སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཁན་པོ་ཚུལ་ཁྲིམས་བློ་གྲོས།
རྩོམ་པ་པོ། འོད་གསལ་ཉི་མ། རྩོམ་སྒྲིག་པ། Michung དུས་ཚོད། 2017-3-20 14:26:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

                          འོད་གསལ་ཉི་མ།
ཕལ་བའི་མི་ཡི་ཚུགས་ཀ་ཅན་པོ།།

འཕགས་པའི་ལྷ་ཡི་ཐུགས་བརྩེ་ཅན་པོ།།

གཞན་གྱི་དོན་དུ་འདུར་རྒྱུགས་ཅན་པོ།།

རང་དོན་དགོངས་པ་མེད་ས་ཅན་པོ།།

 

འགྲོ་བའི་ཆེད་དུ་སྐྱོ་བཤུམ་ཅན་པོ།།

ཆོས་བརྒྱད་བདུད་ལས་རྒྱལ་བ་ཅན་པོ།།།

མ་རིག་རྨོངས་མུན་བཅོམ་ནུས་ཅན་པོ།།

ཤེས་རབ་སྣང་བྱེད་སྦར་རྐྱང་ཅན་པོ།།

 

གྲུབ་མཐའི་ཆགས་སྡང་མཚམས་གཅོད་ཅན་པོ།།

སྤྲུལ་སྐུའི་ཉོག་གྲ་ཚར་གཅོད་ཅན་པོ།།

བསྟན་པའི་ཁ་ཕྱོགས་གསལ་སྟོན་ཅན་པོ།།

དགོན་པའི་དགོས་མཁོ་ནན་གསུང་ཅན་པོ།།

 

སྐད་ཡིག་དབུགས་རྒྱུན་སླར་གསོ་ཅན་པོ།།

དགེ་བཅུའི་རྩ་བ་གསར་བཙུགས་ཅན་པོ།།

བདེ་ཐང་འཚོ་བར་ཐུགས་ཁུར་ཅན་པོ།།

ཆོས་སྲིད་རྨང་རྡོ་བརྟན་འཇོག་ཅན་པོ།།

 

འཛམ་གླིང་གནའ་དེང་ཐུགས་མངའ་ཅན་པོ།།

བོད་ཀྱི་དུས་གསུམ་ཐུགས་འདང་ཅན་པོ།།

ཆིག་སྒྲིལ་རྡོག་རྩ་ཧྲིལ་བསྡོམས་ཅན་པོ།།

ཁ་བའི་ཚེ་སྲོག་དམ་འཛིན་ཅན་པོ།།

 

འཁྲུལ་བའི་སྨག་ཆེན་གཞོམ་ཤུགས་ཅན་པོ།།

ལུགས་གཉིས་ལམ་བཟང་སྟོན་མཆོག་ཅན་པོ།།

གཉོམ་ཆུང་མགོ་བོ་འགྱོག་ཐབས་ཅན་པོ།།

བཙན་པོ་ཚིག་གིས་ཟིལ་གནོན་ཅན་པོ།།

 

ལུང་རིགས་རྒྱ་མཚོ་མཛོད་འཆང་ཅན་པོ།།

བསླབ་གསུམ་སྲོག་གི་དམ་ཚིག་ཅན་པོ།།

གནས་ལུགས་འོད་ཀྱི་གཟི་མདངས་ཅན་པོ།།

འཚེ་མེད་ཞི་བའི་དེད་དཔོན་ཅན་པོ།།

 

བདེན་པའི་གསུང་གི་ཁ་ཡིག་ཅན་པོ།།

ཚད་མའི་སྐྱེས་བའི་མཚན་གཞི་ཅན་པོ།།

འགྲོ་བའི་སེམས་ཀྱི་སྟོན་པ་ཅན་པོ།།

བླ་མའི་ཐུགས་ཀྱི་ནོར་བུ་ཅན་པོ།།

 

ཉོན་མོངས་འདུལ་བའི་མཚོན་ཆ་ཅན་པོ།།

མཁྱེན་པའི་ཀློང་ཡངས་མཐའ་མེད་ཅན་པོ།།

བཟོད་པའི་གོ་ཆ་ལྕགས་ཁྲབ་ཅན་པོ།།

བསམ་གཏན་ཐུགས་རྒྱ་ཀུན་མཉམ་ཅན་པོ།།

 

ཤེར་རབ་འོད་ཀྱི་སྒྲོན་མ་ཅན་པོ།།

བརྩོན་འགྲུས་ཆུ་མོའི་བཞུར་རྒྱུན་ཅན་པོ།།

ཆོས་སྦྱིན་སྲོག་སྦྱིན་རིགས་སྦྱིན་ཅན་པོ།།

ཚུལ་ཁྲིམས་རྣམ་དག་དྲི་བཟང་ཅན་པོ།།

 

ཐུབ་བསྟན་ཕྱོགས་ཀུན་སྤེལ་མཁན་ཅན་པོ།།

མི་སྐྱར་ཆོས་ཀྱི་ལུང་ཁྲིད་ཅན་པོ།།

མི་སེར་སྒོམ་སྒྲུབ་ཉམས་ལེན་ཅན་པོ།།

སྡོམ་འབོགས་ཆོས་འཆད་ཁས་ལེན་ཅན་པོ།།

 

ཁེར་བྱོན་ཁེར་བཞུགས་ཁེར་འཚོ་ཅན་པོ།།

དུས་ཚོད་སྐར་ཆར་བཀོད་སྒྲིག་ཅན་པོ།།

འཕྲལ་ཕུགས་དུས་ཀྱི་འཆར་གཞི་ཅན་པོ།།

དུས་ཀྱི་སྟོན་པའི་མཚན་སྙན་ཅན་པོ།།

 

ཐ་སྙད་ཚིག་གི་རིག་མཛོད་ཅན་པོ།།

བདེན་དོན་འོད་ཀྱི་ཟེར་ཐིགས་ཅན་པོ།།

དགག་སྒྲུབ་སྟོབས་ཀྱིས་རྒྱལ་པོ་ཅན་པོ།།

དད་པའི་གཙུག་གི་བླ་མ་ཁྱེད་ཡིན།།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...