༄༅། །དགའ་ལྡན་དགོན།
རྩོམ་པ་པོ། ནོར་བུ་བསམ་གྲུབ། རྩོམ་སྒྲིག་པ། admin དུས་ཚོད། 2009-11-24 9:45:34 རྩོམ་ཁུངས། ཀྲུང་གོའི་བོད་ལྗོངས་ཆ་འཕྲིན་ལྟེ་གནས། ཀློག་གྲངས།
   འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་ཞེས་པ་འདི་ནི་ལྷ་ས་གྲོང་ཁྱེར་གྱི་ཤར་ཕྱོགས་སྤྱི་ལེ་བཞི་བཅུ་འདས་པའི་སྟག་རྩེ་རྫོང་ཁོངས་ཀྱི་འབྲོག་རི་བོ་ཆེ་ཞེས་པའི་གནས་སུ་ཆགས་ཡོད། འདི་ནི་རྗེ་ཙོང་ཁ་པ་ཆེན་པོས་བོད་རབ་བྱུང་བདུན་པའི་ས་གླང་སྤྱི་ལོ་༡༤༠༩ལོར་ཆོ་འཕྲུལ་སྨོན་ལམ་ཆེན་མོ་གྲོལ་མ་ཐག་སློབ་མ་ཉུང་ཤས་དང་བཅས་གནས་དེར་ཕེབས་ནས་བརྟག་པར་མཛད་པས་གནམ་ས་གང་ལ་དཔྱད་ཀྱང་བཤད་སྒྲུབ་འཆད་ཉན་འཕེལ་བའི་གནས་བཟང་པོར་གཟིགས་ནས་ས་དེར་དགོན་པ་འདེབས་པའི་ལྗགས་བཀོད་གནང་བ་ལྟར་སྲས་ཀྱི་ཐུ་བོ་རྒྱལ་ཚབ་དར་མ་རིན་ཆེན་དང༌། འདུལ་འཛིན་གྲགས་པ་རྒྱལ་མཚན་གཉིས་ནས་དགེ་འདུན་ལྔ་བརྒྱ་ཙམ་ཁྲིད་པ་དང༌། དེའི་ཉེ་སྐོར་གྱི་སྐྱ་བཙུན་དང་སྡེ་པ་རྣམས་ཀྱིས་ཀྱང་དང་བ་ཆེན་པོས་ཞབས་འདེགས་ཞུས་པར་བརྟེན་ལོ་དེ་རང་ལ་གཟིམ་ཁང་གི་ཐོག་དྲངས་བྲང་ཁང་(གྲྭ་ཤག་)བདུན་ཅུ་ལྷག་ཙམ་རྫོགས་པར་གྲུབ་ལ་གཞི་བཏིང་བའང་བརྒྱ་ཕྲག་བརྒལ།
 བོད་རབ་བྱུང་བདུན་པའི་མེ་བྱ་སྤྱི་ལོ་༡༤༡༧ལོར་རྗེའི་ལྗགས་བཀོད་བཞིན་ཡངས་པ་ཅན་གྱི་ནང་དུ་གཙང་ཁང་དང༌། མགོན་ཁང༌། ཁྱམས་ཀ་བ་བདུན་ཅུའི་ས། སྒྲུབ་མཆོད་ཁང་བཅས་གྲུབ། ལྕགས་བྱི་སྤྱི་ལོ་༡༤༢༠ལོར་རྒྱལ་ཚབ་ཆོས་རྗེ་དང༌། འདུལ་འཛིན་གཉིས་ནས་རྗེའི་སྐུ་གདུང་རིན་པོ་ཆེ་ནང་རྟེན་དུ་བཞུགས་པའི་གསེར་གདུང་ཁང་བཞེངས།
