སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
གཡུང་དྲུང་བོན་ཞང་བོད་གནའ་བོའི་རིག་གཞུང་ཞིབ་འཇུག་ཚོགས་པ།
རྩོམ་པ་པོ། ལྷ་བུ་བློ་བཟང་། རྩོམ་སྒྲིག་པ། Lhamo དུས་ཚོད། 2011-9-9 10:32:00 རྩོམ་ཁུངས། ཧི་མ་ལ་ཡའི་བོན། ཀློག་གྲངས།


ཞང་བོད་ཁྱད་ནོར།

              གཡུང་དྲུང་བོན་ཞང་བོད་གནའ་བོའི་རིག་གཞུང་ཞིབ་འཇུག་ཚོགས་པ་ནི་སྤྱི་ལོ2009ལོའི་ཟླ་བ9པའི་ཚེས13ཉིན་མདོ་སྨད་བོན་གྱི་བསྟན་བདག་གོང་ས༧སྣང་ཞིག་སྐྱབས་མགོན་རིན་པོ་ཆེ་མཆོག་དང་། རྒྱལ་ཚབ་ཐམས་ཅད་མཁྱེན་པ་རྣམ་གཉིས་ཀྱི་གཙོས། མདོ་སྨད་སྣང་ཞིག་དགོན་ཆེན་གྱི་དོ་དམ་ཨུ་ཡོན་ལྷན་ཁང་གི་ལས་འཛིན་པ་ལྷན་རྒྱས་ཀྱིས། གཡུང་དྲུང་བོན་གྱི་བསྟན་པའི་ཞབས་ཞུ་རུ་དམིགས་ཏེ། སངས་རྒྱས་གཡུང་དྲུང་བོན་བཤད་སྒྲུབ་སློབ་གླིང་གི་ཡན་ལག   ཞང་བོད་གནའ་བོའི་རིག་གཞུང་ཞིབ་འཇུག་ཚོགས་པ་གསར་དུ་རྩ་འཛུགས་བྱས།      ཚོགས་འདིའི་ཚོགས་མི་བསྡུ་རུབ་སྐོར་ནས་གོང་ནས་རྣམ་གཉིས་ཀྱིས་དབུ་ཁྲིད་འོག་སྤྱི་ལོ2009ལོའི་མཐར་ཕྱིན་སློབ་མའི་ཁྲོད་ནས་བདམས་པའི་སློབ་བུ་ཉེར་གཅིག་ཚོགས་པ་འདིའི་གཞི་འཛིན་ཚོགས་མི་རུ་བདམས། ཚོགས་པ་དེའི་ཁོངས་སུ་ཚོགས་གཙོ་དང་ཚོགས་གཞོན། དྲུང་ཆེ་དང་དྲུང་གཞོན་སྤྱི་གཉེར་བཅས་ལས་བྱེད་མི་སྣ་དང་རྩོམ་སྒྲིག་པ་ཞིབ་འཇུག་པ་སོགས་ཀྱི་ལས་འགན་བསྐོ་བཞག་བྱས་ཡོད་ལ། ཁོང་རྣམ་པས་ཕྱག་ལས་གཙོ་བོ་ནི། ཡིག་རྙིང་འཚོལ་སྡུད་དང་པར་སྐྲུན། ཞང་བོད་ཀྱི་རིག་གཞུང་ཞིབ་འཇུག་བྱེད་རྒྱུ་བཅས་ཡིན། ཉེ་ཆར་ང་ཚོས་ཕྱོགས་སོ་སོ་ནས་བསྡུས་ཏེ་ལག་སོན་བྱུང་བའི་དཔེ་དཀོན་དང་ཡིག་རྙིང་རིགས་མི་འདྲ་བ་བརྒྱ་ལྷག་ཡོད། 


