སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་སྔོན་གྱིས་བོད་སྨན་ཚད་ལྡན་སྣ་ཁ་དྲུག་ཞིབ་བཟོ་ལམ་ལྷོངས་བྱུང་བ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2019-7-19 9:12:00 རྩོམ་ཁུངས། མཚོ་ལྷོ་བོད་ཡིག་སྨྱན་གསར། ཀློག་གྲངས།
     ཀྲུང་གོ་ཚན་རིག་ཁང་ནུབ་བྱང་ས་མཐོའི་སྐྱེ་དངོས་ཞིབ་འཇུག་ཁང་གིས་འགན་འཁུར་བའི་རྒྱལ་ཁབ་ཀྱི་རང་བྱུང་ཐོན་རྫས་ཀྱི་ཚད་ལྡན་དཔེ་མཚོན6གི་ཞིབ་བཟོའི་ལས་གཞིི་ལ་ཉེ་ཆར་རིགས་གཅིག་མཁས་ཅན་གྱི་ཞིབ་དཔྱད་ཐོབ།
    2006ལོར། བོད་ལུགས་གསོ་བ་རིག་པ་རྒྱལ་ཁབ་ཀྱི་གཟུགས་འདས་ཤུལ་བཞག་རིག་གནས་མིང་གཞུང་ཁག་དང་པོར་བཅུག་པ་དང་། ཉེ་ལམ་ལོ་ཤས་རིང་། བོད་ལུགས་གསོ་བ་རིག་པས་སྲོལ་རྒྱུན་རྒྱུན་འཛིན་བྱས་པ་དང་ཆབས་ཅིག ཚད་ལྡན་ཅན་དང་རྒྱལ་སྤྱི་ཅན་གྱི་འཕེལ་རྒྱས་ཀྱི་ཁ་ཕྱོགས་འཚོལ་ཞིབ་ཧུར་ཐག་བྱས་ཡོད་པ་རེད།
    ཀྲུང་གོ་ཚན་རིག་ཁང་ནུབ་བྱང་ས་མཐོའི་སྐྱེ་དངོས་ཞིབ་འཇུག་ཁང་གི་ཞིབ་འཇུག་པ་ལི་ཡུས་ལིན་གྱིས་ངོ་སྤྲོད་བྱས་པར་གཞིགས་ན། ཁོང་ལས་ཀ་བྱ་ཡུལ་ཚན་ཞིབ་ཚོགས་པས2015ལོར“རྒྱལ་ཁབ་ཀྱི་རང་བྱུང་བོད་སྨན་ཚད་ལྡན་དཔེ་མཚོན་ཐོན་རྫས 6 གི་ཞིབ་བཟོའི་ལས་གཞི ” ལག་ལེན་བསྟར་མགོ་ཚུགས་པ་དང་། ཧྲན་ཏུང་ཞིང་ཆེན་དབྱེ་ཞིབ་ཚོད་ལྟ་ལྟེ་གནས་དང་མཉམ་ལས་བྱས་པ་རེད།
     ཚན་ཞིབ་མི་སྣ10 ཙམ་གྱིས་དཀའ་སྤྱད་འགག་སྒྲོལ་བྱས་པ་བརྒྱུད། ཨ་རུ་དང་།ཟར་མ། སྤང་རྒྱན་རིགས་སོགས་བོད་སྨན་སྨན་རྩྭ་རིགས6གི་ཁྱད་ཆོས་རང་བཞིན་གྱི་འགྱུར་ཆེའི་རྫས་འགྱུར་གྲུབ་ཆ་ཞིབ་འཇུག་བྱ་ཡུལ་དུ་བརྩིས་ནས་རྒྱལ་ཁབ་ཀྱི་བོད་སྨན་ཚད་ལྡན་དཔེ་མཚོན་ཞིབ་བཟོ་བྱས་པ་རེད། 
      བོད་སྨན་ཚད་ལྡན་ཞིིབ་བཟོའི་ལས་ལ་ཡུན་རིང་གཞོལ་མཁན་ལི་ཡུས་ལིན་གྱིས“བོད་སྨན་ཚད་ལྡན་སྣ་ཁ་དྲུག་པོ་དེ་དག་དེ་སྔོན་གྱི་གྲུབ་ཆ་དང་མི་འདྲ་བར་སྤུས་ཚད་ཧེ་བག་ཆེ་བའི་དཀའ་གནད་ཐག་གཅོད་ལ་དོན་སྙིང་གལ་ཆེན་ལྡན་ཡོད། 
      དེ་ལས་བོད་ལུགས་གསོ་བ་རིག་པ་སྲོལ་རྒྱུན་གྱི་བོད་སྨན་བཟོ་ཁང་ནས་ཚད་ལྡན་ཅན་གྱི་ཐོན་ལས་ཕྱོགས་སུ་འཕེལ་རྒྱས་ཆེ་ཙམ་ཕྱིན་པ་མཚོན་ཡོད། 

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...