སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མི་ཉག་ཕྱོགས་ཀྱི་མཁར་རྫོང་།
རྩོམ་པ་པོ། བདེ་ཆེན་དབང་མོ། རྩོམ་སྒྲིག་པ། Lhamo དུས་ཚོད། 2014-8-4 9:24:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

བདེ་ཆེན་དབང་མོ།

     ཁམས་མི་ཉག་གི་ཝ་ཁྲལ་དང་གངས་དཀར་རི་བོ། བོན་པོ་ཤུལ། ས་སྡེ། འགག་པ་བཅས་ལ་ཡོད་པའི་མཁར་རྫོང་ནི་ཡོན་རྒྱལ་རབས་དང་ཆིང་རྒྱལ་རབས་བར་གྱི་ཡིན་ལ་དང་ཐོག་ནི་ཕྱི་རོལ་གྱི་དགྲ་བོ་འགོག་པའི་ཆེད་དུ་བཞེངས་པ་ཡིན་ཏེ་དགྲ་བོ་ཡོང་དུས་མཁར་རྫོང་གི་ཐོག་ལ་མེ་བསྒྲོན་ཏེ་དུ་བ་ཡིས་ཕན་ཚུན་བརྡ་བསྟན་པ་ཡིན། གླིང་ཆུ་ནི་གྱ་གྱུའི་འགྲོས་ཀྱིས་བཞུར་ལ་རི་བོ་མཐོན་པོས་མིག་བསྒྲིབས་ཏེ་ཐག་རིང་པོ་མཐོང་མི་ཐུབ་ཀྱང་མཁར་རྫོང་རྣམས་མཐོན་པོ་ཕན་ཚུན་མཐོང་ཐུབ་པས་མཁར་རྫོང་གཅིག་གི་ཐོག་ལ་དུ་བ་འཕྱུར་དུས་དེའི་རྗེས་སུ་གནས་པའི་མཁར་རྫོང་ཐོག་མེ་བསྒྲོན་ཏེ་བརྡ་རེས་བྱས། ཆིང་རྒྱལ་རབས་ཀྱི་རྗེས་སུ་མེ་སྒྱོགས་སོགས་བེད་སྤྱད་པའི་དབང་གིས་མཁར་རྫོང་བཞེངས་པའི་སྲོལ་ཉམས་ཏེ་སྔར་ཡོད་ལས་མི་ཉུང་བ་ཞིག་ལོ་རྒྱུས་ཀྱི་རྗེས་ཤུལ་དུ་ལྷག་པ་རེད།
     ཁམས་མི་ཉག་གི་མཁར་རྫོང་ནི་ས་དེ་གའི་རྡོ་དང་རྡོ་ལེབ། འདམ་པ་བཅས་ལས་བརྩིགས་པ་ཡིན་ལ་ཕྱི་ནས་བརྗིད་ཉམས་ལྡན་པ་དང་དབྱིབས་ལ་ཟུར་བཞི་དང་ཟུར་ལྔ། ཟུར་དྲུག  ཟུར་བརྒྱད་ཅང་མང་ཞིང་རྨིག་རྩ་ལ་གྲུ་བཞི་མ20ནས30བར་དང་མཐོ་ཚད་ལ་རྨི10ནས60ཙམ་ཡོད། ནང་རོལ་དུ་བརྩེགས4ནས5ཡོད་ལ་བརྩེགས་རེ་རེའི་ནང་ལ་སོ་རྒྱག་ས་དང་བོའུ་རྒྱག་སའི་ཁུང་བུ་ཡོད། མཁར་རྫོང་དང་གྲོང་སྡེ་གཉིས་ནི་གཅིག་ལ་གཅིག་བརྟེན་ཚུལ་དུ་གནས་པས་ལྟ་བས་མི་ངོམ་པའི་ཉམས་ཤིག་འབུར་དུ་ཐོན་འདུག་པ་ནི་བོད་མི་དམངས་རྣམས་ཀྱིས་མཐོ་སྒང་གི་ཁོར་ཡུག་དང་བསྟུན་ནས་གདོད་མའི་འཛུགས་སྐྲུན་གྱི་རྒྱུ་ཆ་སྤྱད་དེ་རང་ལ་གོ་ཆོད་ཅིང་གཞན་ལ་ངོམ་ཆོག་པའི་བཟོ་རྩལ་ཁྱད་དུ་འཕགས་པ་ཞིག་བསྐྲུན་པའི་རྟགས་རེད་ལ་ཡུན་རིང་གི་ལོ་རྒྱུས་ཀྱི་ནང་ལ་ས་འགུལ་ཆར་འཇིག་གིས་མ་གནོད་པར་བརྟན་བརླིང་ངང་གནས་ཐུབ་པ་ནི་མེས་པོ་རྣམས་ཀྱི་བློ་གྲོས་ཀྱི་སྙིང་བཅུད་དང་ངོ་མཚར་ཡིད་ལས་འདས་པའི་བཟོ་རྩལ་གྱི་གཟི་བརྗིད་ཅིག་ཀྱང་རེད་ལགས།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...