| རྩོམ་པ་པོ། | ལྷ་མོ་ཚེ་སྐྱིད། | རྩོམ་སྒྲིག་པ། | Lhamo | དུས་ཚོད། | 2012-2-7 9:30:00 | རྩོམ་ཁུངས། | མཚོ་སྔོན་པོ་དྲ་བ། | ཀློག་གྲངས། |
སྐུ་འབུམ་དགོན་གྱི་མེ་ཏོག་མཆོད་མཇལ།
སྐུ་འབུམ་དགོན་གྱི་མེ་ཏོག་མཆོད་མཇལ་ནི་དགོན་པའི་གྲྭ་བཙུན་རྣམས་ཀྱིས་འབྲི་མར་སེར་པོ་ལ་བརྟེན་ནས་སྐྱེས་རབས་དང་རྣམ་ཐར། རྟོགས་བརྗོད་སོགས་སྐུ་བརྙན་བཞེངས་པའི་ཐུན་མོང་མ་ཡིན་པའི་ལག་ཤེས་སྒྱུ་རྩལ་ཞིག་ཡིན་པ་དང་། སྐུ་འབུམ་དགོན་གྱི་ཁྱད་ནོར་གསུམ་ཏེ་མེ་ཏོག་མཆོད་འཇལ་དང་། ལྡེབས་རིས། གོས་སྒྲུབ་ཐང་ག་བཅས་ཀྱི་སྙན་གྲགས་གང་སར་ཁྱབ་ཡོད།
སྐུ་འབུམ་དགོན་གྱི་མེ་ཏོག་མཆོད་མཇལ།
སྐུ་འབུམ་དགོན་གྱི་མེ་ཏོག་མཆོད་མཇལ།
དེའི་བཟོ་སྐྲུན་ཐད་ལ་ཆ་ཚང་བའི་སྒྲིག་གཞི་དང་ཚན་རིག་གི་གོ་རིམ་ལྡན་ཏེ། སྐུའི་ཐིག་རྩ་དྲང་ཞིང་ཞིབ་ཚགས་ཆེ་བ་དང་། ཁ་དོག་བཀྲ་བ། རྣམ་པ་གསལ་བ། བརྗོད་བྱ་སྣ་མང་ཞིང་རྒྱབ་ལྗོངས་མཛེས་སྡུག་ལྡན་པ་སོགས་ཁྱད་ཆོས་འཛོམས་པའི་ལག་ཤེས་མཆོག་གྱུར་ཞིག་ཏུ་གྲུབ་ལ། ཐིག་རྩ་རིག་པ་དང་ཚོན་མདོག་རིག་པ། རྒྱན་སྤྲོས་རིག་པ། བརྐོས་བཀྲོལ་རིག་པ་སོགས་ཆུ་ཚད་མཐོ་བ་ལས་གཞན་ད་དུང་དེ་ལ་ཆོས་ལུགས་རིག་པ་དང་། དམངས་སྲོལ་རིག་པ། ལོ་རྒྱུས་རིག་པ་སོགས་ཀྱི་རིན་ཐང་ཆེན་པོ་ལྡན་པ་ཡིན།
སྐུ་འབུམ་དགོན་གྱི་མེ་ཏོག་མཆོད་མཇལ།
ལོ་རེའི་རྒྱ་ལོའི་སྨོན་ལམ་ཆེན་མོའི་སྐབས་སུ། དགོན་པའི་ནང་ཆེད་དུ་མཆོད་མར་མེ་ཏོག་བཞེངས་བའི་སྡེ་ཁག་སྟེ་མཆོད་རྒྱན་གླིང་གོང་མ་དང་ཞོལ་མ་གཉིས་རྩ་འཛུགས་བྱེད་ཅིང་གླིང་དེ་གཉིས་ཕན་ཚུན་འགྲན་རྩོད་སྒོས་མཆོད་མར་མེ་ཏོག་གི་བཟོ་རྩལ་སྔར་ལས་ཇེ་ལེགས་སུ་གཏོང་བཞིན་ཡོད་པ་དང་། འདི་ནི་རྒྱ་ལོའི་སྨོན་ལམ་ཆེན་མོར་མཆོད་འཇལ་བྱེད་པའི་སྐུ་འབུམ་དགོན་གྱི་ཆོས་ལུགས་ཆོ་ག་གཙོ་བོ་ཞིག་ཡིན། དེ་ཡང་མཆོད་མར་མེ་ཏོག་གི་ཇུས་འགོད་དང་བཟོ་སྐྲུན་སོགས་ནི་གནའ་ནས་བཟུང་དགེ་རྒན་ནས་སློབ་མར་བརྒྱུད་སྤྲོད་གནང་བའི་སྲོལ་བཟུང་ཡོད་པ་རེད།