 དགོན་པ་འདིར་ཚོགས་ཆེན་འདུ་ཁང་གཅིག་དང༌། གྲྭ་ཚང་གཉིས། (ཤར་རྩེ་དང་བྱང་རྩེ་)ཁང་ཚན་ཉི་ཤུ་རྩ་གསུམ་དེ་བཞིན་ཡངས་པ་ཅན་དང༌། ལི་མ་ལྷ་ཁང༌། བླ་མ་ལྷ་ཁང༌། ཁྲི་ཐིག་ཁང༌། ལྔ་མཆོད་ཁང༌། བྱང་རྩེའི་གཟིམ་ཁང༌། པར་ཁང་སོགས་ཡོད་ཅིང་དགོན་པའི་དབྱིབས་རི་ལྡེབས་སུ་ཆགས་སྟབས་ཐོག་བརྩེགས་སུ་གནས་ཏེ་རས་གཞི་ཡངས་པ་ལ་པིར་གྱིས་བྲིས་པ་ལྟར་མངོན་ལ་གདན་སའི་མིང་ལ་ལྷོ་བྲག་གྲུབ་ཆེན་ལས་ཀྱི་རྡོ་རྗེས་ལུང་བསྟན་པ་ལྟར་དགའ་ལྡན་ཞེས་མིང་བཏགས་ཏེ་དགེ་ལུགས་པའི་མ་དགོན་ནམ་གདན་ས་ཆེན་པོ་བཞིའི་ཡ་གྱལ་དུ་གཏོགས།
  དགོན་འདིའི་འདུ་ཁང་དང་ལྷ་ཁང་ལ་སོགས་པ་སོ་སོའི་ནང་བཞུགས་སུ་གསོལ་བའི་སྐུ་གསུང་ཐུགས་རྟེན་སྐོར་མདོ་ཙམ་ཞུས་ན།  ཚོགས་ཆེན་འདུ་ཁང་ནི་དགེ་འདུན་སུམ་སྟོང་ལྷག་ཤོང་བའི་རྒྱ་ཁྱོན་ཆེ་བ་ཞིག་ཡིན་ཞིང་དེའི་ནང་གི་རྟེན་གཅོ་གསེར་ཟངས་ལས་གྲུབ་པའི་ཙོང་ཁ་པའི་སྐུ་བརྙན་ཆེ་བ་དང༌། བྱམས་པའི་གསེར་སྐུ་ཆེ་བ། འདུ་ཁང་ཆེ་མོའི་སྦུག་ཏུ་དགའ་ལྡན་གསེར་ཁྲི་ཞེས་སུ་གྲགས་པ་ཙོང་ཁ་པ་ཆེན་པོའི་བཞུགས་ཁྲི་དང༌། གསེར་ཁྲིའི་དབུ་ཐོད་དུ་དགའ་ལྡན་ལྷ་བརྒྱའི་ཞིང་བཀོད། དེ་བཞིན་མི་དབང་ཕོ་ལྷས་བཞེངས་པའི་གསེར་ཁྲིའི་སྟེང་གི་གསེར་ཟངས་ཀྱི་རྒྱ་ཕིབས་ཆེ་ལེགས་བཟོ་དབྱིབས་ཕུན་སུམ་ཚོགས་པ་དང༌། དེའི་འོག་ཏུ་གསེར་སྦྱངས་བཙོ་མ་འབའ་ཞིག་ལས་བྲིས་པའི་བཀའ་འགྱུར་དང་བསྟན་འགྱུར་ཆ་ཚང་འཛམ་གླིང་གཡས་བཞག་ཏུ་གྲགས་པ་དེ་ཡོད།
 ཡངས་ཅན་གཙུག་ལག་ཁང་ནང་གི་རྟེན་གཙོ་ནི་ཙོང་ཁ་པའི་སྐུ་གདུང་བཞུགས་པའི་གསེར་གདུང་ཡིན། དེ་ནི་རབ་བྱུང་བདུན་པའི་ས་ཕག་སྤྱི་ལོ་༡༤༡༩ལོར་ཐོག་མར་རྒྱལ་ཚབ་དང་འདུལ་འཛིན་གཉིས་ཀྱིས་རྒྱུ་དངུལ་བྲེ་ཆེན་བཅོ་བརྒྱད་ལྷག་ཙམ་ལ་ཕྲ་རྒྱན་ཕུན་སུམ་ཚོགས་པ་སྤྲས་ཏེ་རྣམ་རྒྱལ་མཆོད་རྟེན་གྱི་དབྱིབས་སུ་བཞེངས། ཕྱིས་སུ་རབ་བྱུང་བཅུ་གཉིས་པའི་ནང་ཁྲི་ཐོག་ལྔ་