སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ལྗོངས་ནང་བསྟན་སློབ་གླིང་འཛུགས་སྐྲུན་བཟོ་བཀོད་ལེགས་འགྲུབ་བྱུང་བ།
རྩོམ་པ་པོ། ལྷ་མོ་ཚེ་སྐྱིད། རྩོམ་སྒྲིག་པ། Lhamo དུས་ཚོད། 2011-9-14 11:32:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།


2008ལོའི་ཟླ10ཚེས18ཉིན།  བོད་ལྗོངས་ནང་བསྟན་སློབ་གླིང་འཛུགས་སྐྲུན་འགོ་བརྩམས་པ། 

             དུས་ཡུན་ལོ་གསུམ་གྱི་འཛུགས་སྐྲུན་བྱས་པ་བརྒྱུད།  ཟླ9ཚེས11ཉིན་གྱི་སྔ་དྲོ་བོད་ལྗོངས་ནང་བསྟན་སློབ་གླིང་འཛུགས་སྐྲུན་བཟོ་བཀོད་ལེགས་འགྲུབ་བྱུང་ཞིང་མི་འགྱངས་བར་ཐོག་དང་པོའི་སློབ་མ་གསར་བ་བསྡུ་འཆར་ཡོད་པ་རེད།  རང་སྐྱོང་ལྗོངས་སྲིད་གྲོས་ཀྲུའུ་ཞིའམ་ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་ཚོགས་པའི་ཚོགས་གཙོ།  བོད་ལྗོངས་ནང་བསྟན་སློབ་གླིང་གི་འགོ་གཙོ་མཁའ་འགྲོ་ཐུབ་བསྟན་མཁས་གྲུབ་ལགས་ཞིབ་བཤེར་རྩིས་ལེན་ཚོགས་འདུར་ཞུགས་པ་རེད། 
             རང་སྐྱོང་ལྗོངས་ཏང་ཨུའི་འཐབ་ཕྱོགས་གཅིག་གྱུར་པུའི་རྒྱུན་ལས་པུའུ་ཀྲང་གཞོན་པ་བསོད་ནམས་རིག་འཛིན་གྱིས་བཤད་རྒྱུར།  ནང་བསྟན་སློབ་གླིང་འཛུགས་སྐྲུན་ལེགས་འགྲུབ་བྱུང་བ་འདིས་ལོ་རྒྱུས་ཀྱི་དུས་ཡུན་རིང་བའི་བོད་བརྒྱུད་ནང་བསྟན་རིག་གནས་རྒྱུན་འཛིན་དང་།  བོད་བརྒྱུད་ནང་བསྟན་གྲུབ་མཐའ་ཁག་གི་མདོ་སྔགས་རིག་གནས་སྒྲུབ་སྦྱོང་ལ་བྱང་ཆ་ལྡན་པ་དང་རྒྱལ་གཅེས་ཆོས་གཅེས་ཀྱི་གྲྭ་བཙུན་གསོ་སྦྱོང་བྱེད་པར་དོན་སྙིང་ཆེན་པོ་ལྡན་གྱི་ཡོད།  2008ལོའི་ཟླ10བར་འཛུགས་སྐྲུན་འགོ་བརྩམས་པ་ནས་བཟུང་འབྲེལ་ཡོད་སྡེ་ཁག་སོ་སོས་དཀའ་ངལ་ཁྱད་བསད་དང་རྡོག་རྩ་གཅིག་སྒྲིལ་སྒོས་ད་སྔ་བཟོ་བཀོད་ཡོངས་སུ་ལེགས་འགྲུབ་བྱུང་ཞིང་མི་འགྱངས་བར་སློབ་མ་གསར་བ་བསྡུ་རྒྱུ་ཡིན་པ་རེད།


བོད་ལྗོངས་ནང་བསྟན་སློབ་གླིང་ཇུས་འགོད་པར་རིས། 

            སྤྱིའི་འཛུགས་སྐྲུན་བཟོ་བཀོད་ཀྱི་ཆ་ནས་བལྟས་ན་ནང་བསྟན་སློབ་གླིང་གི་མི་རིགས་ཁྱད་ཆོས་དང་དེང་རབས་འཛུགས་སྐྲུན་གྱི་རྣམ་པ་མངོན་ཡོད་ཅིང་།  བོད་ལྗོངས་ནང་བསྟན་སློབ་གླིང་འདི་དོན་དངོས་སུ་བོད་བརྒྱུད་ནང་བསྟན་མཐོ་རིམ་མི་སྣའི་ཕྱོགས་བསྡུས་རང་བཞིན་གྱི་སློབ་གླིང་ཞིག་ཏུ་འགྱུར་རྒྱུ་དང་བོད་བརྒྱུད་ནང་བསྟན་ཐུན་མིན་རིག་གནས་རྒྱུན་འཛིན་བྱེད་པའི་མི་སྣ་གཟེངས་སུ་ཐོན་པ་གསོ་སྐྱོང་བྱེད་སའི་གནས་ཤིག་ཏུ་འགྱུར་བར་རེ་སྨོན་བྱེད་པ་ཡིན་ཟེར། 
            བོད་ལྗོངས་ནང་བསྟན་སློབ་གླིང་ནི་ལྷ་ས་གྲོང་ཁྱེར་ཆུ་ཤུར་རྫོང་མཉེས་ཐང་ཡུལ་ཚོའི་མིང་དུ་གྲགས་པའི་གནའ་དགོན་ཏེ་ར་སྟོད་དགོན་པའི་འགྲམ་དུ་ཆགས་ཤིང་།  ལྷ་ས་གྲོང་ཁྱེར་དང་བར་ཐག་སྤྱི་ལེ27དང་།  རྒྱལ་ལམ318དང་བར་ཐག་སྨི850ཡོད་ལ།   བཟོ་བཀོད་ཀྱི་ས་ཁྱོན་ལ་སྤྱི་ཆིང17.5དང་ཤར་ནུབ་རིང་ཚད་སྨི500དང་། ལྷོ་བྱང་ཁོད་ལ་སྨི300ཡོད་དེ།  བོད་རང་སྐྱོང་ལྗོངས་ཀྱི་ཆེས་མཐོའི་རིམ་གྲས་ཀྱི་བོད་བརྒྱུད་ནང་བསྟན་ཕྱོགས་བསྡུས་སློབ་གླིང་ཞིག་ཡིན་པ་རེད། 

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...