སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
དར་ལག་རྫོང་གིས་ཐུམ་འབུའི་ནད་བྱུང་ཡོད་པའི་དཀའ་ཁག་ཅན་གྱི་ནད་པར་རོགས་སྐྱོར་ཞལ་འདེབས་ཀྱི་བྱ་འགུལ་སྤེལ།
རྩོམ་པ་པོ། བཀྲ་ཤིས་དོན་གྲུབ་དང་ལྕགས་ཐར་ཚེ་རིང་། རྩོམ་སྒྲིག་པ། Lhamo དུས་ཚོད། 2015-8-11 10:33:00 རྩོམ་ཁུངས། མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་དྲ་བ། ཀློག་གྲངས།


ཞལ་འདེབས་འབུལ་བ།


ཞལ་འདེབས་འབུལ་བ།


ཞལ་འདེབས་འབུལ་བཞིན་པ།

ཞལ་འདེབས་འབུལ་བཞིན་པའི་ཡུལ་དངོས།
ཞལ་འདེབས་འབུལ་བཞིན་པའི་ཡུལ་དངོས།

     སྤྱི་ཟླ8པའི་ཚེས8ཉིན། མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་རྒྱ་གྲམ་དམར་པོ་ཚོགས་པ་དང་དར་ལག་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཡུལ་སྐོར་ཅུའུ་གཉིས་ཀྱིས་དར་ལག་རྫོང་འབྲུག་མོ་ཐང་ཆེན་ནས་གསང་རི་མ་ཞང་དར་དམར་སྡེ་བའི་རུ་ཆུང་གསུམ་པའི་ཐུམ་འབུའི་ནད་བྱུང་ནས་ཁྱིམ་ཚང་ལ་དཀའ་ཁག་ཆེ་ཞིང་ངལ་རྩོལ་གྱི་ནུས་པ་མེད་ལ། སྨན་བཅོས་ཀྱི་ཆ་རྐྱེན་ཧ་ཅང་ཞན་པའི་སྡེ་མི་སྤུ་མོ་ཁྱིམ་ཚང་གང་བོར་རོགས་རམ་བྱེད་པའི་ཞལ་འདེབས་བྱ་འགུལ་སྤེལ།
     སྤུ་མོ་ཚང་ལ་མཚོན་ན་བཟའ་མི10ཡོད་ཅིང་། 2012ལོར་སྤུ་མོ་རང་ཉིད་དང་བཟའ་ཟླ་བསོད་རྒྱམ། བུ་ཆེ་བ་སངས་སྐྱབས། བུ་མོ་ཆེ་བ་སངས་མཚོ། བུ་མོ་འབྲིང་བ་ཆུང་ལས་རྣམས་ལ་ཐུམ་འབུ་དང་གློ་བའི་རིམ་ནད་བྱུང་ནས་སྔ་རྗེས་སུ་བཟའ་ཟླ་བསོད་རྒྱམ་དང་བུ་ཆེ་བ་སངས་སྐྱབས། བུ་མོ་འབྲིང་བ་ཆུང་ལས་གསུམ་གྱི་ནད་གཞི་ཇེ་སྡུག་ཏུ་སོང་ནས་ཚེ་ལས་འདས། ད་ལྟ་ཡང་སྤུ་མོའི་ཐུམ་འབུའི་ནད་གཞི་ཚབས་ཆེན་དུ་གྱུར་ཡོད་པ་དང་། བྱིས་པ་གཞན་གཉིས་ལའང་ཐུམ་འབུའི་ནད་བྱུང་ཡོད་པ་རེད།
     རྒྱུས་ལོན་བྱུང་བ་ལྟར་ན། དེང་སྐབས་དར་ལག་རྫོང་ཡོངས་ལ་མཚོན་ན་ཐུམ་འབུའི་ནད་བྱུང་ཚད་བརྒྱ་ཆའི12.70ལྷག་ཡིན་པ་དང་། འདི་ནི་ཕྱུགས་ལས་ས་ཁུལ་ཏུ་བྱུང་ཚད་མཐོ་ཞིང་མི་དམངས་མང་ཚོགས་ཀྱི་ཚེ་སྲོག་ལ་རྒོལ་བའི་ནད་གཞི་ཞིག་ཡིན་པ་རེད།
     དགེ་ཕན་གྱི་ལས་ལ་སྤྲོ་བ་དང་དབུལ་སྐྱོར་གྱི་དོན་ལ་འཇུག་པ་ནི་ཀྲུང་ཧྭ་མི་རིགས་ཀྱི་སྲོལ་རྒྱུན་བཟང་པོ་ཞིག་ཡིན་ལ། ཕན་ཚུན་རོགས་རམ་དང་དཀའ་ངལ་ལ་འཕྲད་ཚེ་རོགས་འདེགས་བྱེད་པ་ནི་དུས་རབས་གསར་བའི་སྤྱི་ཚོགས་ཀྱི་འབོད་སྐུལ་ཞིག་རེད། དེ་རིང་གི་ཞལ་འདེབས་འབུལ་བའི་བྱ་འགུལ་འདི་ལས་དར་ལག་རྫོང་གི་ལས་ཁུངས་སོ་སོ་དང་ས་དེའི་མང་ཚོགས་ཀྱིས་སྙིང་རྗེའི་བརྩེ་བ་ལང་ལོང་གིས་སྤུ་མོ་ཚང་ལ་ནད་བཅོས་བྱེད་པར་མ་དངུལ་སྒོར55487ཕུལ།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...