བཅུ་པ་བྱ་བྲལ་དགེ་འདུན་ཕུན་ཚོགས་ཀྱིས་དངུལ་གདུང་གི་ཕྱི་ནས་གསེར་སྦྱངས་བརྡུངས་ཀྱིས་བཏུམས་ཏེ་གསེར་གདུང་དུ་བསྒྱུར། དེ་རྗེས་རབ་བྱུང་བཅོ་ལྔ་བའི་ལྕགས་བྱ་སྤྱི་ལོ་༡༩༢༡ལོའི་ནང་ཏཱ་ལའི་བླ་མ་སྐུ་ཕྲེང་བཅུ་གསུམ་པས་དགའ་ལྡན་ཁྲི་ཐོག་དགུ་བཅུ་པ་བྱམས་པ་ཆོས་གྲགས་བྱ་བ་གཙོ་བོར་བསྐོ་འཛུགས་མཛད་དེ་གསེར་གདུང་ཉམས་གསོ་མཛད་པས་སྔར་ལས་ལྷག་པའི་བཟོ་བཀོད་ཕུན་སུམ་ཚོགས་པར་གྱུར། གསེར་གདུང་གི་གཡས་གཡོན་དུ་རྒྱལ་ཚབ་དར་མ་རིན་ཆེན་དང་མཁས་གྲུབ་རྗེ་སོགས་འཇམ་དབྱངས་གཙང་པ་བདུན་བརྒྱུད་ལ་སོགས་པའི་གདུང་རྟེན་དང༌། རྗེ་རང་གི་ཐུགས་དམ་གྱི་རྟེན་བྱིན་ཅན་སྐུ་རྒྱ་གར་མ་རྒྱ་ནག་མ་གཉིས་བཅས་བཞུགས་ཡོད་ལ་གསེར་གདུང་ཁང་ནང་དུ་གསང་འདུས་མི་བསྐྱོད་པ་དང༌། འཕགས་པའི་གནས་བརྟན་བཅུ་དྲུག རྒྱལ་ཆེན་བཞི་དང་བཅས་པའི་སེའུ་ཐང་(དགའ་ལྡན་སེའུ་ཐང་)སྐུ་ངོ་མཚར་ཅན་བཞུགས། དེ་རྣམས་ནི་རྒྱ་ནག་གོང་མ་ཏཱ་མིང་གི་སྲས་ཟོན་ཏི་ཡིས་རང་གི་ཏི་ཤི་སེ་ར་བྱམས་ཆེན་ཆོས་རྗེའི་སློབ་མ་ཨ་མོ་གྷ་དང་བསོད་ནམས་ཤེས་རབ་གཉིས་ལ་ཕུལ་བ་དང་ཁོང་རྣམ་གཉིས་ཀྱིས་གསེར་གདུང་ཁང་ལ་ཕུལ་བ་ཡིན།
ཡངས་ཅན་གཙུག་ལག་ཁང་སྦུག་གི་གཙང་ཁང་ལྷོ་མའི་རྟེན་གཙོར་རྗེ་རང་ཉིད་ཀྱིས་བཞེངས་པའི་གསེར་ཟངས་ཀྱི་ཐུབ་པ་བདུད་འདུལ་ཆེན་པོ་སྐུ་ཚད་ལྷ་སའི་ཇོ་བོ་ལས་མཐོ་གང་ཙམ་གྱིས་ཆེ་བ་ཐུབ་དབང་ཚུལ་ཁྲིམས་མར་གྲགས་པ་བཞུགས། དེའི་བཞུགས་ཁང་གསེར་ཟངས་ལས་གྲུབ་པའི་རྒྱ་ཕིབས་ཉིས་བརྩེགས། རྒྱབ་ཡོལ་ཁྲི་དྲུག་འགྱོགས། མདུན་དུ་འབྲུག་ཤ་འགྱུར་དང་བཅས་པ་འདི་ཕོ་ལྷ་མི་དབང་བསོད་ནམས་སྟོབས་རྒྱལ་གྱིས་བཞེངས། གཙོ་བོའི་མཐའ་སྐོར

  • བཀྲ་ཤིས་ཚེ་རྒྱལ་གྱི་གློག་བརྙན《ཤེལ་རིལ》ལ་བྱ་དགའ་ཐོབ་པ།
