེ་དག་གིས་ཞིབ་འཇུག་བྱེད་སྐབས་གྲུབ་མཐའ་དང་མཁས་པ་གང་ཞིག་གི་བཞེད་ཚུལ་དང་མི་མཐུན་པའི་ལྟ་བ་འགའ་རེ་ཡོད་ནའང་། དེ་ནི་དངོས་དོན་གྱི་ནོར་བུ་འཚོལ་བའི་ལམ་གྱི་འགྲོ་རིམ་ཞིག་ཡིན་པ་ལས། ཆེད་དུ་གྲུབ་མཐའམ་མཁས་པ་དེ་ལ་འགྲན་བསློངས་པའི་རྒྱུ་མཚན་ཞིག་གཏན་ནས་མིན། འོན་ཀྱང་དེ་འདྲའི་བློ་ཟུར་བོར་གནས་པའི་མཁས་པ་ནི་གྲངས་འབོར་ཆེར་མེད་པ་རེད། དེ་ལས་ལྡོག་སྟེ་ཐམས་ཅད་མཁྱེན་པའི་སངས་རྒྱས་རྣམས་ཀྱིས་གསུང་བའི་གཞུང་ལུགས་ཀྱི་ཕྱོགས་ཙམ་ཡང་མི་ཤེས་པར། ངའི་གྲུབ་མཐའ་ནི་འདི་དང་འདིའོ་ཞེས་རིས་སུ་བཅད་ནས་དེའི་ཕྱོགས་ཀྱི་ཁ་འཛིན་བྱེད་མཁན་དེ་བས་ཀྱང་མང་། ཕྱོགས་གཉིས་པོ་འདིའི་གང་དུ་གཏོགས་ཀྱང་དེ་དག་གི་ནང་ནའང་སྐྱོན་ཅུང་ཟད་ཙམ་ཡང་མེད་པར་ཐམས་ཅད་བདེན་པ་འབའ་ཞིག་ཀྱང་ཡིན་མི་སྲིད། དེས་བས་གཡུང་དྲུང་བོན་རྣམས་ཀྱིས་རྒྱུན་པར་བཞེད་པའི་སངས་རྒྱས་སྟོན་པ་གཤེན་རབ་ཀྱི་འཁྲུངས་ཡུལ་སྟག་གཟིག་འོལ་མོ་ལུང་རིངས་ཀྱི་སྐོར་ལའང་མཁས་པ་རྣམས་བཞེད་ཚུལ་མི་མཐུན་པ་མང་པོ་ཡོད། ཁོ་བོ་ཡང་འདིའི་སྐོར་ཅུང་ཟད་དཔྱད་པ་ལ་ཤིན་ཏུ་སྤྲོ་སྟེ། འདིའང་གཟུར་གནས་རྣམས་ཀྱི་སྤྱན་སྔར་བསྟར་ན།དེ་དག་གིས་མཛུབ་སྟོན་རེ་གནང་རྒྱུ་དང་རང་གི་ཤེས་རྟོགས་གོང་འཕེལ་དུ་ཨེ་འགྲོ་ལ་དམིགས་ནས་བྲིས་པ་ཡིན་པས། བདེན་པ་བས་ནོར་འཁྲུལ་མང་ངེས་ཏེ་ཞིབ་འཇུག་ལ་གསར་ཞུགས་ཡིན་པ་དང་ཚུར་མཐོང་གི་བྱིས་པའི་བློ་ཅན་ཡིན་པས་ཀྱང་ངོ་།།
     དེ་ལ་དེང་སྐབས་སྟག་གཟིག་འོལ་མོ་ལུང་རིངས་ཀྱི་ཡུལ་ངོས་འཛིན་དུས་བཤད་ཡམ་འདི་འདྲ་ཞིག་རྒྱུན་འབྱམས་སུ་སོང་ཡོད་དེ། “དུས་ཕྱིས་ཀྱི་བོན་པོ་ཚོས་བོན་གྱི་ཁུངས་དེ་སྟག་གཟིག་གི་ཡུལ་ལམ། དེང་དུས་ཀྱི་པར་སིག་ལ་གཏུག་སྲོལ་ཡོད་འདུག་པ་ནི། བོད་ཀྱི་བན་དེ་ཚོས་ཆོས་ཀྱི་འབྱུང་ཁུངས་རྒྱ་གར་ཡིན་པར་བརྟེན། རྒྱ་གར་ནས་གང་བྱུང་བ་དེ་དག་ཁུངས་ལྡན་དང་རྩ་འགངས་ཆེན་པོར་བརྩིས་སྟབས། བོད་ནས་གང་བྱུང་བ་ཐམས་ཅད་རང་ཤུགས་ཀྱིས་རྩིས་ཐང་ཆུང་བར་བལྟ་བའི་སྲོལ་ཞིག་བྱུང་མྱོང་ཡོད་པ་ལྟར། ཕྱིས་ཀྱི་བོན་པོ་རྣམས་ལའང་དེའི་ཤན་ཞུགས་ནས་བོན་གྱི་འབྱུང་ཁུངས་དེ་བོད་ཀྱི་མངའ་ཁོངས་ལས་