ཞང་བོད་ཁྱད་ནོར།

              2009ཟླ་བ13པའི་ནང་མདོ་སྨད་སྣང་ཞིག་དགོན་ཆེན་དུ་གཡུང་དྲུང་བོན་མཉམ་འབྲེལ་མཐུན་ཚོགས་འཚོགས་སྐབས་སུ། བསྡུ་རུབ་བྱས་པའི་གནའ་བོའི་ཡིག་རྙིང་འགའ་འཐུས་མིའི་སྤྱན་སྔར་དུ་ཕུལ་བས། ཁོང་ཚོས་དགའ་བསུ་དང་གཡུང་དྲུང་བོན་གྱི་བསྟན་དོན་གལ་ཆེན་དུ་དགོངས་ཏེ། མཉམ་འབྲེལ་མཐུན་ཚོགས་ཀྱི་གྲོས་ཆོད་ལྟར་མ་འོངས་ངེས་པར་དུ་བསྒྲུབ་དགོས་པའི་བྱ་བཞག་ཨང་གསུམ་པར་བདམས། དེ་བཞིན་ལོ་འདི་དག་གི་རིང་ལ་ཡ་ཐོག་ཞང་བོད་ཁྱད་ནོར་དཔེ་ཚོགས་རྩོམ་སྒྲིག་ཁང་ནས། དཔེ་དཀོན་གྱི་རིགས་དག་སྒྲིག་བྱས་དང་བྱེད་བཞིན་ཡོད་པ་མ་ཟད། ཚོགས་པའི་ཁ་ཕྱོགས་དང་བསྟུན་པའི་གནའ་བོའི་རིག་གཞུང་ཁག་ལ་ཞིབ་འཇུག་དང་། ཞང་བོད་ཀྱི་རིག་གཞུང་གླེང་སའི་གཤེན་རབ་རིག་གནས་གཏམ་གླེང་ཞེས་པའི་ཁོར་ཡུག་ཅིག་ཀྱང་གསར་དུ་བསྐྲུན་ཡོད། གླེང་སྟེགས་དེ་ལས་གཟའ་འཁོར་རེ་རེར་ལོ་རྒྱུས་འཆད་ཁྲིད་དང་། རང་མོས་གཏམ་གླེང་གི་བྱ་འགུལ་སྤེལ་ཏེ་རྒྱལ་ཕྱི་ནང་གི་བསམ་བློ་བ་དང་ཆེད་མཁས་པ་མང་བོ་གདན་འདྲེན་བྱེད་མུས་མཆིས། 
              སྤྱི་ལོ2010ལོའི་ཟླ9བའི་ཚེས13ཉིན་གཡུང་དྲུང་བོན་གྱི་བཤད་སྒྲུབ་སློབ་གླིང་གི་མཐར་ཕྱིན་སློབ་མའི་གྲས་ཀྱི་མི་བཅུ། གོང་ས་རྣམ་གཉིས་དང་དོ་དམ་ཨུ་ཡོན་ལྷན་ཁང་གིས་ཚོགས་པའི་གྲས་སུ་བདམས་ཏེ་ཚོགས་པའི་རྒྱ་ཁྱོན་སྔར་ལས་ཇེ་ཆེར་བཏང་། ད་ལྟ་མི་གྲངས་སོ་གཅིག་གིས་གྲུབ་པའི་གཡུང་དྲུང་བོན་ཞང་བོད་གནའ་བོའི་རིག་གཞུང་ཞིབ་འཇུག་ཚོགས་པའི་ཚོགས་མི་སོ་སོས། སྤྱིར་གངས་ཅན་བོད་ཀྱི་ཤེས་རིག་སྲུང་སྐྱོབས་དང་། དགོས་སུ་སངས་རྒྱས་གཡུང་དྲུང་བོན་གྱི་རིག་གཞུང་འཕེལ་རྒྱས་རྒྱས་ཀྱི་ཆེད་དུ། ཡ་ཐོག་ཞང་བོད་ཁྱད་ནོར་དཔེ་ཚོགས་ཞེས་པའི་ལོ་རྒྱུས་ཀྱི་དཔྱད་རིན་ལྡན་ཞིང་གནའ་བོའི་ཞང་བོད་ཀྱི་ངོ་བོ་མཚོན་པའི་དེབ་ཕྲེང་ཞིག་འགྲེམ་སྤེལ་བྱེད་ལ་ཉེ་བ་དང་། མ་འོངས་པར་ཕྱོགས་སོ་སོར་ཡིག་རྙིང་འཚོལ་སྡུད་དང་ཞང་བོད་ཞིབ་འཇུག་གི་བྱ་བ་གཉེར་བཞིན་འགྲོ་བའི་འཆར་གཞི་ཡོད་པའོ། །


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...