  • རྒྱལ་ས་རུ་པེ་ཅིན་རེབ་གོང་སྒྱུ་རྩལ་ཁང་གི་སྒོ་དངོས་སུ་ཕྱེས་པ།
  • བོད་ལྗོངས་སློབ་གྲྭ་ཆེན་མོས་ལུས་རྩལ་འགྲན་ཚོགས་བསྡུས་པ།
  • ཁྲི་ཀའི་མི་རིགས་སློབ་འབྲིང་དུ་ཤེས་བྱའི་འགྲན་བསྡུར་སྤེལ་བ།
  • ཆོས་སྐྱིད་སྒྲོལ་མས་ཡ་གླིང་མཆོང་རྒྱུག་ཏུ་ཨང་གཉིས་པ་བླངས།
  • ནང་པའི་ཚན་རིག་ལས་མངལ་དུ་ལུས་ཆགས་རིམ་གྱི་སྐོར།
  • བོད་ཀྱི་དམངས་ཁྲོད་གཏམ་རྒྱུད་ཀླུ་འབུམ་མི་རྒོད།
  • ཞིང་ཆས་དང་ཞིང་ལས་ལས་ཀའི་མིང་།
  • བོད་རིགས་མཁས་དབང་ཡོངས་ལ་ཕུལ་བའི་ཞུ་འཕྲིན་ཡིད་ཀྱི་མེ་ཏོག
  • ཚ་བསུར་གཏོང་ཚུལ་བཞུགས་སོ།།
  • བོད་རྒྱལ་གྲི་གུམ་བཙན་པོའི་སྐོར།
  • སེམས་གནས་དགུ་དང་དེ་དག་སྟོབས་དྲུག་གི་གྲུབ་ལུགས།
  • རྡོ་རྗེ་དོན་གྲུབ་ཀྱིས་གཞས་མ་ཞིག་ལ་སྦྱར་བའི་སྙན་རྩོམ།
  • སྐད་ཡིག་རིགས་ལྔའི་རིག་འཕྲུལ་ལོ་ཙཱའི་མ་ལག་ཚོད་ལྟ་བྱེད་པ།
  • བོད་ཡིག་གི་རྐྱེན་གྱི་ཡི་གེ་བྱུང་ཚུལ་དང་སྦྱོར་སྟངས་སྐོར་གླེང་བ།
  • འབྲི་སྟོད་མི་རིགས་སློབ་འབྲིང་གིས་ལུས་རྩལ་འགྲན་ཚོགས་སྤེལ།
  • ཆོས་སྐྱིད་སྒྲོལ་མས་ཡ་གླིང་མཆོང་རྒྱུག་ཏུ་ཨང་གཉིས་པ་བླངས།
  • བོད་རིགས་མཁས་དབང་ཡོངས་ལ་ཕུལ་བའི་ཞུ་འཕྲིན་ཡིད་ཀྱི་མེ་ཏོག
  • ཚ་བསུར་གཏོང་ཚུལ་བཞུགས་སོ།།
  • སེམས་གནས་དགུ་དང་དེ་དག་སྟོབས་དྲུག་གི་གྲུབ་ལུགས།
  • ཟོན་ཐར་རྒྱལ་དང་ཁོའི་གློག་བརྙན《གཙང་པོ》།
  • སྟག་གསོད་སློབ་གྲྭའི་རྨང་གཞི་སྒྲིག་ཆས་གསར་སྐྲུན་བྱས་པ།
  • རྐྱང་རྒོད་རྔོག་ཞོན་ཚང་གི་རྟ་རྒྱུག་འགྲན་སྡུར་སྤེལ་བ།
  • ཞི་བདེ་ཉི་མས་གློག་བརྙན《ཐར་ལོ》ནང་གཙོ་འཁྲབ་བྱེད་པ།
  • འཇིག་ཉེན་ཆེ་བའི་གནའ་བོའི་གྲོང་ཚོ་ཐ་ཀྱཱ།
  • མཚོ་ལྷོ་ཁུལ་དཔེ་མཛོད་ཁང་གསར་བའི་སྒོ་འབྱེད་མཛད་སྒོ་སྤེལ།