གཞན་པའི་ཡུལ་སྟེ་པར་སིག་ལ་གཏུག་པའི་སྲོལ་དེ་བྱུང་ཡོད་པ་ནི་གོར་མ་ཆགས། གནའ་རབས་བོན་གྱི་སྟོན་པ་གཤེན་རབ་མི་བོ་ཆེ་ཞལ་བཞུགས་པའི་དུས་དང་། དེ་རྗེས་ཙམ་ན། སྟག་གཟིག་གི་ཡུལ་དུ་བོན་གྱི་གཤེན་པོ་མཁས་པ་དང་གྲུབ་པ་བརྙེས་པ་དུ་མ་ཞིག་བྱུང་མྱོང་བ་དེའི་རྒྱུ་མཚན་གྱིས་བོན་གྱི་འབྱུང་ཁུངས་དེ་སྟག་གཟིག་གི་ཡུལ་ལ་གཏུགས་འདུག་ནའང་དངོས་དོན་དུ། བོན་གཞུང་རྙིང་མ་མང་དག་ལས། སྟོན་པ་གཤེན་རབ་ཀྱི་འཁྲུངས་ཡུལ་དང་། ཁོང་གིས་བོན་བསྟན་པའི་གནས་ཡུལ་དེ་ནི། གངས་ཏི་སེའི་མདུན། མཚོ་མ་ཕམ་གྱི་འགྲམ་འོལ་མོ་ལུང་རིང་ཞེས་བྱ་བ་དེ་ཡིན་ཞེས་གསལ་བར་བཤད་ཡོད་ཅིང་། སྟག་གཟིག་གམ་པར་སིག་གི་ཡུལ་དུ་གངས་ཏི་སེ་དང་མཚོ་མ་ཕམ་མེད་པ་ཡིན་སྟབས། དེར་འོལ་མོ་ལུང་རིང་ཡོད་ཅེས་བཤད་ཐབས་རྩ་བ་ནས་མེད།”ཡང་“《ལེགས་བཤད་རིན་པོ་ཆེ་མཛོད་》ལས། ‘དང་པོ་དག་པ་ལྷ་ཡི་ཡི་གེ་སྟག་གཟིག་སྤུངས་ཡིག་ཏུ་བསྒྱུར།’ཅེས་བཤད་པ་འདི་ནི་དུས་ཕྱིས་ཀྱི་བོན་པོ་ཚོས་བོན་གྱི་འབྱུང་ཁུངས་སྟག་གཟིག་ལ་གཏུགས་པ་དེའི་ལུགས་སུ་གནང་བའམ་དེ་ཤན་ཞུགས་པའི་མངོན་རྟགས་ཤིག་ཡིན་པ་ལས་ཞང་ཞུང་གི་ཡིག་རྒན་དེ་སྟག་གཟིག་གི་སྤུངས་ཡིག་ལས་བྱུང་བའི་ཤེས་བྱེད་ཅི་ཞིག་ཀྱང་མིན། སྟག་གཟིག་གི་སྤུངས་ཡིག་ཏུ། གོང་གསལ་ཡི་གེ་སུམ་ཅུ་དང་། མགོ་དང་ཤད་དང་གུག་འགྲེང་ན་རོ་ཞབས་ཀྱུ་ཡ་སྟ་སོགས་བོད་ཡིག་གི་ལུགས་དང་མཐུན་པ་འགའ་ཡང་མེད་པ་དེ་ཁོ་ནས་ཀྱང་ངེས་ཤེས་ཐུབ་པ་ཡིན།”ཞེས་དང་གཞན་ཡང་། “ཡིན་ནའང་སངས་རྒྱས་ཆོས་ལུགས་པ་རྣམས་ཀྱིས་རང་ཉིད་ཀྱི་ཆོས་ཀྱི་འབྱུང་ཁུངས་དེ་རྒྱ་གར་འཕགས་པའི་ཡུལ་ནས་དར་བ་ཞིག་ཡིན་པས་ཧ་ཅང་ཁུངས་བཙུན་པ་ཞིག་ལ་ངོས་འཛིན་གནང་བ་ལྟར། བོན་གསར་མ་བ་ལ་ལས་ཀྱང་བོན་གྱི་འབྱུང་ཁུངས་དེ་པར་སིག་སོགས་ལམ་ཐག་རིང་བའི་ཕྱིའི་རྒྱལ་ཁབ་ཅིག་ལ་གཏུགས་ཏེ་རང་ཉིད་ཀྱི་བོན་ལུཊ་འདི་གལ་འགངས་ཧ་ཅང་ཆེ་ལ་ཁུངས་བཙན་པོ་ཡིན་པ་ཞིག་ལ་ཨུ་ཚུགས་ཀྱིས་གསུངས་པ་ཞིག་རེད།”ཞེས་དང་ད་དུང་།“ད་ནི་སྟག་གཟིག་དང་འོལ་མོ་ལུང་རིང་གི་འབྲེལ་བར་དཔྱད་པ་གཏོང་དགོས་ཏེ། སྤྱིར་ན་སྟག་གཟིག་ཅེས་པའི་ཐ་སྙད་ལ་ཏ་ཟིག་དང་རྟག་གཟིགས་སོགས་འ