སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
ཀ་རྩོམ།
རྩོམ་པ་པོ། རྟ་མགྲིན་དབང་རྒྱལ། རྩོམ་སྒྲིག་པ། Michung དུས་ཚོད། 2017-5-17 15:38:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
 རྟ་མགྲིན་དབང་རྒྱལ།
མང་རྫོང་མི་རིགས་སློབ་འབྲིང་གཉིས་པ། ༼བདུན་བཞི༽

ཀ་ཁའི་དབྱངས་གསལ་སོ་བཞི་རྒྱན་དུ་ཆེ།།
ཁ་བ་གངས་རིའི་ལྗོངས་ཀྱི་གྲོགས་པོ་ཚོ།།
ག་ས་གང་དུ་མ་འཁྱམ་ངལ་རྩོལ་གྱིས།།
ང་རྒྱལ་དོར་ནས་དྲང་བའི་ལམ་ལ་ཞུགས།།
ཅ་དག་སློབ་ལྭ་གྱོན་པའི་སློབ་གྲོགས་ཚོ།།
ཆ་ལུགས་ཀུན་དང་མཐུན་པ་རྩ་བ་ཡིན།།
ཇ་ཁང་ཆང་ལ་མ་སྤྱོད་རིགས་ཀྱི་བུ།།
ཉ་དང་ཆུ་མོ་བཞིན་དུ་འགྲོགས་ལུགས་སྦྱོང་།།
ཏ་ཀུ་འཛིན་པའི་དུས་སུ་མ་ཐོན་ཡང་།།
ཐ་མག་དུ་བ་ལ་སོགས་རིང་དུ་སྤོངས་།།
ད་ལྟ་ལོ་ཆུང་དུས་ནས་བརྒལ་སོང་ན།།
ན་སོ་རྒས་པའི་སྐབས་སུ་སྡུག་གི་ཟེར།།
པ་ཏྲའི་རབ་མཛེས་མི་ཚེ་བསྐྲུན་འདོད་ན།།
ཕ་མ་དགེ་རྒན་དག་གི་གསུང་ལ་གསོན།།
བ་ལང་ལྟ་བུའི་རང་གཤིས་རྩ་དོར་ནས།།
མ་འོངས་ཕུགས་མདུན་ཆེད་དུ་ཧུར་བརྩོན་གྱིས།།
ཙ་གེ་ཙིག་གེའི་དཀའ་ངལ་མི་འཛེམ་པར།།
ཚ་གྲང་མཐོ་ཡང་སློབ་ལ་འབད་བྱས་ན།།
ཛ་དྲག་རི་ལས་བརྗིད་པའི་མིང་ཐོབ་པས།།
ཝ་ལྟར་གཡོ་སྒྱུ་མ་བྱེད་སློབ་གྲོགས་ཚོ།།
ཞ་སྙུག་ལག་ཏུ་བཟུང་ནས་དམིགས་ལ་འབད།།
ཟ་མ་ཟས་རིགས་ཆུད་ཟོས་མེད་པར་ཟོ།།
འ་འུར་འདུ་འཛིས་ཉི་མ་མ་ཕུད་ཅིག།།
ཡ་རབས་ཚུལ་དང་ལྡན་པར་སློབ་ལ་འབད།།
ར་མ་ལྟ་བུའི་པྲ་ཚགས་བྱིས་པ་ཚོ།།
ལ་ལུང་མེད་པར་འཁྱམ་པའི་བྱ་སྤྱོད་བསྒྱུར།།
ཤ་རུས་གཅིག་པའི་བོད་མི་སྤུན་ཟླ་ཚོ།།
ས་ཕྱོགས་གང་ལ་བསྐྱོད་ཀྱང་འབད་འབུངས་ཀྱིས།།
ཧ་ཅང་ཚིག་སྦྱོར་དམན་ཡང་དོན་བཟང་བའི།།
ཨ་མཚར་གཏམ་འདི་ངག་ནས་ཐོལ་གྱིས་ཤོར།།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...