  • ཤེས་རབ་བསྟན་དར་གྱིས་བརྩམས་པའི《ཚངས་མགུར་ཞིབ་འཇུག》 ངོ་སྤྲོད།
  • མཚོ་སྔོན་བཙན་པོ་མི་རིགས་རིག་གནས་ཐོན་ལས་ཚད་ཡོད་ཀུང་ཟི།
  • མཚོ་ལྷོ་ཁུལ《སྒྲ་སྙན་རྡུང་ལེན》རིག་གཞུང་བགྲོ་ཚོགས་བསྡུས།
  • 《རྭ་ལོ་ཙཱ་བའི་རྣམ་ཐར》རྒྱ་འགྱུར་མ་སོགས་འགྲེམ་སྤེལ་བྱས།
  • ཟི་ལིང་དུ《གཙང་བོ》ཞེས་པའི་བརྙན་གཟིགས་ཚོགས་ཆུང་སྤེལ།
  • མཚོ་སྔོན་པོར་མཚོ་བསྐོར་དུ་འགྲོ་བའི་དགོས་པ།
  • སྲས་མོའི་ལོག་ཕེབས།༼༡༽ ཡབ་གཞིས་པཎ་རིག་འཛིན་དབང་མོ་མཚོ་སྔོན་པོ་དྲ་བར་གདན་ཕེབས་གནང་ཞིང་ཤིས་ཚིག་བསྩལ།
  • ཚེ་རིང་ནོར་བུ་ལགས་ལ་ཐེངས་ལྔ་པའི་ལུའུ་ཞུན་རྩོམ་རིག་བྱ་དགའ་ཐོབ་རྗེས་ཆོས་གྲོགས་དྲྭ་བས་བཅར་འདྲི་བྱས་པ།
  • བྱམས་བུད་མེད་རྩོམ་རིག་བྱ་དགའི་མཛད་སྒོ་ཟི་ལིང་ནས་བསྡུས།
  • བོད་ཀྱི་ཐ་སྙད་གསར་བའི་ཤེས་བྱའི་འགྲན་ཚོགས།
  • ༄༅ །།མཚོ་ལྷོའི་རོང་ཁུལ་བུད་མེད་ཀྱི་རྒྱན་ཆ།
  • མཐོ་སྒང་གི་ནོར་ནག་སྐོར་ཅུང་ཙམ་བརྗོད་པ།
  • བོད་ཀྱི་གླུ་བ་གླུ་མ་ཚོའི་ལྷན་གཞས་ཆེད་བསྒྲིགས་གསར་བ།
  • ༄༅།།《གུང་ཧོའི་སྲིད་དོན》བོད་ཡིག་གི་པར་གཞི་དང་པོ་སྒྲིག་སྒྱུར་བྱས་ནས་དངོས་སུ་འགྲེམ་སྤེལ་བྱས་པ།
  • འཇང་དགུན་ཆོས་ཆེན་མོ་རོང་བོ་དགོན་ཆེན་དུ་བསྡུས་པ།
  • སྟོན་མཆོག་ཐུབ་པའི་དབང་བའི་མཛད་རྣམ་བསྡུས་པ།
  • ༄༅། ། ལེའུ་དང་པོ། སྤྱིའི་རྩ་འཛིན།
  • ༄༅ །།དམར་པོའི་ཞིང་ཁམས།
  • བོད་ལྗོངས་ནང་བསྟན་སློབ་གླིང་ལེགས་འགྲུབ་བྱུང་བ།
  • སྒོ་ཁྱིའི་ལས་དབང་།༼སྙན་ངག༽
  • ཁུལ་གྱི་བླ་སྤྲུལ་སྐོར་ཅིག་ངེད་ལས་ཁུངས་སུ་གཟིགས་མོར་ཕེབས་པ།
  • ཁུལ་གྱི་མགོ་ཁྲིད་ངེད་ལས་ཁུངས་སུ་བྱ་བར་གཟིགས་ཞིབ་ཏུ་ཕེབས་པ།